إعـــــــلان

Collapse

.

,
See more
See less

لماذا لا يوجد إقبال على موديلات فيات الحديثة ؟؟؟ (اية السر؟؟)

Collapse
X
 
  • Filter
  • الوقت
  • Show
Clear All
new posts

  • لماذا لا يوجد إقبال على موديلات فيات الحديثة ؟؟؟ (اية السر؟؟)

    السلام عليكم يا أعضاء قسم فيات الكرام..
    دا اول موضوع ليا عندكم ..

    يا ريت نتناقش في الموضوع دا : لية مفيش إقبال على عربيات فيات الحديثة؟؟
    لية بجد؟؟

    انا من متابعتي للقسم هنا و جدت الأتي:
    - عربيات رائعة و بأسعار تعتبر منافسة جداً بالنسبة لعربيات نفس الفئة من الياباني و الكوري(ان مكنش ارخص في بعض الحالات)
    - تكنولوجيا عالية جداً
    - تصميمات اكتر من روعة
    - اسعار قطع الغيار الإستهلاكية مش نااار زي ما كنت بسمع .. يعني ممكن تلاقي عربيات كوري و ياباني اسعار قطع غيارهم كدا برضه

    لية الخوف من الفيات بقى؟
    بجد انا عايز اعرف... هل فية سر معين ولا احنا خايفين نجرب زي الرينو ؟؟ ولا الخوف من التوكيل ؟ ولا أية بالضبط ؟؟

    انا مستنى مناقشتكم
    شكراً

  • #2
    هو الشعب المصري بيخاف من الجديد ده غير سوء سمعة التوكيل السابق و قلة الدعاية للعربية وان اللي ماسكين الكوري هما منصور و غبور ودول ليهم سلطة و علاقات لأن منصور كان وزير النقل

    Comment


    • #3
      اولا شريحه كبيره من الناس العاديه مازال عندها اعتقاد ان فيات هى 128 و ال 132
      وبالتأكيد السمعه السيئه للعربيات دى بعد تجميعها فى مصر ادى الى ان سمعت فيات فى مصر قليله اوى
      تانى شىء واللى ممكن يخلينى انا مشتريش عربيه فيات رغم انى معاك فى كل كلامك عن التصميم والامكانيات والاداء و"النسب" للاروبى
      هو التوكيل
      انا شايف ان اومترا وش اد فيات ولو كان توكيل غيره كان المفروض ان الشعب كله يركب فيات
      ده حتى الدعايه للعربيات معدومه يعنى عالم مش فالحه فى حاجه
      وكمان قطع الغيار ان كانت مش غاليه نسبيا زى محضرتك بتقول لاكن عدم توافرها خارج التوكيل الا بقله يعتبر مشكله رئيسيه
      اضف على ذلك التكنولجيا المصاحبه للعربيات دى اصبح فى زمنا عيب لان محدش بيصلح ولا بيفهم فى العربيه غير التوكيل وانا اسف انى بقول الكلام ده لكن دا فكر الناس وواقع ملموس
      [CENTER][FONT=Century Gothic][I]I am my problem[/I][/FONT][/CENTER]
      [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
      [CENTER]Eng. M.Ali[/CENTER]

      Comment


      • #4
        لماذا لا يوجد إقبال على موديلات فيات الحديثة ؟؟؟ (اية السر؟؟)
        سوق يجن

        Comment


        • #5
          من رأيى هما سببين:
          الأول ...
          هو الاعتقاد الراسخ فى عقول وذهن الغالبية العظمى من جمهور المستهلكين بموديلات فيات القديمة وحالتها فى الشوارع وسخونة المحركات وغيرها من المشاكل التى لا وجود لها فى الطرازات الجديدة

          الثانى ...
          التوكيل نفسه ضعيف ولا تواجد له على ساحة الدعاية والاعلانات
          الظاهر أن أوماترا واخد توكيل فيات لزوم الوجاهة الاجتماعية زى كتير من أصحاب التوكيلات فى مصر ومش فى دماغه أساسا البيع وراضى بقليله وعاوز الناس اللى تروحله مش هو اللى يروح للزبون ويغريه بركوب عربيات فيات
          زى عز العرب وتوكيل بروتون وسيتروين سايبهم يبيعوا لوحدهم ومعتمد أن واحد يسأل واحد راكب عربية بروتون وسياسة زبون يجيب زبون
          وده طبعا أسلوب فاااااااااااااااشل بكل المقاييس فى عالم التسويق والمبيعات !!!
          [COLOR=black]Y2Y1500 سابقا[/COLOR]

          Comment


          • #6
            سؤال جميل .. و موضوع اجمل للمناقشة ..

            بس ياريت يا جماعة منعدش نقول اصل الشعب المصرى فاكر ان فيات يعنى 128 و كدة ..

