لماذا تتفوق اللينيا ؟؟!!

[yoko]

الصراحة انا الي عجباني فعلا البرافو لكن اللينيا عربية حلوة لكن فيها كذا حاجة معجبتنيش خامات العربية من الداخل حلوة لكن بلاستيك الفوانيس وغطاء الموتور وتقفيل الحوض عموما مش حلو لدرجة ان واحد صاحبي كان بيتفرج عليها معايا وهو راكب اسبرانزا قالي ايو دا يا عم دا عربيتي حوضها انضف هو للعلم راكب اسبرانزا انا كنت بفكر فيها جديا لكن مكنش فيها اوتوماتيك ودي حاجة كانت فارقة معايا جدا

هو تقفيل العادة في الموتور مش حلو لكن التربو تقفلها لا يقل عن الميجان الي مع خالي بل تتفوق عليها في عزل الكبوت (شكلة أنضف بكتير)

[semsem_uno]

لأ يا جدعان انا مش حامي ولا حاجة بس اصل اللينيا عربية عمر انما الأسبرانزا صحابي ليا باعوها و كانت الكبيرة و جابو لانسرات كريستالة و كده و بقولهم ليه و بتاع قالولي اجدع 100 مرة و في السفر احسن
تاني حاجة يا فرحتي بالتقفيل و العربية نفسها ولا تسوة و مفهاش جودة اصلا ده اللي انا قصدي عليه و ربنا يبارك للجميع

[m_s_h_a]

العربيه دى ماشاء الله عليها لكن باختصار المشكله فى
1 قطع الغيار
2 الصيانه والتوكيل
3 اعادة البيع
وده بسبب المنظومه المقلوبه فى مصر الكورى ملك السوق

[yoko]

العربيه دى ماشاء الله عليها لكن باختصار المشكله فى
1 قطع الغيار
2 الصيانه والتوكيل
3 اعادة البيع
وده بسبب المنظومه المقلوبه فى مصر الكورى ملك السوق

+1

[asas223]

فى حاجة كمان يا جماعة لسه قاريها دلوقتى فى المنتدى .. قال غيروا شكل الجراند بونتو موديل الفين وعشرة والدور على اللينيا والبرافو لانهم انتاج 2007 والفيات بتغير كل 3 سنين .. يعنى انا اجيبها وبعدين ميبقاش فى منها تانى كمان مش كفاية انى خايف ملقيش قطع غيارها دلوقتى مبالك كمان ان قطع الغيار دى فى منها كمان قطع كتير حتتغير .. كدة كل الأمور بتصب فى صالح الجين تو يا جماعة

[yoko]

فى حاجة كمان يا جماعة لسه قاريها دلوقتى فى المنتدى .. قال غيروا شكل الجراند بونتو موديل الفين وعشرة والدور على اللينيا والبرافو لانهم انتاج 2007 والفيات بتغير كل 3 سنين .. يعنى انا اجيبها وبعدين ميبقاش فى منها تانى كمان مش كفاية انى خايف ملقيش قطع غيارها دلوقتى مبالك كمان ان قطع الغيار دى فى منها كمان قطع كتير حتتغير .. كدة كل الأمور بتصب فى صالح الجين تو يا جماعة

حتى لو إتغيرت التغير هيبقى بسيط(وفي الشكل بس) واللينيا مش هتتغير سنة 2010 لإنه متمش الإعلان عنها من فيات

[m_s_h_a]

فى حاجة كمان يا جماعة لسه قاريها دلوقتى فى المنتدى .. قال غيروا شكل الجراند بونتو موديل الفين وعشرة والدور على اللينيا والبرافو لانهم انتاج 2007 والفيات بتغير كل 3 سنين .. يعنى انا اجيبها وبعدين ميبقاش فى منها تانى كمان مش كفاية انى خايف ملقيش قطع غيارها دلوقتى مبالك كمان ان قطع الغيار دى فى منها كمان قطع كتير حتتغير .. كدة كل الأمور بتصب فى صالح الجين تو يا جماعة

ياراجل الجين تو لا تقارن باللينيا فرق كبيررررررررررررروكده كده لازم توكيل وقطع غيار غاليه

