إعـــــــلان

Collapse

.

,
See more
See less

صيانة 25000 كم للجيتا.

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    صيانة 25000 كم للجيتا.

    السلام عليكم جميعا ،

    كملت بالعربية 25000 كم قبل العيد بحوالي أسبوع و طبعا كان لازم الصيانة الدورية قبل الأجازة و السفر فاشتريت كل الفلاتر أصلي من الشهابي ( زيت و هواء و بنزين و تكييف ) و أجلت تيل الفرامل لصيانة 35000 كم ان شاء الله لأن الفرامل كويسة طبعا مش زي حالتها عند استلام العربية ولكن ممكن تستحمل للصيانة الجاية.

    حاولت الاتصال مرارا بكبير الفولكساوية م / أسامة موسى لترتيب موعد في مركزه الخاص للصيانة طبقا لوعدي له بذلك و لكن موبيله كان مقفول باستمرار و توقعت انه معتكف آخر 10 أيام من رمضان.

    روحت لمحمد سمير و عملوا صيانة ال 25000 كم كاملة مع تربيط العفشة و الزيت طبعا و أصروا على تغيير البوجيهات الأصلية بأخرى NGK اليابانية لأنها ماينفعش تكمل لغاية 35000 كم مع التيل و طبعا كنت رافض بشدة أركب بوجيهات غير الأصلي ولكن كان صعب جدا ارجع تاني للشهابي مصر الجديدة علشان أجيبها فوافقت و قلت أجرب و أشوف تأثيرها على أداء العربية و غسلوا المحرك كويس جدا و أخيرا فحص العربية عن طريق جهاز الفحص الخارجي لكل جزء في العربية - كهرباء و موتور- حتى اللمبات و الحمد لله بدون أكواد أعطال. المهم نيجي للحساب :
    1- زيت محرك شيل ألترا 275.00 جنيه
    2- طقم بوجيهات NGK 80.00 جنيه
    3- غسيل محرك 20.00 جنيه
    4- اسبراي 10.00 جنيه
    5- مصنعيات ميكانيكا 120.00 جنيه

    الاجمالي 505.00 جنيه و طبعا يضاف اليهم قيمة الفلاتر من الشهابي في حدود 250.00 جنيه مش فاكر بالظبط للأمانة. لو حسبنا ان صيانة ال 5000 كم كلفتني 350.00 جنيه مع صيانة 15000 كم كلفتني 425.00 جنيه بزيادة 75.00 ج عن صيانة 5000 كم تكلفة الفحص بجهاز vag com يبقى اجمالي تكلفة الصيانات و الفحص و قطع الغيار للسيارة في سنة كاملة - استلام السيارة 9/2008 - مجموع و قدره 1530.00 جنيه تصل لحوالي 1600 جم باكراميات العمال في الثلاث زيارات.

    أداء العربية من ناحية السحب اختلف تماما مع البوجيهات الياباني و واضح جدا ان السحب أحسن و استجابة الموتور للكيك داون أفضل بكتير- بس لسه معدل استهلاك البنزين في حدود 220 كم كمتوسط بمعنى 11كم / لتر طبقا لكمبيوتر العربية وأكيد تغيير فلتر الهواء له دور في كفائة السحب المحسوسة بشدة.
    و برضه عندي احساس - قد أكون مخطىء - ان صوت الموتور علي عن الأول و ده أصلا من ضمن عيوب الجيتا ان صوت الموتور مسموع جوه الكابينة ودي مسألة تصميم وليس عيب في عزل الموتور لأن فولكس كشركة مش محل نقاش في موضوع العزل ده بصراحة. ولكن بأمانة موضوع صوت الموتور بينرفز و خاصة مع المقارنة مع سيارة والدي الكورولا ، مفيش صوت للموتور خالص.

    كفائة التكييف أحسن بكتير جدا بعد تغيير الفلتر و ليس مجرد تنظيفه بالهواء و دي نصيحة مني بتغييره كل سنة.