            انا شايف ان المشكلة الاكبر فى التوكيل .. لانه مش بيعلن عن عربياته خالص غير ان سمعته سيئة جدا
            [CENTER][SIGPIC][/SIGPIC][/CENTER]

            Comment


            • #7
              السبب الرئيسى هو عدم وجود اهتمام من التوكيل بتسويق العربيات بتاعته .. يعنى انا لما كنت بدور على عربية لوالدى مكنتش اعرف غير العربيات الماشية فى السوق زى لانسر و اوبترا و ياريس .. عمرى ما سمعت عن فيات خالص مع ان اوماترا ليهم معرض فى المنصورة و كنت دايما اعدى من جنبه بس معرفش اى حاجة عن عربياتهم ولا اسعارها ولا امكانياتها .. و كنت عملت موضوع هنا فى المقارنات اسأل عن الياريس و الاوبترا و الاخ CryptonX الله يمسيه بالخير قالى أبص على الفيات لينيا و فعلا كانت هى .. فعلا الفيات عربياتها بقت محترمة جدا بس للأسف الوكيل مش مكلف نفسه يعمل اعلان فى الجرنال حتى يقول اسعار عربياته مع انه لو اهتم بالدعاية هيبيع من العربيات الملاكى اكتر من النقل اللى هو فرحان بيه !

              Comment


              • #8
                وجهة نظر توكيل اوماترا ( واللى انا مش مقتنع بيها ) انهم عاوزين العربيات الجديدة هى اللى تعلن عن نفسها بنفسها ( زى البروتون جين تو وبرسونا) ويتم توفير ملايين مصاريف الدعاية على انشاء مراكز صيانة وخدمة جديدة يتم الانتهاء من انشائها بالتوازى زمنيا مع بيع كمية مناسبة من العربيات فى السوق المصرى وبكده يبقى فيه نسبة وتناسب بين المبيعات والخدمات .. خصوصا وان فى مفهومهم ان زبون الفيات الحديث هو الزبون اللى نفسه فى عربية اوروبى بس مش قادر يشترى المانى فبيلجأ لفئة اوربية اقل فى السعر وتقارب مثيلتها فى الاعتمادية . وده مش عدد كبير من الزباين لانه المفترض انه زبون فاهم هو عاوز ايه بالظبط ومش مجرد زبون بيشترى عربية بياعة وخلاص بغض النظر عن عيوبها او مزاياها .. لاننا للاسف هنا فى مصر بنتبع "نظرية القطيع" فى شراء اى سلعة مش العربيات بس.
                يعنى يقولك اشترى العربية اللى الشعب يحبها مش اللى انت تحبها (علشان تكون منتشرة وتعرف تبيعها بعد كده او تلاقيلها قطع غيار بسعر رخيص) والامثلة كتير فى عربيات زى اللانوس واللادا والتويوتا وخلافه ( مع تباين المستوى طبعا بين الفئات المختلفة)
                يعنى بالظبط زى المثل اللى بيقول ( كل اللى يعجبك والبس اللى يعجب الناس)
                [SIZE=6][COLOR=darkslateblue][URL]http://u3m.blogspot.com[/URL][/COLOR][/SIZE]

                Comment


                • #9
                  أنا شايف ان من ضمن أسباب عدم الأقبال عليها هو حاجتين

                  1- اسعار قطع الغيار غاليه
                  2- سعر اعادة البيع ضعيف
                  [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                  Comment


                  • #10
                    المشاركة الأصلية كتبت بواسطة u3mbkp مشاهدة المشاركة
                    وجهة نظر توكيل اوماترا ( واللى انا مش مقتنع بيها ) انهم عاوزين العربيات الجديدة هى اللى تعلن عن نفسها بنفسها ( زى البروتون جين تو وبرسونا) ويتم توفير ملايين مصاريف الدعاية على انشاء مراكز صيانة وخدمة جديدة يتم الانتهاء من انشائها بالتوازى زمنيا مع بيع كمية مناسبة من العربيات فى السوق المصرى وبكده يبقى فيه نسبة وتناسب بين المبيعات والخدمات .. خصوصا وان فى مفهومهم ان زبون الفيات الحديث هو الزبون اللى نفسه فى عربية اوروبى بس مش قادر يشترى المانى فبيلجأ لفئة اوربية اقل فى السعر وتقارب مثيلتها فى الاعتمادية . وده مش عدد كبير من الزباين لانه المفترض انه زبون فاهم هو عاوز ايه بالظبط ومش مجرد زبون بيشترى عربية بياعة وخلاص بغض النظر عن عيوبها او مزاياها .. لاننا للاسف هنا فى مصر بنتبع "نظرية القطيع" فى شراء اى سلعة مش العربيات بس.
                    يعنى يقولك اشترى العربية اللى الشعب يحبها مش اللى انت تحبها (علشان تكون منتشرة وتعرف تبيعها بعد كده او تلاقيلها قطع غيار بسعر رخيص) والامثلة كتير فى عربيات زى اللانوس واللادا والتويوتا وخلافه ( مع تباين المستوى طبعا بين الفئات المختلفة)
                    يعنى بالظبط زى المثل اللى بيقول ( كل اللى يعجبك والبس اللى يعجب الناس)
                    فعلا هما عايزين كده وللأسف ده مينفعش في مصر
                    المشاركة الأصلية كتبت بواسطة kh_talaat مشاهدة المشاركة
                    أنا شايف ان من ضمن أسباب عدم الأقبال عليها هو حاجتين