[CryptonX]

فى حاجة كمان يا جماعة لسه قاريها دلوقتى فى المنتدى .. قال غيروا شكل الجراند بونتو موديل الفين وعشرة والدور على اللينيا والبرافو لانهم انتاج 2007 والفيات بتغير كل 3 سنين .. يعنى انا اجيبها وبعدين ميبقاش فى منها تانى كمان مش كفاية انى خايف ملقيش قطع غيارها دلوقتى مبالك كمان ان قطع الغيار دى فى منها كمان قطع كتير حتتغير .. كدة كل الأمور بتصب فى صالح الجين تو يا جماعة

lol انا الي قايل الكلام ده تقريبا .

اي مصنع حديث بيغير تقريبا كل 5-6 سنين مش 3 .

*الجراند بونتو تم تعديلها بالفعل و نزلت الشهر ده بس خلي بالك ان الجراند بونتو اصلا طرجت سنة 2005 يعني داخلة علي 5سنين و حتبدا في نزول باقي الاسواق علي اول السنة و انا توقعت بما ان الجراند اتغير شكلها ان اللينيا تحصلها- بينما اللينيا طرحت في 2007 .. بس ده " توقع " فيات لم تعلن عن اي FACELIFT للينيا و ان جه مش حيكون موديل جديد ( مش زي السيراتو و النيو سيراتو ).



* الي اعلن عنه فعلا هو ال BRAVO بس برده FACELIFT مش موديل جديد و دي حيطرح السنة الي جاية .

* بالنسبة لقطع الغيار اللينيا في واحد زميل هنا لقاها متوافرة بالكامل عند الكيلاني في شارع شامبليون و قطع غيارها الميكانيكية هي هي قطع غيار الجراند بونتو و بالتالي مفيش قلق لانها موجودة اصلا .. و محركات فيات تقريبا واحد كلها ( محركات FIRE ) .

* و في شارع دمشق فيه محل اسمه الشرق عنده كل شيء لكل الفيات الحديث و ححاول اعرفكلم منه الاسعار .

شكل البونتو ايفو :

[CryptonX]

وده تصور مني سريع لو خده واجهة البونتو ايفو الجديدة علي واجهة اللينيا ( تصور !ّ )

[semsem_uno]

ايه يا كريبتون الجمال ده
والله نورت و زودتلنا حاجات حلوة اوي و الفيس ليفت لايق اكتر علي الجراند بس اللينيا بقت شبابية اكتر و هجومية
اصلا كده كده الفيات كله شكله حلو

[asas223]

متشكرين جدا يا اخ كريبتون .. فعلا انت اللى قريتله ان الفيات حتغير اشكال الموديلات الجديدة .. ومعلش على حكاية التلت سنين دى بس العتب على النظر بأه يا باشا المهم.. انت متأكد من حكاية توافر قطع الغيار دى علشان دى اهم حاجة واكتر حاجة خايف منها خاصة لو حيغيروا شكل الينيا كمان

[asas223]

وبعدين مش المتور التربو ده يخوف برضه ان محدش حيعرف يصلحوا غير التوكيل بس

[semsem_uno]

وبعدين مش المتور التربو ده يخوف برضه ان محدش حيعرف يصلحوا غير التوكيل بس

صح
بس في ناس برده ليها في التربو و كده بس نادر طبعااا
مسألة وقت و انتشار مش اكتر يا باشا :)

[Ghost2]

الموتور التربو صيانته مش صعبة وقريب اوي من المواتير التانيه .. التربو في ناس كتير فاهماه غلط .. هو عبارة عن وحدة منفصلة ولكن متصلة بالمحرك لتزيد نسبة حرق الوقود في غرفة الحريق عن طريق التوربين الهوائي ليعطي عزم وقدرة اكبر للسيارة .. يعني جهاز في جنب كده متوصل ومفيش منه اي قلق

[ldsaklf]

يا اخوان انا بقول الي حصل وبالنسبة لصاحبي دي وجهة نظرو ولازم تحترم الراجل مغلطش في نبي يعني وبعدين الاخ ايمن انتا راكب لينيا؟