    أنتظر تعليق م / أسامة على جزئية البوجيهات ال NGK و تحت الأمر في أي استفسار اضافي.

    خالص احترامي للجميع.

    محمد حمدي
    [B]الوسطية و الاعتدال في كل الأمور هما جوهر الدين الاسلامي،[/B]
    [B]وافعل ماشئت فكما تدين تدان .[/B]
    الكلمات الدلالية (Tags): 1500, 1600, 20, 2008, 50, أجيب, أحسن, أعطال, اتصالات, استفسار, استهلاك البنزين, البنزين, التي, الجديدة, الجي, السيارة, الصيانة, الصيانة الدورية, العزل, الي, ام, انا, بدون, بس, بصراحة, بنزين, بنزين 95, بين, تغيير, تغيير الفلتر, تكييف, تنظيف, تيل, جيتا, حساس, حل, خاص, زيت, سيارة, شنطة, صوت, صوت الموتور, صيانات, صيانة, صيانة 5000, عربية, عفشة, على, عن, عيوب, غيار, فاكر, فرامل, فلتر, فولكس, في, قطع, قطع الغيار, كل, كورولا, كيك داون, لازم, لكل, للجيتا, ما, مركز, مشاكل, مصر, مع, معلومات, مقارنة, مقاس, من, موتور, موضوع, هل, هو, يا
  • #2
    ربنا يحفظهالك ويديمها عليك نعمه فعلا فولكس نعمه ربنا مديهالنا
    وكتكلفه معتقدش انها فى سنه تعتبر تكلفه يعنى تقريبا 135 جنيه فى الشهر كلام فاضى أما موضوع البوجيهات الأن جى كيه بوجيهات ممتازه وهو كده حطيلك النوع العادى منها مش الأصلى اللى معمول لفولكس نفسها اللى ممكن يوصل ثمنو ل 280 جنيه بس معتقدش ان يكون فيه مشكله بس الغريب منو انو شالك البوجيهات الأصليه على 25000 كم بس بيتهيئلى كان ممكن تقعد اكتر من كدا أنا اشرف الشهابى كان قالى مره ان البوجيهات الأن جى كيه اللى ب 80 جنيه دى بتشتغل معاك 35000 كم يبقى الأصلى اللى نازله فى العربيه تشتغل قد أيه
    عمتا ربنا يباركلك فى عربيتك ويحفظهالك ودايما تبقى مبسوط منها
    It’s not about having the perfect relationship.. But its finding someone who matches you and would go through everything without giving up.

    Comment

    • #3
      المشاركة الأصلية كتبت بواسطة m.mostafa80 مشاهدة المشاركة
      ربنا يحفظهالك ويديمها عليك نعمه فعلا فولكس نعمه ربنا مديهالنا
      وكتكلفه معتقدش انها فى سنه تعتبر تكلفه يعنى تقريبا 135 جنيه فى الشهر كلام فاضى أما موضوع البوجيهات الأن جى كيه بوجيهات ممتازه وهو كده حطيلك النوع العادى منها مش الأصلى اللى معمول لفولكس نفسها اللى ممكن يوصل ثمنو ل 280 جنيه بس معتقدش ان يكون فيه مشكله بس الغريب منو انو شالك البوجيهات الأصليه على 25000 كم بس بيتهيئلى كان ممكن تقعد اكتر من كدا أنا اشرف الشهابى كان قالى مره ان البوجيهات الأن جى كيه اللى ب 80 جنيه دى بتشتغل معاك 35000 كم يبقى الأصلى اللى نازله فى العربيه تشتغل قد أيه
      عمتا ربنا يباركلك فى عربيتك ويحفظهالك ودايما تبقى مبسوط منها
      شكرا يا باشا لزوقك و فعلا أنا سألتهم في الصيانة على جزئية البوجيهات من حيث انها المفروض بدري عليها في التغيير فكان الرد بأن البوجيهات الأصلية مصممة للعمل مع بنزين 95 بمعنى بتعيش كتير مع ظروف التشغيل المثالية طبقا لكتالوج العربية بينما في مصر الأمور مختلفة. علشان أكون صريح معاك اذا كان قصدك انهم غيروا البوجيهات الأصلي بدري علشان ياخدوها فللأمانة كل القطع المتغيرة حطوها في شنطة العربية قدامي بدون محاولة لعب أو تجاوز.
      في انتظار رد م / أسامة موسى على جزئية البوجيهات و لو طلب تغييرها بالأصلي تاني أكيد هانفذ فورا.

