عايز اشترى لنيا ومقلق ومحتاج رايكم

[bembodeniro]

السلام عليكم
انا عايز اشترى لنيا ومقلق لانى خايف ان يكون قطع الغيار مش متوفره وانا سالت بالتليفون على شويه قطع غيار وموظف اومترا قليل الذوق يقولى هما 3 حاجات بس اللى تسال عليهم فسالت على الفانوس قالى ب 1300 غير 10 فى الميه ضرايب ودى على اى حاجه تشتريها وتيل فرامل 575 واكصدام ب 2500 لدرجه ان صاحبى اللى معاه مازدا 3 قالى دى قطع غيارها سعرها قريب من المازدا واللى مقلقنى اكتر انى خايف اشتريها والبسها ومعرفش ابيعها لانى ملاحظ انها مش منتشره لا هى و لا البرافو وده غير الاتفاقيه الاوربيه اللى هتبدا تتطبق من السنه الجايه فااخاف ادفع 112 الف والاقى تمنها كمان تلات اربع سنين 50الف ولا اقل وبصراحه مبقاتش عارف اشترى ايه لدرجه انى بدات افكر اشترى جولف 4 مستعمله و لا بورا على الاقل قطع غيراهم موجوده والعربيات دى بتباع بسرعه فاياريت حد يفيدنى

[fouady]

أنا هقولك على اللي اعرفه أولا العربية ابتديت تنتشر جامد لاني بقيت بشوفها كتير وثانيا أغلب قطع خيرها تقربا زي الجراند بونتو وأظن إنت شيف الجراند انتشرت إزاي فـمتقلقش من القطاع الغيار أما السعرها فـكل الجديد غالي وهي من ارخصهم تقريبا أما بخصوص لما تحب تبعها ده بقى عند الله حسب السوء ساعتها بس ده اللي قادر افيدك فيها ورأي فيها بصرحة عربية وهم وهم ومينفعش تتقارن غير ب جيتا وفانتازيا بجد عن تجربة بس كده اسيب بقى فطاحلت اللنيا هيفيدوك أكتر

[amrbakly]

بص بلاش تقارن بالمازدا برضة لأنها علي حسب معلوماتي عربية مبلطة في الأرض و تجميعها مش لطيف قوي

بص لو أنت بتغير كتير و كل سنة و لا أتنين عايز تبيع و تغير يبقي منصحكش باللينيا، هو فعلا العربية بدأت تنتشر و البرافو بالعكس بدأت تنتشر بقوة كمان

انا فعلا بدأت اشوف اللينيا اكتر من الأول شوية، بس برضة لسة مش كتير قوي

[ZMalek]

العربية بسم الله ما شاء الله عليها .. تحسسك انك راكب عربية بجد .. عيبها الوحيد هو سعر اعادة البيع اعتقد .. لو انت من هواة التغيير مظنش هتمشى معاك .. بس لو هتشتريها و تقعد معاك يبقى اللينيا افضل اختيار .. العربية بالمواصفات دى و الموتور دة و الامكانيات دى و بالسعر ده صفقة رابحة جدا .. ادرس ظروفك و شوف انت بتنقى عربية على اساس ايه و ربنا يقدم اللى فيه الخير

[alaaali1980]

انا الحمد لله رخصت امبارح بصراحة كنت محتار فى الأول زيك بس بصراحة عربية ماشاء الله عليها الله اكبر تستاهل كل مليم يتحط فيها وبعدين موضوع قطع الغيار ده عادى لان كل العربيات الجديدة اسعار قطع غيارها مش قليله ومتنساش انها اوروبى فمتتقارنش بكورى ولا حتى يابانى وفوق ده كله انت بتفكر فى فيات يعنى اسم له تاريخ وبعد الموديلات الجديدة اللى نزلت دى اتوقع ان شاء الله انها هترجع تاخد وضعها تانى فى مصر زى زمان وربنا يقدملك اللى فيه الخير

