سؤال: كيف أستعمل و ما هى فائدة الستبترونيك فى الجيتا (و عربيات فولكس عموما)؟

[beeboo2005]

قد يبدو سؤال غريب من مالك للسيارة Jetta 2008 بقاله أكثر من عام و نصف (و عجلة القيادة بها + و - اللى هى أزرار نقل الستبترونيك) و لكنه للأسف إلى الأن استعمل فقط D و لا ألجأ أبدا إلى أستعمال الستبترونيك. و كلما حاولت استعماله يفكرنى بعربيتى السابقة لانسر مانيول و مدى المعاناة جوه البلد و الزحمة فألجأ على الفور إلى الأتوماتيك تانى. و كثيرا ما أسأل نفسى أمال فايدة الستبترونيك ايه و لماذا هو موجود فى العربيات الغالية دى و اسمع من رواد المنتدى عن استمتاعهم بالقيادة بواسطته فهل يمكنكم أفادتى عن فوائده و الأهم كيف استعماله (يا ريت بالتفصيل)؟
شكرا مقدما

[amrhady]

انت مش معاك الكتالوج, هو مشروح فيه كيفية الأستخدام؟

انا هشرحلك عندي في الجولف المفروض نفس القصة على منا فاهم

التيب-ترونيك يخليك تسوق مانيوال فتتحكم انت (الى حد ما) في النقلات مش الأوتوماتيك هو ال يتحكم - ده طبعا ممتع اكتر من المانوال لو بتجري ولو عايز تحس بقوة الموتور وطبعا كل واحد ممكن يشوف ليه فايده من وجهة نظره

الأستخدام:
1. عن طريق الفتيس:دوس الزرار(وأنت على D) كأنك هتنقل وحرك الفتيس يمين - كده انت دخلت تيب-ترونيك موود - تزق الفتيس لفوق او تحت علشان تزود او تنقص نقله
2. من عجلة القياده: دوس + او - من عجلة القيادة هيدخل تيب-ترونيك موود. لو عايز ترجع اوتوماتيك تاني دوي على "+OFF" لمدة ثانية
3. خد بالك لما بتنقل تيب-ترونيك بتروح على النقله الي كنت ماشي عليها, ونصيحه بلاش تنقل تيب-ترونيك وال RPM عالي

ملحوظه : انا معنديش +- في عجلة القيادة, لكن انا جبتها من الكتالوج.

3.1 Controls and Equipment - page 137,138,139

[beeboo2005]

شكرا للمداخلة

انت مش معاك الكتالوج, هو مشروح فيه كيفية الأستخدام؟

انا هشرحلك عندي في الجولف المفروض نفس القصة على منا فاهم

التيب-ترونيك يخليك تسوق مانيوال فتتحكم انت (الى حد ما) في النقلات مش الأوتوماتيك هو ال يتحكم - ده طبعا ممتع اكتر من المانوال لو بتجري ولو عايز تحس بقوة الموتور وطبعا كل واحد ممكن يشوف ليه فايده من وجهة نظره

الأستخدام:
1. عن طريق الفتيس:دوس الزرار(وأنت على d) كأنك هتنقل وحرك الفتيس يمين - كده انت دخلت تيب-ترونيك موود - تزق الفتيس لفوق او تحت علشان تزود او تنقص نقله
2. من عجلة القياده: دوس + او - من عجلة القيادة هيدخل تيب-ترونيك موود. لو عايز ترجع اوتوماتيك تاني دوي على "+off" لمدة ثانية
3. خد بالك لما بتنقل تيب-ترونيك بتروح على النقله الي كنت ماشي عليها, ونصيحه بلاش تنقل تيب-ترونيك وال rpm عالي

ملحوظه : انا معنديش +- في عجلة القيادة, لكن انا جبتها من الكتالوج.

3.1 controls and equipment - page 137,138,139

فعلا عندى الكتالوج و فرأته جيدا كذا مرة و أعمل تماما زى حضرتك ما بتقول. الفكرة انى لا أجد اى متعة فى استخدامه و اجد المانيول اسهل. فكنت عايز رأى من يستعمله و يجد متعة فى استعماله يقول لنا على خبرته جايز الواحد يكتشف فائدة و معلومة مش عارفها.
شكرا لمداخلتك

[SAiF3S]

ولن تجد متعه ابدا فى قياده العربيه بالتيبترونك والافضل تسوق على ال D
انا جربت اكتر من مره والمشكله انك بتقرص على الغيار علشان مش سامع الموتور و مش هتفضل مركز مع الrpm
الفايده الوحيده له عند القياده فى المرتفعات صعودا او هبوط وخاصه الهبوط لان الاوتوماتيك هيفضل ينقل معاك مع زياده السرعه لكن على التيبترونك هتجيب التالت او الرابع و تنزل بيه