      خالص احترامي

      محمد
      [B]الوسطية و الاعتدال في كل الأمور هما جوهر الدين الاسلامي،[/B]
      [B]وافعل ماشئت فكما تدين تدان .[/B]

      Comment

      • #4
        أخي محمد أعتذر بمنتهى الشدة لعدم الرد على اتصالات حضرتك

        في الحقيقة مكنتش عايز أي حاجة تشغلني الأيام العشرة الأواخر من رمضان وعلشان كده كنت قافل الخطين بتوعي وحتى لما كنت بفتح أي خط فيهم ويجي اي اتصال مكنتش برد علشان مش عايز أي حاجة تخرجني عن تركيزي.

        البوجيهات مفيش فيها مشكلة في ناس كتير بتستعملها ومحدش اشتكى منها الفروق في حاجات تانية، زي:

        - لما يجيلك موبايل وانت سايق حتسمع الشوشرة في السماعات
        - العمر الافتراضي للبوجيهات دي أقل

        يعني مش حاجة تقلق خالص.

        واسف مرة تانية على عدم الرد
        [CENTER]شايلك في قلبي وفاكرك يا [OVERLINE][COLOR=orange][B]مصر[/B][/COLOR][/OVERLINE]...صوتك بيعصر فقلبي [COLOR=orange][B]عصر[/B][/COLOR]...خدي بأيدي...وامشي معايا...نعدي [B][COLOR=orange]نصر[/COLOR][/B] ندخل في نصر[/CENTER]
        [CENTER]قال الله تعالى: {ما يلفظ من قول إلا لديه رقيب عتيد} صدق الله العظيم[/CENTER]
        [CENTER]قال الإمام علي (كرم الله وجهه): لا غنى كالعقل ولا فقر كالجهل[/CENTER]

        Comment

        • #5
          المشاركة الأصلية كتبت بواسطة mohamed_hamdi مشاهدة المشاركة
          1- زيت محرك شيل ألترا 275.00 جنيه
          2- طقم بوجيهات ngk 80.00 جنيه
          مبروك على الصيانة بس أسامة أضمن..
          ليا سؤالين:
          1- هوا زيت 10000 وصل 275 وللا ده نوع تانى!!
          2- هوا طقم البوجيهات ده اللى ب 55 وللا ده برده نوع تانى!!

          المشكلة مش فى الفلوس بس الإستغلال وحش..
          [sor2]http://oi41.tinypic.com/eranop.jpg[/sor2]

          Comment

          • #6
            المشاركة الأصلية كتبت بواسطة original مشاهدة المشاركة
            مبروك على الصيانة بس أسامة أضمن..
            ليا سؤالين:
            1- هوا زيت 10000 وصل 275 وللا ده نوع تانى!!
            2- هوا طقم البوجيهات ده اللى ب 55 وللا ده برده نوع تانى!!

            المشكلة مش فى الفلوس بس الإستغلال وحش..
            دا الترا اللى هو اعلى من العشره العادى
            وبالنسبه للبوجيهات فى فعلا فى السوق نوع ب 60 ونوع ب 80 بس اللى هو ركبو انهو نوع الله أعلم
            وعلى فكره يا استاذ محمد حمدى أنا مكنش قصدى خالص انهم فكوهم عشان ياخدوهم
            It’s not about having the perfect relationship.. But its finding someone who matches you and would go through everything without giving up.