                    1- اسعار قطع الغيار غاليه
                    2- سعر اعادة البيع ضعيف
                    معاك في إعادة البيع لكن قطع الغيار ﻷ لإنها قريبة جدا من بعض العربيات الكوري والياباني مع إختلاف في بعض الحجات الفيات أغلى فيها سنة لكن معظم القطع الإستهلاكيه تيل وفلاتر زي بقيت العربيات
                    [img3]http://img21.imageshack.us/img21/3957/28138510150332809507433.jpg[/img3]

                    Comment


                    • #11
                      التوكيل هو السبب ،، يعني إزاي معاه عربية زي البراڤو وب ١،٤ وتوربو وبتبدي من ١٢٦ ومش عارف يبيعها ،، بجد حرام

                      وفي مشكله كبيرة وهي قطع الغيار غاليه أوي ،، أنا من فترة رحت أتفرج علي الجراند بونتو وسألت علي أسعار قطع الغيار ،، بجد كنت هعيط معقول إكصدام أمامي ب ١٨٠٠ جنيه علي ما أتذكر ،، ده كلام يعقل يا ناس

                      يعني العربيه كمان كام سنه يوم ما أفكر أصلحها بره التوكيل مش هلاقي حد بيبيعلها قطع غيار ،، وإن لاقيت هتبقي غاليه جداً

                      Comment


                      • #12
                        المشاركة الأصلية كتبت بواسطة yoko مشاهدة المشاركة
                        معاك في إعادة البيع لكن قطع الغيار ﻷ لإنها قريبة جدا من بعض العربيات الكوري والياباني مع إختلاف في بعض الحجات الفيات أغلى فيها سنة لكن معظم القطع الإستهلاكيه تيل وفلاتر زي بقيت العربيات
                        يبقى أكيد حضرتك مجربتش اسعار قطع غيار الكوري

                        كمان واحد صاحبي معاه فيات سينا وعلى طول بيشتكي من الغلاء الغير مبرر لقطع الغيار

                        واعرف واحد ميكانيكي متخصص في الفيات وبيحترم عربياتها جدا وبيعتبرها افضل من كل العربيات الكوري وفي رأيه أن مشكله الفيات في مصر هو اسعار قطع الغيار الغاليه مقارنه بالكوري
                        [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                        Comment


                        • #13
                          المشاركة الأصلية كتبت بواسطة kh_talaat مشاهدة المشاركة
                          يبقى أكيد حضرتك مجربتش اسعار قطع غيار الكوري

                          كمان واحد صاحبي معاه فيات سينا وعلى طول بيشتكي من الغلاء الغير مبرر لقطع الغيار

                          واعرف واحد ميكانيكي متخصص في الفيات وبيحترم عربياتها جدا وبيعتبرها افضل من كل العربيات الكوري وفي رأيه أن مشكله الفيات في مصر هو اسعار قطع الغيار الغاليه مقارنه بالكوري
                          أسعار قطع الغيار تتساوى معظمها مع النيو سيراتو (أنا بتكلم على أسعار التوكيل)
                          [img3]http://img21.imageshack.us/img21/3957/28138510150332809507433.jpg[/img3]

                          Comment


                          • #14
                            يعني احنا كلنا متفقين على النقاط ديه
                            1- الإعتقاد السائد عند معظم الناس إن عربيات فيات هيا 128 و 127 و مينفعش تدفع 100 ألف في عربية فيات
                            2- ضعف الوكيل بشكل عام وخصوصا فيما يتعلق بالدعاية
                            3- أسعار قطع الغيار

                            بإختصار هي ده أسباب عدم انتشار فيات

                            Comment


                            • #15
                              المشاركة الأصلية كتبت بواسطة normal مشاهدة المشاركة
                              التوكيل
                              المشاركة الأصلية كتبت بواسطة y2y1500 مشاهدة المشاركة
                              التوكيل
                              المشاركة الأصلية كتبت بواسطة kareemhisham مشاهدة المشاركة
                              التوكيل
                              المشاركة الأصلية كتبت بواسطة zmalek مشاهدة المشاركة
                              التوكيل
                              المشاركة الأصلية كتبت بواسطة u3mbkp مشاهدة المشاركة
                              توكيل اوماترا
                              الاجماع على ان التوكيل هو السبب لانه اهمل فى تحقيق رسالته التسويقية التى تعمل على تعديل المفاهيم المتداولة عن فيات وكذلك عدم توافر خدمات ما بعد البيع ( صيانات) بمستوى لائق

                              Comment

                              Working...
                              X