قدر الله وما شاء فعل -عملت حادثة باللينيا-

[yoko]

الحمد لله على كل شئ عملت حادثة باللينيا جابت فيها مقص وذراع توجيه مبدئيا ربنا يستر على القنطرة
بكرة هبقى أجبلكو صورة المقص معوج ٩٠ درجة أنا لسا جي من التوكيل دلوقتي
واضح إن العربية واخده جامدة قوي

[أبو صلاح]

الف حمد الله على سلامتك
المهم انت بخير

بس على فكرة انت غاوي جري وشد جامد جدا
اهدى شوية

[hash_mafia]

لا حول ولا قوة الا بالله.... قدر الله وما شاء فعل هتعمل ايه
يا ترى حضرتك مأمن؟ أو سألتهم الأجزاء دي تتكلف عندهم اد ايه؟؟؟
ولو عزت ممكن تبقى تحكلنا عن طبيعة الحادث؟؟

عموما هي أكيد عين بس الحمد لله انها جت على اد الحديد

[أشرف العدوي]

الف حمد الله على سلامتك يا احمد
و كويس انك بخير
و إن شاء الله تتصلح و ترجع زي الاول و مدايقش نفسك
بس نصيحة من صديق كفاحك القديم بطل جري شوية

[ashrafsadany]

الف سلامة ربنا يخلف عليك بلخير ويعوضك يا ريت لما تروق تحكلنا اية الى وصل الموضوع للمقص واخبار قطع الغيار اية ولو فية صور للافادة ربنا يعوضك خيير ان شاء الله

[yoko]

الف حمد الله على سلامتك
المهم انت بخير

بس على فكرة انت غاوي جري وشد جامد جدا
اهدى شوية

والله ما كنت بجري خالص كنت ماشي على ١٢٠ بالكتير

لا حول ولا قوة الا بالله.... قدر الله وما شاء فعل هتعمل ايه
يا ترى حضرتك مأمن؟ أو سألتهم الأجزاء دي تتكلف عندهم اد ايه؟؟؟
ولو عزت ممكن تبقى تحكلنا عن طبيعة الحادث؟؟

عموما هي أكيد عين بس الحمد لله انها جت على اد الحديد

للأسف كنت هروح بكرة ءأمن قدر الله وما شاء فعل
أنا كنت ماشي في الوسط (طريق السندباد) وجيه أوبترا حمرا بيجري من اليمين ومرة واحد كسر شمال ففديته وروحتشمال وفرامل لقيته بيكلبش فرامل معايا عشان يخش الu-turn لحد ما لقى إننا هنلبس في الu-turn ﻷإنه بارز في أخر لحظة قام لامم يمين وجري وأنا لبست في الرصيف

الف حمد الله على سلامتك يا احمد
و كويس انك بخير
و انشاء الله تتصلح و ترجع زي الاول و مدايقش نفسك
بس نصيحة من صديق كفاحك القديم بطل جري شوية

واللــــــــــــــــــــــــــــــــــــــــــــــ ـــــــــــــــــه ما كنت بجري

ما هو كده أجري وميحصلش حاجة ويا تتخبط وهيا واقفة يا وأنا ماشي محترم

[semsem_uno]

ياريت تجيبلك قل اعوذ برب الفلق و علقها في المراية و ياريت دايما تقراها و بجد فعلا انا زعلت جدااا لأنك بصراحة فعلا من ضمن الناس المحترمة في المنتدي و مش بتتأخر
ربنا يستر ان شاء الله و ابقي امن عليها
و علي فكرة انا قبل كده كنت لسة مخلص الأونو و فرحان بيها و ماشي و دماغي وزتني اني اشد هاند بريك و كان في واحد باصيصلي حتت بصة
بعدها علطول دخلت بارفرف في نص نقل

[yoko]

الف سلامة ربنا يخلف عليك بلخير ويعوضك يا ريت لما تروق تحكلنا اية الى وصل الموضوع للمقص واخبار قطع الغيار اية ولو فية صور للافادة ربنا يعوضك خيير ان شاء الله

