ركبت فوجات الشاهين عالأونو (وربنا يسامح الكهرباءي)

[semsem_uno]

انا شفت قبل كده ورانا عربية اونو مرمية بقالها اكتر من 10 سنين
لحد اما يوم ركنت و نزلت ابص عليها و لقيت فيها فوجات:10D5C8~1107:
اعدت ابص عليهم و مسكتهم لقيتهم مش بتوعها بس شكلهم حلو اوي بردو و متركبين تمام

قلت بقي ده مش احسن مني ف حاجة :) رحت سألت عليهم لقيت نوع صيني ب 25 الواحد و التركي ب 35 (الصيني عبارة عن بلاستيك معفن و الأزاز زفتتت و مفيش عاكس هو شوية دهان فضي عالبلاستيك من روا و شكرا) و مفيش مكان للسلك يدخل فيه اللمبة كمان طبعا كنت ه
المهم التركي بقي عبارة عن تححححححفة
ازازة 100 100 و عاكس كبير و نيكل كله تمام يعني زي المرايا بالظبط
و جبت لمبتين 100 وات انجيليت الكوري و تم تركيب التوصيلات و الفيوز منفصل يعني مخليتوش يوصل مع حاجة تانية و كمان خليت مكان الزرار تحت الشفاط و هو عبارة عن زراو شد بس حلو و تركي و باين كأنه نازل فيها

نيجي بقي لتركيب الفوجات
ابن ال .... (حلال) :) ونا واقف جه واحد زبون عنده قاله لا بتاع فبر ولا غيره و راح حافر مكان الفوج الأصلي و بتاع الشاهين اقصر و اعرض ااااااه يا ابن ... بس مش مشكلة لأني عرفت عربيته علشان ميعملش فيها ناصح تاني و يبوظ حاجة الناس و هو راجل كبير و مهزء
و الناحية الشمال اتحفرت بالظبط اتحفرت علي قد الفوج بالظبط بس طبعا كده بقي واحد اعلي من التاني و الأضاءة حلوة بس مش مظبوطة لأن فوج اعلي من التاني و واحد باصص تحت شوية عن التاني و هاروحلو يوم تاني علشان نظبط الدنيا (ماهو واخد فلوووس مش طووووووب)
بس انا خلاااااا بقين من مشجعي ركب حاجتك بنفسك

اااااه و كمان ساعة ما كنا بنركب اللمبات في الفوجات و بنقفلها (لولا ان انا اللي قفلتهم و قلتله يركب اللمبا ازاي كان زماني ماشي بغني الدنيا خربانة) الراجل عمال يمسك العاكس ونا اخده و انظف تاااني و كمان عايز يزنق اللمبة ب كلبسة بتركب في الأكسدام اصلااا و يتخانق و يقاوح و يقولي انا عارف شغليييي (حتي الجوان بتاع المية اللي بيحمي الفوج من دخول المية كان عايز يسيبه كده و خلاص يا اخي ^&^ علي ديه صنايعية) لولا ان اخويا يعرفة كان زماني مبهدله في المحل و خدت العربية بالحاجة و مشيت

و بعد كده يا جماعة ياريييييييت و ديه حاجة مهمة اويييييييي
لما تروحو لحد تبقو عارفين هتعملو ايه بالظبط و اوعووووووو عينكم تغيب عا حاجتكم و ياريت هو الل يبقي عليه التركيييب بسسسسسسس (يعني متسيبهووووووووش يشتغل من دماغه)
و كمان تقولو لي اللي هيعمل الشغل قبل ما يبدأ هتقدر ولا اشوف حد غيرك ؟؟؟؟
ربنا يشفي و يهدي الصنايعية ااااااااميييييييييييييين

[sherif_fawzy]

الف مبروك

الف مبروك يا سمسم على الفوجات

عاوزيين نعرف تكلفه المصنعية كانت كام ؟؟؟

[fox4]

انا ببقا قاعد على راس كل صنايعى علشان اشوف هو بيعمل ايه

[semsem_uno]

الف مبروك يا سمسم على الفوجات

عاوزيين نعرف تكلفه المصنعية كانت كام ؟؟؟

الله يبارك فيك يا باشا و تكلفة المصنعية كانت 30 جنيه و الخامات انا نزلت جبتها و هي كانت زرار تركي شد و 6 متر سلك 2 مللي و كليبسات و فيوز و دول ب 20 جنيه
و اي استفسار انا تحت امرك في اي وقت يا باشا

