الريتمو ولة 128 ؟

[ahmed_hamda]

[overline]
السلام عليكم ورحمة اللة وبركتواا

انا محتار بين الريتمو موديل 84 وال128 من حيث قوى الشاسية قطع الغيار الشكل القوى كل حاجة ياريت حد يفيدى فى الموضوع دة
وشكراا ...

[/overline]

[semsem_uno]

الأتنين شاسيه زي الزفت و مش بيستحملوا البلد ديه
نصيحة استني و جيب اونو لو عايز عربية هاتش باك اكثر من ممتازة او اشتري ريجاتا عربية عائلية و ازاز كهرباء و سنتر و تكيف و ريح دماغك

[sobhysm]

ال128 عربية حلوة لو الطرق عندك معقولة شوية أما لوكانت الطرق وحشة فبلاش أنا عندى واحدة بقالها سنة ونصف وهى إقتصادية فى قطع الغيار والبنزين

[ahmdmagdy]

128 طبعا ابعد عن الريتمو

[semsem_uno]

128 طبعا ابعد عن الريتمو

+111
مع انها جميلة في الشكل و بعشقها بس متنفعش بسبب الكبالن اللي بتضرب و ضعف الشاسيه ده :(
و علي فكرة اما كمان بعشقققققققققق الشيفروليه كابريس كلاسيك و محترم توقيعك و ده الواجب

[HATEMHANY]

كبالن ال 128 مش مشكله
الكبلن ب 55 جنيه زى الفل و جديد مش مستعمل
المشكله ان ال 128 مش عربيه مريحه و مش بتاعت سفر و مسافات انما جوه البلد كويسه بس عاوزه شغل لما تشتريها بجد حوالى 2000 جنيه تظبيط
اجزائها الميكانيكيه حتلاقيها مستويه و عاوزه تغيير علشان ما تفضلش كل شويه تروح للميكانيكى و تشتكى منها
ريتمو ..... خلينا ساكتين

[Ahmed_Gadalah]

أنا معايا 128 وكويسه جدا وبسافر بيها وقطع غيارها ببلاش وممكن تظبطها وتخليها روشه بسعربسيط جدا بس أنا شايف انها مش مريحه , يعني لما بيكون معايا الأسره ومسافرين مبركبهمش فيها بس أنا بركب.
وابعد عن الريتمو

[amro1965]

من مستخدم ريتمو سابقا
انا افضل الفيات عن الريتمو للاسباب الاتية
اولا الفيات شاسيه اقوى من الريتمو من حيث المشى وانت محمل
ثانيا من حيث سحب السيارة الريتمو تتفوق عنها كتير
ثالثا من حيث وسع الصالون الريتمو اوسع من فيات 128
رابعا من حيث قوه التحمل فى المطبات الفيات 128 افضل من الريتمو شاسيه ضيف وبيفتح وعفشتها ضعيفه للغايه
خامسا من حيث قطع الغيار والاكسسوارات الفيات 128 تكسب اكسسوارتها كتير الريتمو قليل جدا
لو الخيار بين الاثنين والفيات 128 تكسب
ولو معك زياده اشترى ريجاتا افضل بكتيييييييييير
وده رأى معرفش رأى الاخرين ايه
ولو عايز تعرف اكثر عن الريتمو ده موبايلى 0127680484 او 0110311370

[ahmed_hamda]

شكراا جداا ليكوا بس المشكلة انا معايا فى حدود 16 الف علشان كدا محدود فى الاختيارات انا عارف ان المبلغ مش كبير بس دول الى معايا
طيب لو استقريت على 128 انا سمعت ان روح ال128 فى المساعدين القدام بيتغير ب مساعدين اوبل كورسا هل الكلام دة صح ولة لا مع العلم انا لسة بتعلم بسوق بس مش جامد اوى وكمان اية الحاجات الى اعملها فى العربية اول ما اجبها علشان انا مش فاضى ومش احب اروح للمكانيكى كل شوية
واسف انى طولت عليكوااا

[amrbakly]

هو لو اتكلمنا بصراحة شوارع مصر مينفعش فيها حاجة غير الدبابة و الجيب و الهامر لو معاك فلوس

إنما عربيات البني أدمين اللي بتجري في شوارع العالم كلة دية متنفعش في مصر ببصلة

يعني انا اعتقد ان مفيش حد في العالم بيغير مساعدين غير المصريين

بس هو انا عندي سؤال هو لية الناس مفكرتش تغير عفشة الريتمو لأي عفشة تانية كوني مثلا أو اشباهها ؟

لأن بصراحة الريتمو موتور احسن و شكلها حلو متحسش انها أوائل تمانينات

يمكن أنا شخصيا بحس أن الريتمو أحلي حتي من الأونو من حيث الشكل و التابلوة

[ahmed_hamda]

انا احترتت يعنى لو جبت ريتمو وغيرت مساعدين كونى يبا احسن
وهل فى فرق بين الريتمو والريتمو ريجاتا هل الريتمو ريجاتا احسن من 128 والريتمو العادية ولة هى هى
وثمن مساعدين الاول كورسا كام

[HATEMHANY]

الريتمو ريجاتا عامله زى اللى رقصوا على السلم

لا حصلت الريجاتا فى الوسع و القوه ولا هى عربيه قطع غيارها رخيصه زى ال 128

دى اسوأ اختيار لانها مش منتشره و حتتعب اوى معاها

سيبك من الريتمو و خليك فى ال128 بقى بس نقى حاجه تكون تسعينات و تكون بتاعت واحد محترم و شاريها زيرو و تعرف عمل فيها ايه من ساعت ما اشتراها

[ahmed_hamda]

طيب انا عاوز اسئل لو جبت 128 وغيرت المساعدين باوبل كورسا هتكون احسن ولة لا وبكام المساعدين معلش طولت عليكو بس انا لسة جديد فى موضوع العربيات

[semsem_uno]

مش بتقول معاك 16000؟
اصبر و كمل ب 3000 و جيب ريجاتا و اشتري دماغك

[ahmed_hamda]

واية الحاجات الى تتعمل فى العربية اول ما اجبها علشان انا مش عاوز اروح للمكانيكى كل شوية