الخبطة في رصيف البودي ماحصلوش حاجة خالص والأسعار لسه بكره لما يتعمل مقايسة والصور بكرة لإن مكنش فيا دماغ أصور

[yoko]

ياريت تجيبلك قل اعوذ برب الفلق و علقها في المراية و ياريت دايما تقراها و بجد فعلا انا زعلت جدااا لأنك بصراحة فعلا من ضمن الناس المحترمة في المنتدي و مش بتتأخر
ربنا يستر ان شاء الله و ابقي امن عليها
و علي فكرة انا قبل كده كنت لسة مخلص الأونو و فرحان بيها و ماشي و دماغي وزتني اني اشد هاند بريك و كان في واحد باصيصلي حتت بصة
بعدها علطول دخلت بارفرف في نص نقل

ربنا يكرمك وأنا الحمد لله أخري ممكن أجري لكن هاند والكلام ده أبدا ولا حتى بال١٢٨

[sherif_fawzy]

الف سلامه عليك يا كبير

قدر الله و ما شاء فعل

المهم انت و فداك مليون عربية لانك فعلا من الناس الممتازين اخلاقيا و عمرك ما بخلت بأى معلومة سواء كانت عندك او بحثت عنها و كثيرا ما استفاد منك كثيرين و انا اولهم

انشاء الله التكلفة تبقى بسيطة و ترجع تنور تانى المنتدى بالف سلامة

[yoko]

الف سلامه عليك يا كبير

قدر الله و ما شاء فعل

المهم انت و فداك مليون عربية لانك فعلا من الناس الممتازين اخلاقيا و عمرك ما بخلت بأى معلومة سواء كانت عندك او بحثت عنها و كثيرا ما استفاد منك كثيرين و انا اولهم

انشاء الله التكلفة تبقى بسيطة و ترجع تنور تانى المنتدى بالف سلامة

الله يخليك وده واجبي تجاه كل عضو زي ما أستفدت من أعضاء كتير في المنتدى لازم أفيد بس أنا برده على قدي في العربيات

[mahamedaraby]

حمد لله على سلامتك وحصل خير

ان شاء تتصلح فى التوكيل وترجع زى الاول واحسن

هو انت قصدك على مكان الحادثه عند اليوترن اللى ادام الحناوى بتاع العفش هناك حصلت الحادثه

[Hosam_Optrawy]

حمد الله على سلامتك وان شاء الله الخسائر تكون بسيطه وترجع أحسن من الأول

[أبو إياد]

قدر الله ماشاء فعل والمهم ان انت بخير وفداك اى حاجه تانى

اعمل زييى لما اركب عربيتى او اى عربيه بمجرد انى امسك الدريكسيون

سبحان الذى سخر لنا هذا وما كنا له مقرنين وانا الى ربنا لمنقلبون
وقل اعوذ برب الفلق
والتوكل على الله

[yoko]

حمد لله على سلامتك وحصل خير

ان شاء تتصلح فى التوكيل وترجع زى الاول واحسن

هو انت قصدك على مكان الحادثه عند اليوترن اللى ادام الحناوى بتاع العفش هناك حصلت الحادثه

أيوه الu-turn الي قبل كوبري الحرفيين

حمد الله على سلامتك وان شاء الله الخسائر تكون بسيطه وترجع أحسن من الأول

ءامين يا رب

قدر الله ماشاء فعل والمهم ان انت بخير وفداك اى حاجه تانى

اعمل زييى لما اركب عربيتى او اى عربيه بمجرد انى امسك الدريكسيون

سبحان الذى سخر لنا هذا وما كنا له مقرنين وانا الى ربنا لمنقلبون
وقل اعوذ برب الفلق
والتوكل على الله

الحمد لله أنا كنت قايل الدعاء
بس كان شكلي مسخرة وأنا بفضي العربية من الخضار الي كنت شارية وواقف في التوكيل والكنبة الورانيه والشنطة كلهم خضار وأعد بنزل في الأكياس