[ahmad--ezzat]

هتخسر فى البيع اوى على فكره...بس العربيه ممتازه...بس خليك فى المازدا لو هتجيب

[bembodeniro]

بصوا انا مش من هواه التغير يعنى لو لبنا عمر ان شاء الله ممكن تقعد معايا 5 سنين او 6 كمان وممكن افكر فى التغير بعد كده
ولا الفكر فى الابيزا ولا الابيزا هى كمان زيها صعب اعاده بيعها

[ayman2]

بصوا انا مش من هواه التغير يعنى لو لبنا عمر ان شاء الله ممكن تقعد معايا 5 سنين او 6 كمان وممكن افكر فى التغير بعد كده
ولا الفكر فى الابيزا ولا الابيزا هى كمان زيها صعب اعاده بيعها

توكل على الله واشتريها وسيبك من فكر القطيع اللى ماسك فى اليابانى او الكورى والأوربى أوربى مواصفات وأمان وسرعه ولما تحب تقارنها تبقى مع الجيتا وماشابه وانشاء الله لما تحب تغير تبقى تغير بفيات برضه لكن موديل جديد . ده انا كل يوم اكتشف امكانيات فى السياره ليس لها حدود
وانا يوم السبت الماضى علمت على bmw علامه جامده قوى انا حتى الأن مش مصدق اللى حصل لكن استخير الله قبل كل شىء وربنا يوفقك

[yoko]

من الأخر لو مش هتبيع قبل ٥ سنين (أو زي مببعش العربية أصلا) يبقى اللينيا أفضل إختيار ليك بالذات إن متورها ماشاء الله مفتري
إنما لو بتبيع كل سنتين ولا تلاتة يبقى إمشي بنظريه القطيع
أما قطع الغيار بص على قطع غيار الأوروبي وإنت تعرف
أما حكايه ال١٠٪ كل سنة دي ميزة مش عيب لإن ده هيزود إنتشار الأوروبي عموما وكمان قطع الغيار هتنتشر وبالتالي هترخص قطع الغيار

[ayman2]

من الأخر لو مش هتبيع قبل ٥ سنين (أو زي مببعش العربية أصلا) يبقى اللينيا أفضل إختيار ليك بالذات إن متورها ماشاء الله مفتري
إنما لو بتبيع كل سنتين ولا تلاتة يبقى إمشي بنظريه القطيع
أما قطع الغيار بص على قطع غيار الأوروبي وإنت تعرف
أما حكايه ال١٠٪ كل سنة دي ميزة مش عيب لإن ده هيزود إنتشار الأوروبي عموما وكمان قطع الغيار هتنتشر وبالتالي هترخص قطع الغيار

+1
تفكير سليم تماما

[bembodeniro]

والله يا yoko انا عجبتنى جدا وانا عن نفسى نفسى فى البرافو بس الفلوس اللى معايا تجيب برافو فاضيه (127000) فامراتى قالتلى مالها النيا ب 112000 وهتوفر فى القرض اللى هتاخده و topline كمان بس انا كنت بتكلم عن اعاده البيع الخوف من ان الواحد يتنزق ويبقى عايز يبيع علشان زنقه فاخسر فيها جامد بس على العموم انا كنت محتار بينها وبين كروز وبين كيا سول بس بصراحه لما شوفتها وقارانت امكانيتها بالعربيات التانيه هى بسم الله ما شاء الله عظم ناشف يعنى بجد كفايه الصلب اللى محوط البيبان والاكصدام وانا مالقيتش الحكايه دى الا فى ايبيزا لكن الكورى خبطت عليه فى نفس الاماكن اللى خبطت فيها فى اللينيا لاقيت العظم بيروح ويجى معايا على العموم انا هاصلى صلاه استخاره وربنا يهدينى لان فى ناس تانيه يقولولى بدل ماتشترى زيرو وتخسر يبقى شوف بورا ولا جولف 4 ولا انت ايه رايك؟

[yoko]

