شوية صور للبرافو

[damasry]

حبيت اعمل الموضوع ده كرد لبعض الناس اللى بتشكك فى جودة خامات وتقفيل البرافو.

الصور دى صورتها فى الاوتو كروس اللى فات، معلش الشمس كانت ضاربة جامد فى الصور

الناس اللى فى العربية بالترتيب Yoko و ابو صلاح و العبدلله

يا رب تكون الصور عجبتكم، وان شاء الله قريبا ها اجيبلكم صور بليل للسيارة.

[damasry]

13 مشاهدة ومافيش تعليق واحد؟؟؟

[SeiffoZ]

مين يقدر يشكك فى جودة البرافو؟؟ محدش ...

يا ريت بس كل إللى بيتكلم على فيات كانها ماركة صينى يسكت خالص ..

و شكرا على الصور يا damasry

[damasry]

للأسف في ناس تشكك فيها وكل مهمتها اها تطلع القطط الفطسة فيها ههههههه.

العفو يا سيف وعلى فكرة انا اسمى محمد.

[nour3alanour]

أولا ميرسي أوي damasry علي الصور الحلوة دي للبرافو والعربية بجد شكلها تحفة من بره وكمان من جوة
وصعب أوي ان حد يشكك في جودة تقفيل البرافو!
ثانيا انا اتفرجت علي العربية في اوماترا الدقي من اسبوعين تقريبا ودخلت جواها وكانت فعلا حلوة اوي بس حسيت بحاجة واحدة مش حلوة فيها
وهي ان الكنبة الخلفية كانت لازقة اوي في الكراسي اللي قدام! مع اني كنت مقدمة الكرسي بتاعي لقدام اوي (كان شبه لازق في الدركسيون) ومع ذلك لما بصيت ورا برده حسيت ان مسافة الاقدام للي هيقعد ورا مش هتبقي مريحة خالص! والغريبة اني محستش بده خاااالص في الجراند بونتو لما قعدت فيها! بالعكس كانت مساحة الاقدام للكنبة الخلفية واسعة عن البرافو!!
الحقيقة في الصور هنا مش باين انها ضيقة اوي كده ولكن لما انا شفتها بنفسي حسيت كده. وبصراحة برده انا مقعدتش ورا بنفسي وجربت انا بقول الكلام ده من خلال نظرتي بس لإن عموما موضوع الكنبة الخلفية ده بالنسبة لي مش مهم أوي لكن لو لحد هيبقي معاه دايما ناس ورا هتفرق أعتقد ولا رأيك ايه؟
وبجد بهنيك مرة تانية علي المجهود والصور الرائعة دي

[amr23zn]

موضوع جميل و الصور تحفه شكرا يا باشا

[fox4]

بارفو فيات البرافوا عربية محترمة جدا جدا جدا وشكرا على الصور ياباشا بجد جميلة

[nour3alanour]

معلش أنا ليا سؤال غريب شوية
انا لاحظت في صور البرافو ان الاستاند اللي ورا ممكن نفصله عن الشنطة وبالتالي لما نفتحها ميترفعش معاها ويفضل زي ما هو
هل يا تري الموضوع ده موجود في الجراند بونتو برده؟
للأسف انا مخدتش بالي خالص من النقطة دي وانا بتفرج علي العربية في اوماترا والا كنت جربت وشفتها بنفسي
الحركة دي هتبقي حلوة لو الواحد حاطط حاجة علي الاستاند ومش عايزها تقع كل مرة يفتح فيها الشنطة
أرجو الافادة

[masterzmind]

بقولك يا باشا هى الفقة دى بكام والمنيوال منها بكاااااااااااام

هى مقدمة العربية هجومية بطريقة شرسة اوى اوى الخامات ماشاء الله كفاية التبلوة شكلوة رائع بس الكنبة الخلفية ضيقة شوية يعنى صح الكلام دة انا مشوفتهاش على الطبيعة الصراحة انا بقول الكلام دة من الصور

[fadynabil]

خساره بجد العربيه دي في البهدله اللي هتحصلها في بلدنا الجميله

[ahmadmidop]

لا بجد العربة تحفة يكفي شكلها من بره

وبجد تقرير وتصوير جاااااااااااااااااااااااااااااااااامد

[KHALED AYMAN]

هاتولى الى قال ان خاماتها وحشه !!!!!!!!!!!!!!!!!!!
لما دى وحشه امال ايه الى خاماته حلوه ؟؟؟
و بجد العربيه تحفه من تحف الزمن و ربنا يبارك لكل الى معاه العربيه دى...
و يا ريت الناس تعرف ان فيات مش 128 بس !!!
و ال 128 دى وقتها كانت تحفه برده ...
دلوقتى عمرها الافتراضى انتهى عشان كده بقت وحشه ...