[semsem_uno]

انا ببقا قاعد على راس كل صنايعى علشان اشوف هو بيعمل ايه

هو ده الكلام :))
الله يعينك و يعيننا كلنا

[semsem_uno]

Esmail El Enanys Fotos | Facebook

و ده الشكل النهاءي يا جماعة و ياريت الأراء الجميلة بتاعت الأعضاء :)

[semsem_uno]

الشكل النهاءي ده بعد ما ظبطنا الفوجات و انا كمان الأكصدام عندي وحش

[eng_ahesham]

الف مبروك يا ريس علي الفوجات وعقبال الزينون

[semsem_uno]

الف مبروك يا ريس علي الفوجات وعقبال الزينون

الله يبارك فيك ان شاء الله :)

[sherif_fawzy]

الف شكر

الله يبارك فيك يا باشا و تكلفة المصنعية كانت 30 جنيه و الخامات انا نزلت جبتها و هي كانت زرار تركي شد و 6 متر سلك 2 مللي و كليبسات و فيوز و دول ب 20 جنيه
و اي استفسار انا تحت امرك في اي وقت يا باشا

الف شكر على سرعة الرد الجميل بتاع حضرتك

انا شوفت الصورة من اللينك الى حضرتك واضعة بسم اللة ما شاء اللة حاجة جميله ربنا يبارك لحضرتك فيها و يكفيك شر الحاسدين و شرها

عندى سؤال كده لحضرتك ما بين 2 اوناوية عرفت ازاى تثبت الاكصدام فى مكانة و مش يقع انا عندى هسس من المشكلة دى ربطة اكتر من 100000 مرة و مع ذلك بيقع لوحدة لدرجة انى افتكرت ان فى حد بيفكة مع انى بركن فى جراج خاص . لكن لما ركزت مع باقى العربيات فى الشارع اكتشفت انها ظاهرة عامة

[Bonanza]

الف مبروك يا باشا شكلهم حلو فعلا

هو في علي الفوجات شبكة و لا ايه ده ؟؟؟ هي بتتباع كده ولا انت مركب حاجة عليهم ؟؟

[misoalex]

الف مبروك يا باشا بس انا عاوز الصور عشان مفيش لينكات ولا صور
وهو التركى ابو 35 ده معهوش لمض ولا بيجى معاه
وتكلفته بالمض كام

[semsem_uno]

الف شكر على سرعة الرد الجميل بتاع حضرتك :m_yes[1]:

انا شوفت الصورة من اللينك الى حضرتك واضعة بسم اللة ما شاء اللة حاجة جميله ربنا يبارك لحضرتك فيها و يكفيك شر الحاسدين و شرها

عندى سؤال كده لحضرتك ما بين 2 اوناوية عرفت ازاى تثبت الاكصدام فى مكانة و مش يقع انا عندى هسس من المشكلة دى ربطة اكتر من 100000 مرة و مع ذلك بيقع لوحدة لدرجة انى افتكرت ان فى حد بيفكة مع انى بركن فى جراج خاص . لكن لما ركزت مع باقى العربيات فى الشارع اكتشفت انها ظاهرة عامة

يا باا دانتااللي شكرا والله منور الموضوع :)
و بالنسبة للأكصدام فا ده نفس الكلام عندي برده
خلي واحد كويس يعملهولك و الأعدات بتاعتو تبقي مظبوطة و بعد ما يخلص خالص يعملو كمان مسمارين زيادة :)

[semsem_uno]

الف مبروك يا باشا شكلهم حلو فعلا

هو في علي الفوجات شبكة و لا ايه ده ؟؟؟ هي بتتباع كده ولا انت مركب حاجة عليهم ؟؟

الله يبارك فيك يا باشا نورت الموضوع :) و هي فعلا بتيجي كده عليها شبكة بلاستيك بس احسن علشان الحماية

[semsem_uno]

الف مبروك يا باشا بس انا عاوز الصور عشان مفيش لينكات ولا صور
وهو التركى ابو 35 ده معهوش لمض ولا بيجى معاه
وتكلفته بالمض كام

الله يبارك فيك يا باشا و انا اشتريت اللمبة لأن اصلا الفوج تحفة و بعدين مفيش فوجات بتيجي باللمبات الا انواع من الصيني و بيبقي معفن برده
نصيحة لما تجيب اللمبات تجيب الأنجيليت الكوري
انا جايب ال100 وات كوري ب 10 جنيه