بولو عيون....؟ مساعده لو سمحتم

[zico900]

السلام عليكم

استاذنا اسامه موسى كان اكلم قبل كده عن العربيات البرازيلي التشتريها و لا متخدهاش حتى لو اخدت عليها فلوس! انا طبعا سمعت بنصيحته من غير كلام و لقيت عربيه كالاتي (032 906 032 e) من صناعه بوش...برازيلي 1600 عامله 100000 و صاحبها بيكلم في 65.

كنت عايز بس رد على الاسئله لو سمحت:
1- الموديل ده بيركب عليه قطع غيار الاوروبيه الفي السوق عادي؟

2-فرق السعر في قطع الغيار بين موديل 2001 و 2004 مثلا في تيل الفرامل...ده بكام وده بكام؟ (انا سمعت ان 2001 طقم التيل القدام ب150 صحيح؟)

3-الموديل ده في مشاكل ولا بيسخن ولا حاجه؟

4-اخر حاجه معلش لو عايز اكشف كشف على اي عربيه فولكس لشراء اروح لمين؟ (لو في مشاكل مع الاداره في العنوانين و التليفونات ممكن حد يكتبلي مسج خاص و شكرا)


معلش دوشتكو بس انا محتاج مساعده

جزاكم الله خيرا و شكرا

[zico900]

نسيت الموضوع الاصلي

http://www.nilemotors.net/Nile/96721-polo-2003-a.html

[original]

كنت عايز بس رد على الاسئله لو سمحت:
1- الموديل ده بيركب عليه قطع غيار الاوروبيه الفي السوق عادي؟

2-فرق السعر في قطع الغيار بين موديل 2001 و 2004 مثلا في تيل الفرامل...ده بكام وده بكام؟ (انا سمعت ان 2001 طقم التيل القدام ب150 صحيح؟)

3-الموديل ده في مشاكل ولا بيسخن ولا حاجه؟

4-اخر حاجه معلش لو عايز اكشف كشف على اي عربيه فولكس لشراء اروح لمين؟ (لو في مشاكل مع الاداره في العنوانين و التليفونات ممكن حد يكتبلي مسج خاص و شكرا)

1- قطع الغيار لو متشابهة بتركب عادى بس المهم يكون ليها قطع غيارها الخاصة حتى لو صينى المهم تلاقيها.
2- أسعار قطع غيار 2001 أحسن لأنها متوفرة جديد وإستعمال أما 2003-2005 نادرة شويتين.
3- مفيهوش مشكلة فى السخونية.
لو عايز تكشف على عربية هتشتريها عندك أسامة إبعتله على الخاص هيجيبلك من الآخر وشوف برده محمد مصطفى لو يقابلك

[zico900]

شكرا يا باشا....بس للاسف العربيه اتباعت...مفيش نصيب

لو حد عارف بولو 2001 و حالتها نظيفه اوي و فابريكه بالكامل يرشدني....و هل في اساسا عربيه 2001 متكونش عامله اكتر من 70000 كم؟

[M.Mostafa80]

فى وموجود كتير اكيد بس
دور وماتخودش العداد مقياس ممكن ألعب فيه

[original]

فى وموجود كتير اكيد بس
دور وماتخودش العداد مقياس ممكن ألعب فيه

ياجامد..

[zico900]

طب فين بس؟

انا شوفت:
car100100
contactcars
ewaseet

مفيش امل في واحده حالتها نظيف....ارجوكم قولوي ابوص فين!

[original]

دور فيهم وإنشاء الله هتلاقى..

[snakeson2]

العربية موجودة ياله العرض التاني
بص هدية من الاخر

[M.Mostafa80]

انت لسه عايز تبيع يامحمد يبقى يأما الراجل ده يأما أسلام شستر زميلنا من أسكندريه
على فكره ياجماعه انا شوفت عربيه محمد ماشاء الله عليها حالتها فوق الممتازه

[zico900]

لا لا يا باشا....انا مش بصصلك في العربيه ولا حاجه والله! ربنا يخليهالك...انا لسه مش متاكد من الشراء...لان زي منتا عارف الجمارك الهتنخفض دي هتعمل اه في اسعار العربيات الجديده...الصبر جميل

[M.Mostafa80]

دى كانت اجابه سؤالك لما سالتو لأسامه

وقوله العربية دي لو لونها فراني يبقى كويس انه بعد عنها
لأن العربية دي أنا الي مدورها وكان الكنترول بتاعها مسروق
وكانت أصلاً حادثة واتلمت
وبالنسبة للموتور ده
فهو فعلاً تصميم أوروبي
وحاجته متوفرة في السوق

وياريت ربنا يوقعه في واحدة تانية زيها
بس أفضل

[zico900]

شكرا يا محمد باشا و كمان اشكرلي استاذنا اسامه...و لما نصبر على الاداره العايزه تمشي الناس على مزاجها...يقولو اه و ميقلوش اه....

[umoussa]

زيكو العزيز

آسف بجد جداً إني تأخرت عليك وإن شاء الله يكون ربنا شايلك الخير في أحسن منها

العربية دي مواصفات أوروبي. بص خدها قاعدة عامة

العربيات البرازيلي قلباً وقالباً حتلاقي دائماً أبداً الكنترول بتاعها تصنيع ماريللي

الأوروبي عادة يا بوش يا سيمنز بس في برضو ماريللي بس في القديم موديلات 98 إلى 2001

موضوع كنترول العربية ده مزعج جداً وبالذات إن كنترول البولو العيون نادر جداً ومحدش بيعرف يجيبه بسهولة والي بيعرف يلاقيه بيطلع مش نفس الحروف

متزعلش مني مرة تانية

المرة الجاية حرد أسرع

[zico900]

عزيز؟ ده انت العزيز!!!

نورتنا نورتنا نورتنا!

والله!

اشكرك يا باشا على الرد و اتأخر براحتك يا ملك!

شوف انا عمري ماقبلتك....ان شاء الله تحصل في يوم........تحس ان الواحد مستريحلك من اول تعامل (ما شاء الله)........شرفتنا و نورتنا يا باشا بعودتك.....