[eng_ahesham]

بجد يا محمد تسلم اييييييدك

[damasry]

أولا ميرسي أوي damasry علي الصور الحلوة دي للبرافو والعربية بجد شكلها تحفة من بره وكمان من جوة
وصعب أوي ان حد يشكك في جودة تقفيل البرافو!
ثانيا انا اتفرجت علي العربية في اوماترا الدقي من اسبوعين تقريبا ودخلت جواها وكانت فعلا حلوة اوي بس حسيت بحاجة واحدة مش حلوة فيها
وهي ان الكنبة الخلفية كانت لازقة اوي في الكراسي اللي قدام! مع اني كنت مقدمة الكرسي بتاعي لقدام اوي (كان شبه لازق في الدركسيون) ومع ذلك لما بصيت ورا برده حسيت ان مسافة الاقدام للي هيقعد ورا مش هتبقي مريحة خالص! والغريبة اني محستش بده خاااالص في الجراند بونتو لما قعدت فيها! بالعكس كانت مساحة الاقدام للكنبة الخلفية واسعة عن البرافو!!
الحقيقة في الصور هنا مش باين انها ضيقة اوي كده ولكن لما انا شفتها بنفسي حسيت كده. وبصراحة برده انا مقعدتش ورا بنفسي وجربت انا بقول الكلام ده من خلال نظرتي بس لإن عموما موضوع الكنبة الخلفية ده بالنسبة لي مش مهم أوي لكن لو لحد هيبقي معاه دايما ناس ورا هتفرق أعتقد ولا رأيك ايه؟
وبجد بهنيك مرة تانية علي المجهود والصور الرائعة دي

اشكرك يا نور على الرد الجميل ده.

بص ى الكنبة اكيييد مش افضل حاجة فى فئتها بس ده راجع ان مساحة الشنطة الخلفية 400 لتر ودى تعتبر من اكبر مساحات الشنط فى الفئة دى.

وبعدين اديك مثال، عارف الكروز عربية كبيرة ازااااى تعالى بقى رجع الكرسى الامامى لورا للآخر وجرب تقعد فى الكنبة وقولى احساسك ايه بعديها، دا انا قعدت والله ما عرفتش اقوم من كتر ما رجلى كانت تحت الكرسى الامامى.

وبعدين فى الصور فيه العضو يوكو كان قاعد مستريح والكرسى راجع للآخر وبعديه العضو ابو صلاح كان قاعد ورجليه ملمسة الكرسى الامامى، طبعا مع اختلاف الاحجام (اوعى تزعل يا ابو صلاح ) وبعديها قعدت انا وكنت مطلع الكرسى قدام صوية صغيرين وكنت قاعد مستريح وانت شايف انا حاطط ايديا بين ركبى والكرسى.

عارف فى حاجة بسيطة بقى يوكو هو اللى خد باله منها، هو بيقول ان ضهر الكنبة مش مريح لاسفل الضهر، مع انى شايف ان مش فيها حاجة وانا جربت العربية لمسافة 170 كيلو وماكنش فيها حاجة، وكان فيه ناس كبيرة قاعدة ورا ومش تعبوا من الضهر.

[damasry]

معلش أنا ليا سؤال غريب شوية
انا لاحظت في صور البرافو ان الاستاند اللي ورا ممكن نفصله عن الشنطة وبالتالي لما نفتحها ميترفعش معاها ويفضل زي ما هو
هل يا تري الموضوع ده موجود في الجراند بونتو برده؟ :u_thin1[1]:
للأسف انا مخدتش بالي خالص من النقطة دي وانا بتفرج علي العربية في اوماترا والا كنت جربت وشفتها بنفسي
الحركة دي هتبقي حلوة لو الواحد حاطط حاجة علي الاستاند ومش عايزها تقع كل مرة يفتح فيها الشنطة :e_braces[1]:
أرجو الافادة

كل العربيات الهاتش باك فيها الموضوع ده يا نور.