طارة الدريكسيون فى الريجاتا

[amro1965]

السلام عليكم ورحمه الله وبركاته
عند المرور على مطبات صغيرة فى شارع غير مستوى اجد الطارة بتهتز يمين وشمال نتيجه المرور على تلك المطبات التى مثل الاهرامات لكن المشى على الطريق المستوى الطارة ممتازة وليس بها بوش
هل اترك الطارة على هواها حتى امشى على تلك المقبات التى تكون حوالى 5 متر او اكثر
ام امسك على الطارة حتى لا تهتز
ام اتركها على هواها وفى نفس الوقت ادوس دبرياش علشان افصل الحركة كما سمعت
شكرا للساده الاعضاء

[aymoz]

ده عادي في كل العربيات القديمة لازم تمسك الدركسيون كويس علشان العربية ماتحدفش بس لو كان الموضوع زايد قوي ممكن يكون في حاجة في علبة الدركسيون ومش هتفرق في حاجة لو دست دبرياج

[aymansaad]

سيبها بس المهم متخلهاش تحدف منك

[sab3aawy]

علبة الديريسكيون خفيفة شوية، تعايش معاها مش مشكلة

[amro1965]

شكرا اخى العزيز على ردودكم
هى ماتحدفش لكن انا خايف تأثر على علبه الدريكسيون بس

[aymoz]

لأ مش هتأثر إن شاء الله

[hawychat]

السلام عليكم انا معايا ريجاتا موديل 85 وفعلا فيها نفس المشكله بس المشكله دى ظهرت بعد مغيرت الاسكترا وده لان العربيه اصلا مزوده بمساعد صغير بيركب على اسكترا الدركسيون وبعد تغيير الاسكترا بيتشال لان الاسكترا اللى موجوده مفيهاش مكان للمساعد ده او فى حاله تلف المساعد بيحصل نفس الموضوع الحل انك تركب مساعد

[amro1965]

شكرا اخى العزيز على معلومتك القيمة

[ابوهاشم]

عادى جدا وبيحصل فى كل العربيات مش الريجاتا بس

[amro1965]

انا مع الا خ هشام لان اهتزاز الطارة سببه كثرة المقبات وعدم اتزان العجل على الارض هو السبب

[yasserprince]

هات طقم اصلاح علبة دريكسيون من عند بتوع الاكسسوار عبارة عن فبرة و بستم علية الدركسيون و روح لبتاع عفشة يركبهملك ز حترتاح من الموضوع ده بس اضبط زواسا يعد ما تخلص الشغل ده

[tabeb]

فعلا نفس القصة كانت معايا والحل في حشو علبة الدريكسيون وغير الكاوتش المقطع اللي في علبة الدريكسيون وظبط زوايا بعد كده وبالمرة اطمن علي العفشة

[amro1965]

شكرا لمعلوماتكم القيمة