            Comment

            • #7
              على فكرة مهم أوى إنك تشوف عيوب الحاجة القديمة عشان تعرف المشاكل الى كانت السبب فى تلفها!!
              زى نوع البنزين
              المحطة اللى بتمون منها
              البوجيهات خلوصها بأا كام بعد الإستهلاك!!؟؟
              الفلاتر فيها إيه!!
              يعنى متابعة مطمئنة..
              [sor2]http://oi41.tinypic.com/eranop.jpg[/sor2]

              Comment

              • #8
                طب ممكن توضحلنا معنى كلامك اكتر يامحمد يعنى ايه اللى ممكن نلاحظو وايه الدلائل على وجود مشاكل من خلال الملاحظه دى وفى نفس الوقت حلولها
                It’s not about having the perfect relationship.. But its finding someone who matches you and would go through everything without giving up.

                Comment

                • #9
                  فلتر البنزين ممكن تلاقى جواه بلاوى وممكن تلاقيه نضيف!! ممكن لو بتمون من محطة واحدة دايما تعرف إذا كانت نضيفة وللا لأ وخصوصا للى بيحط 92 بس.
                  فلتر الهواء له علاقة بالجو يعنى مثلا فى إسكندرية غير القاهرة غير طنطا!! طنطا جوها كلله تراب وأكيد كل حالة ليها معاد لتغيير الفلتر..
                  البوجيهات حسب نوعها ممكن تعرف إذا كانت كويسة وللا لأ من التآكل اللى بيحصلها يعنى لو عارف مقاس الخلوص وهيا جديدة هتعرف لما تغيرها الفرق بينهم وكمان البوجيه الموجود فى كل بستم ياترى زى بعض وياترى فيهم واحد محروق عن التانى أو مرطب أو عليه زيت!!
                  المياه لما تيجى تغيرها فيها صدأ وللا لأ؟؟
                  الزيت نوعه ولونه إيه وإتحرأ فى أد إيه؟؟
                  فلتر الزيت نوعه إيه وياترى الزيت معاه كان مرتاح عن غيره!! مش يمكن مش أصلى أو مضروب!!
                  السيور تشوف فيها تشققات وشكلها إيه والنوع اللى ركبته أعد أد إيه مش يمكن لو سبته أكتر من كده يتقطع!! طيب التشققات طلعت على كم كيلو من التركيب!!
                  زيت الفتيس تتأكد إن مافيهوش رايش!!
                  زيت الباور مافيهوش رايش!!

                  معلش طولت بس مش شرط كل واحد يصدع نفسه بالحاجات دى..
                  [sor2]http://oi41.tinypic.com/eranop.jpg[/sor2]

                  Comment

                  • #10
                    طبعا معلومات مهمه وضروريه للمهتم انو يعرفها
                    It’s not about having the perfect relationship.. But its finding someone who matches you and would go through everything without giving up.

                    Comment

                    • #11
                      كلامكوا كله جميل و كله افاده فعلا
                      ربنا يباركلكم جميعا
                      [CENTER][SIZE=2][COLOR=#0055ff][B]من اهم موضوعاتى فى قسم الفولكس
                      [URL]http://www.nilemotors.net/Nile/95617-100-2010-a.html[/URL][/B][/COLOR][/SIZE][/CENTER]
                      [CENTER][SIZE=5][COLOR=#0055ff][B]قل لن يصيبنا الا ما كتب الله لنا[/B][/COLOR][/SIZE][/CENTER]
                      [CENTER] [SIGPIC][/SIGPIC][/CENTER]
                      [CENTER][COLOR=#ff0303][B]بأحبك يا نايل موتورز
                      [/B][/COLOR][/CENTER]

                      Comment

                      السابق template التالي
                      Working...
                      X