اشتري بونتو ولا لأ ؟

[zenbaie]

اشترى بونتو زيرو ولا اشتري كليو زيرو
انصحوني

[fahd_628]

راى بونتو

[tutankhamoun]

بونتو بدون تفكير
قطع غيار أرخص ........... أقوى ............ أجمل ............ أكثر انتشارا ............... قليلة الأعطال .............. موفرة في الوقود

[zenbaie]

بس انا لاحظت ان في ناس كتير في المنتدى بتشتكي من الوكلاء

[tutankhamoun]

بس انا لاحظت ان في ناس كتير في المنتدى بتشتكي من الوكلاء

أنا معايا بونتو ............. و المشكلة إن الوكيل غالي شوية و لكن يمكن الإستغناء عنه
يعني لما تخلص صيانة الضمان ممكن تتعامل مع أي ميكانيكي نظيف
يعني لازم يكون ميكانيكي كويس علشان ميعوكش الدنيا
بس العربية مش معقدة في تصليحها أنا معرفش موديل 2008 عاملة أيه لأن بتاعتي موديل 2002 و مفيهاش حاجة معقدة
و في توكيل أوماترا و في النيل الهندسية و النيل الهندسية أرخص في العمالة بكثير و لكن قطع غيارهم أغلى و لكن ممكن تشتري قطع الغيار من بره و هما يركبوها و على فكرة رخاص جدا في التركيب
و لكن إذا اشتريت قطع الغيار من بره لا تحصل على ضمان
و كدا كدا الضمان ملوش لازمة في 90 % من الحالات
و لو عايز أي معلومات تانية أنا معاك

[zenbaie]

تسلم يا حبيبي ، انا حطيت نفس السؤال لراكبي الرينو ومستني الرد ،
انا ماركبتش البنتو ، والكليو ركبتها وكان صالونها ديق
فايه نظام صالون البنتو والشنطة
و البنتو 2008 , 100*100 ايطالي ولا لأ ؟

[fahd_628]

البنتو 2008 ايطالى يا باشا

[hazem_khidr]

بونتو بدون تفكير.

[tutankhamoun]

تسلم يا حبيبي ، انا حطيت نفس السؤال لراكبي الرينو ومستني الرد ،
انا ماركبتش البنتو ، والكليو ركبتها وكان صالونها ديق
فايه نظام صالون البنتو والشنطة
و البنتو 2008 , 100*100 ايطالي ولا لأ ؟

صالون البونتو واسع و جميل بالنسبة لسيارة في الحجم ده
و نفس حجم السيارة بتاعتي هو نفس موديل 2008
الاختلاف في شكل الكشافات الأمامية أو الفوانيس الأمامية فقط لا غير
و طبعا ممكن يكون الموتور طوروا فيه حاجة بس مش عارف الحقيقة
و هي مصنوعة في ايطاليا
و أنا معاك في أسئلة تانية لو عايز :P :P

[zenbaie]

الف شكر يا باشا وشكرا لردود الرجالة
وجزاكم الله خيرا

[doglas]

أولا البونتو 2007 و 2008 إيطالي تجميع برازيلي ، و ممكن تسأل التوكيل بنفسك
ثانيا البونتو الجديدة غير الفوانيس الأمامية فيه حاجات كتير إتغيرت عشان يخلوها بسعر ينافس السيارات بنفس الحجم زى البوينتر و الجتز ( في حدود ال 72000 جنيه)
شالو منها اوبشن كتيرة + نقصوا القدرة الحصانية للموتور + مبقاش فيها غير إيرباج للسائق بس + نازله من غير كاسيت و حاجات زى ده كتير لدرجة إن الموتور الجديد 8 صباب و ليس 16
انا كنت بفكر اشتريها لما سعرها نزل بس لقيتها مختلفة عن الموديل اللى قبله اللى كنت بحبه ، و استغربت فعلا لما سعرها نزل كتير كده

[CryptonX]

كلام سليم بس اختلف معاك اني كنت في اوماترا امبارح و فتحت كبوت البونتو , و هي ايطالية 100% مفيش برازيل في الموضوع خالص , و 2 ايراجز برده شايفهم بعيني من غير كلام التوكيل .
الموتور هو 8v فعلا .

بس برده بعد كل ده , احلى من الكليو .


البرازيلي هي عربيتي و عربيتيك , الباليو 1.3 Fire 16V .

[Ahmed Taha]

المتور الجديد صغير نسبيا من حيث القوة و لكن البونتو رائعة إيطالي شكلا و مضمونا.

[tutankhamoun]

البونتو أيطالي
و البرازيلي لا يقلل منها
أما الباليو فيتم صنعها في البرازيل لأن فيات لا تصنعها في مصانعها في ايطاليا مثل بعض الموديلات الأخرى
و لكن حتى لو كانت برازيلي لا يقلل منها في شئ ......... أنت بتشتري فيات بغض النظر عن بلد المنشأ و ده في رأيي
أما عن الموتور و التغييرات فبصراحة أول مرة أعرف أن الموتور أصبح 8 v بس برضة ده مش عيب في رأيي

[hazem_khidr]

من يوم ما نزل الموتور بتاع الجراند بونتو و هو 8 صباب.
لكن برضو ايطالي 100% و احسن من الكليو بمراحل