قلتر مكيف السيينا

[sonybony]

السلام عليكم ورحمه الله وبركاته اكيد كل عربه ليها فلتر لتنقيه هواء المكيف بس انا عنيد عربيه سيينا ومش عارف مكانه فين في العربيه ولا هي ملهاش اساسا وكمان يا جماعه محدش يعرف الواحد ممكن يشتري الاسبويلر وطقم النواكل بتاع التابلوه منين واخيرا لكم مني جزيل الشكر

[Santino]

السيينا ال 1600 بس هي اللي ليها فلتر هواء التكيف , ال 1400 مالهاش .
السبويلر ممكن تجيبه من شارع دمشق أو تجيبه إستيراد من الحرفيين بيكون علي مقاس الشنطة بالظبط لأنه مفكوك من واحده زيها .

[sonybony]

للا سف مش موجود في المكانين اللي انت ذكرتهم بس يا تري تعرف محل محدد في دمشق يمكن اكون معرفوش وشكرا لاهتمامك

[Santino]

في واحد أدام السجان علي الناحية التانية , بيعمل مخصوص للعربية , يعني يعمل واحد يكون لايق علي العربية , مش لازم يكون نفس شكل الأصلي لكن ده علي حسب زوقك إنت , بس أنا ما إتعاملتش معاه قبل كده , أنا أعرفه بالسمع من الناس , أكيد بردو في ناس تانية لكن أنا ماعرفش , عموما الأعضاء في المنتدي ح يفيدوك أكتر في الموضوع ده , بس غريبة إنك مالقيتش في الحرفيين :roll: .
بالنسبة لفلتر التكيف - لو عربيتك 1600 - ح تلاقيه جديد عند محل قطع غيار الفيات اللي جنب السجان و طبعا عند الكيلاني .

[Mostafa]

ايه ده . اخيرا حد فى نايل موتورز عنده سيينا زيى . دا انا لولا كنت بشوف شبهها فى الشارع كنت افتكرت ان عربيتى هيا اخر سيينا فى البلد .
لا وبتدور على الاسبويلر كمان . لا ياباشا انا عاوز اكلمك بقى عشان نبدأ نبحث عنه مع بعض ونحط خطه بحث عن الاسبويلر ده نسيطر فيها على مداخل و مخارج محلات قطع غيار فيات الجديده والاستيراد (بس ربنا يستر احسن نلاقى واحد نتخانق عليه)
طقم النواكل بقى انا مره كنت شفته عند واحد اسمه حسام رمضان فى شارع دمشق بيس ده من زمان . برضه اسأل يمكن تلاقيه

[sonybony]

شكرا يا مصطفي هو انا زيك لاحظت ان المنتدي هنا مش كتير بيكلم عنها بالرغم انها بادره في الشوارع عموما ده ميلي عشان عايز اسألك علسي شويه حاجات meroxmero2050 وده علي الياهو او الهوت ميل سلام يا باشا

[asd1515]

اخوانى الاعزاء انا معايا سيينا 1600

ارجو مساعتى فى اسالتى وتوجيهى فى صيانة العرربية الان بصراحة اا بحب العربية دى اوووى بس مش لاقى حد كويس يشتغل فيها