والله يا yoko انا عجبتنى جدا وانا عن نفسى نفسى فى البرافو بس الفلوس اللى معايا تجيب برافو فاضيه (127000) فامراتى قالتلى مالها النيا ب 112000 وهتوفر فى القرض اللى هتاخده و topline كمان بس انا كنت بتكلم عن اعاده البيع الخوف من ان الواحد يتنزق ويبقى عايز يبيع علشان زنقه فاخسر فيها جامد بس على العموم انا كنت محتار بينها وبين كروز وبين كيا سول بس بصراحه لما شوفتها وقارانت امكانيتها بالعربيات التانيه هى بسم الله ما شاء الله عظم ناشف يعنى بجد كفايه الصلب اللى محوط البيبان والاكصدام وانا مالقيتش الحكايه دى الا فى ايبيزا لكن الكورى خبطت عليه فى نفس الاماكن اللى خبطت فيها فى اللينيا لاقيت العظم بيروح ويجى معايا على العموم انا هاصلى صلاه استخاره وربنا يهدينى لان فى ناس تانيه يقولولى بدل ماتشترى زيرو وتخسر يبقى شوف بورا ولا جولف 4 ولا انت ايه رايك؟

نفس الي حصل معايا كان نفسي في البرافو بس لو كنت هجبها كنت هجيب الفاضية خالص (2إزاز كهربى)
فجبت اللينيا وأنا كنت بقارن بينها وبين السيراتو وبصراحة كنت هندم لو مجبتهاش بالذات بعد ما سقتها وشوفت متورها عامل إزاي (يوم الأوتو كروس روحت من دريم لحد دخلة مطار القاهرة من طريق السويس في 16 دقيقة بالظبط -كنت متأخر على ناس هجبهم من المطار-) والعربية ما شاء الله ثابتة جدا حتى وإنت على 200

[damasry]

نفس الي حصل معايا كان نفسي في البرافو بس لو كنت هجبها كنت هجيب الفاضية خالص (2إزاز كهربى:h_angry[1]:)
فجبت اللينيا وأنا كنت بقارن بينها وبين السيراتو وبصراحة كنت هندم لو مجبتهاش بالذات بعد ما سقتها وشوفت متورها عامل إزاي (يوم الأوتو كروس روحت من دريم لحد دخلة مطار القاهرة من طريق السويس في 16 دقيقة بالظبط -كنت متأخر على ناس هجبهم من المطار-) والعربية ما شاء الله ثابتة جدا حتى وإنت على 200

أأفش عندك، كان نفسك فى البرافو؟؟؟ اول مرة اعرف الكلام ده يا باشا.
ايوة ايوة اجرى انت وانا اتوه واكمل على الدائرى، وبعدين مش تخف شوية، دا احنا كنا لسه معديين من على الرادار.

[yoko]

أأفش عندك، كان نفسك فى البرافو؟؟؟ اول مرة اعرف الكلام ده يا باشا.
ايوة ايوة اجرى انت وانا اتوه واكمل على الدائرى، وبعدين مش تخف شوية، دا احنا كنا لسه معديين من على الرادار.

كان نفسي في البرافو بس مكنتش أعدت في الكنبة الي ورا دلوقتي بحمد ربنا
ده غير إن أخري في الفلوس كان ١٢٠ ألف بندق
وأنا المشكلة إن الراجل الي كنت ريحلة مشيلينه حجات فا عيب أوي إني أتأخر علية وأنا طلعت الدائري بعدين الوصلة الجديدة ونزلت طريق السويس أخدت الطريق ده لإنه طريق الكليه وحافظ رداراته:10d5c8~1107:

[bembodeniro]

طب رايك ايه اشوف حكايه البورا والجولف دى ولا اخلينى فى النيا صحيح انا سمعت انك روحت تعمل الصيانه الدوريه فى اوماترا الحرفين اخبار الناس هناك ايه بيفهموا ولا لا ودفعت كام هناك فى الصيانه