مشكلة في الجراند بونتو

[cabary]

بعد ما خلص كنت حبتدي مرحلة الإقناع مع والدي على الفيات جراند بونتو

كلمت كذا واحد من أصحابي عنده جراند بونتو وكلهم معاهم منه حدود سنتين و اتفقوا إن العربية حلوة جداً جداً بس حصل ليها مشاكل كدة مش ظريفة:
الأولى : إن علبة الدركسيون اتغيرت مع إن سواقتهم حلوة جداً من غيرمطبات ولا حاجات جامدة
التانية : إن في واحد منهم غير المساعدين إلي قدام وكل طريقه جوا المعادي ومن غير هري فالعربية

فأنا قلقت جداً من العربية ديه

فياريت لو حد تاني شاف نفس المشاكل ديه ياريت يقولها علشان لو أعرف حصرف نظر منها ولا لأ

(وعلى فكرة علبة الدركسيون لم غيرها إتكلفت ٥٣٠٠ جنيه مش ذي ما قالوله ٣٢٠٠)

وياريت لو المشاكل ديه موجودة بجد تقولو لأن احنا لسة مغيرين مساعدين بتوع الافيو إلي ملهاش لازمة ديه ومخنوقين منها ومش مستحملين اننا نجيب عربية ندفع فيها كدة في أول سنتين في حاجات المفروض انها معمرة

[amrbakly]

علي فكرة المشاكل دية طبيعية و مش غريبة في الزيرو، ياما بتحصل في عربيات محترمة كمان

يعني مثلا الفولكس و البي إم مشهور بتخريفات الإيرباج، المرسيدس ساعات برضة بيهنج السوفت ووير

فعليا المشاكل اللي زي دية بتحصل في عربيات كتير غالية

و بعدين يا سيدي كدة كدة انت عندك ضمان 3 سنين غير محدود الكيلومترات مع أوماترا

و بعدين يا راجل يا مؤمن دة المعادي مليانة مطبات هبااااااااااااااااب و بلاعات لوز اللوز، مش عايز يبوظ فيها مساعد ولا علبة دركسيون .... الحاجات دية للعلم يعني مش بتبوظ بسبب سوء السواقة و إنما بسبب شوارعنا اللي ربنا يحرقها بجاز هي و اللي رصفوها

[memo823000]

علي فكرة المشاكل دية طبيعية و مش غريبة في الزيرو، ياما بتحصل في عربيات محترمة كمان

يعني مثلا الفولكس و البي إم مشهور بتخريفات الإيرباج، المرسيدس ساعات برضة بيهنج السوفت ووير

فعليا المشاكل اللي زي دية بتحصل في عربيات كتير غالية

و بعدين يا سيدي كدة كدة انت عندك ضمان 3 سنين غير محدود الكيلومترات مع أوماترا

و بعدين يا راجل يا مؤمن دة المعادي مليانة مطبات هبااااااااااااااااب و بلاعات لوز اللوز، مش عايز يبوظ فيها مساعد ولا علبة دركسيون .... الحاجات دية للعلم يعني مش بتبوظ بسبب سوء السواقة و إنما بسبب شوارعنا اللي ربنا يحرقها بجاز هي و اللي رصفوها

[cabary]

و بعدين يا سيدي كدة كدة انت عندك ضمان 3 سنين غير محدود الكيلومترات مع أوماترا

و بعدين يا راجل يا مؤمن دة المعادي مليانة مطبات هبااااااااااااااااب و بلاعات لوز اللوز، مش عايز يبوظ فيها مساعد ولا علبة دركسيون .... الحاجات دية للعلم يعني مش بتبوظ بسبب سوء السواقة و إنما بسبب شوارعنا اللي ربنا يحرقها بجاز هي و اللي رصفوها

ما هي الفكرة اننا ساكنين فلمعادي بالنا ٢٠ سنة وحافظين كل المطبات والبلاعات اللي فالمعادي مطب مطب وبلاعة بلاعة وهو سواقته هادية جداً يعني لو ركبت جنبه ممكن أخدها مشي أحسن وأسرع

وبعدين صاحبي اللي غير علبة الدركسيون قالي إنه حتى لما راح يغيرها فلتوكيل قابل ناس كتير عندها نفس المشكلة وبيغيروها برده واللي أكدلي كدة اني سمعت الكلام دة من ناس كتير
واللي يمشي ورى كلام الناس حيجيب ورى أنا عارف بس اني أسمعه من كذا واحد ده فعلاً مشكلة
طب والضمان دة حيغطي الحاجات ده ولا لأ على أساس إنه حيقول انها سوء إستعمال
أنا أسف على الاسئلة الكتيرة بس أنا فعلاً العربية دخلة دماغي أوي وشكراً ليكو مقدماً

[amrbakly]

بص هو علي حد علمي من حقة يقولك سوء استعمال لو فعلا لاقاها مخبوطة او فيها رفه

إنما غير كدة ملوش حق ينطق، طيب متسأل صاحبك برضة اللي صلح هناك لأنة اكيد عندة شواهد علي الموضوع

انما فعلا في موضوع المساعدين، المساعدين دية عاملة زي البطيخة يا تطلع حمرا يا ترميها في الزبالة و علشان كدة بدأت أخيرا الناس في مصر تأمن ان لازم مع المساعد يبقي في ضمان علشان اي حركات قرعة

[safeeagent]

هتخليني اقلق انا كمان حاول تسأل وتقولنا يا باشا علشان انا كمان ناوي على العربية دي ان شاء الله

[ahmadmidop]

بس الضماااان اكيد 3 سنين.... انا اشتريت باليو 2006 ومكتوب في كتيب الضمان ضمان سنة بس ... لكن في ناس بتقولي مكتوب كده بس لكن الضمان 3 سنين فياريت حد يأكد الموضوع ده