محتاج رايكم فى البونتو عاما

[mikology]

ازايكو يا شباب
انا كان معايا تمبرا 1991 و بعتها بقالى فتره ودورت على كذا حاجة ومنهم البونتو
بس انا مش عارف فيها اى حاجة غير شكلها
ومش عارف لما انزل ادور - ادور على الموديل انهين فيها
يعنى اكيد فى موديل منها هو اشد حاجة ومفيهوش عيوب عن اللى قبله و مفيش اختلاف كبير عن اللى بعده
المهم مش هاطول عليكم - ياريت اللى يعرف اى معلومات عن البونتو مايبخلش عليا بيها خصوصا انى متبهدل فى المواصلات بقالى شهر و داخل على التانى ومش عاوزاستعجل و البس فى عربيه تكون متبهدله وانا مش فاهم فيها ولا عارف عنها حاجة
وشكرا جزيلا مقدما

[fouady]

بوص أنا هكلمك على اللي بونتو 2003 لأن ده اللي كانت معايا بص أنا مش هقولك غير إن العربية ده محترمة جدا جدا جدا أنا جبتها لا مدى قصيرة بتعها شهور بس وكانت ماشية يعتبر كتير 100,000 في الغ شهور دول أنا كنت بحت بنزين بس وال عربية بجد بجد عجبتني جدا مطرها مناسب ليها جدا تقفها حلو ومسحتها حلوة يعني تعد ناس ورا عدي وبتجيب سرعة عاليَّه عادي بجد أنا حبيت الفيات أكتر من حبي للعربية ده وإن شاء الله أجيب الجراند بقى هههه ولو عاوز أي حاجة قول وإن شاء الله اقدر اسعدك

[mikology]

شكرا لسرعه ردك
بس هو ده اللى اعرفه بردو عن البونتو وده اللى محببنى فيهاجدا
بس عمليا بقا - قطع الغيار - انهى موديل - اهم حاجة تتبص عليها فى العربيه ايه -اكتر حاجة بتبوظ فها و بتتغير بسرعه - كده يعنى - نصايح و معلومات تقدر تفيدنى ده اللى عاوز اقوله

[fouady]

بص يا سيدي قطع الغيار اللي أنا غيرتها اللي هي فلتر وبجهات وتيل وال كلام ده كله يتحط تحت بند رخيص وهي عامةً قطع غيرها رخيصه أنا بتكلم على موديل بتاعي وفي كمان eng_hesham كان عمل حادثة جامدة غير كبوة واكسدام وفانوس وليلة كده شوف الأسعار هتلقيها يعتبر رخصيه ده اللي اعرفه

[m000dy]

ارخص قطع غيار هاتلاقيها فى موديل 94 / 95
العربيه اما بتتجنط بتديك ثبات حلو
تصميمها ارقى واجمل
وسعها معقول ومريحه
فيها اوبشن كويس بالنظر لموديلات الفيات فى الفتره دى
كلها 1300 سى سى وانجيكشن
ناعمه جدا وبالرغم من قدم الموديل ( 15 سنه ) الا ان بريستيجها لسه عالى
تراعيها فى صيانتها هاتحسسك انك باشا
وتتميز عن باقى الفيات بقلة اعطالها واعتماديتها

[eng_ahesham]

بص يا mikology
اسئلني وانا هجاوبك
واسئل براحتك خاااااااااالص

[mada_mada81]

انا كمان ناوي اشوف بونتو 95 كنت عاوز اعرف هيا باور و لا كمان او ما اجبها اغير لها ايه و قطع غيرها و كمان لو حد يعرف ميكانيكي كويس في جسر السويس شكرا مقدما

[m000dy]

نصيحه لو لقيت واحده كويسه خدها واطلع على توكيلها فى جسر السويس وخليه يحطهالك على الاسكانر عشان يجيبلك الحاجات اللى عاوزه تتغير فيها وكمان فرصه تنزل من تمنها قصاد اللى هاتغيره

[mikology]

بشكركم قوى يا رجاله
واسف لتاخرى فى الرد
فى قدامى واحده بس بيقولى فى مشكله فى التكييف
بالظبط فى انبوب التكييف ورا التابلوه بيقولى مخروم و لازم يفك التابلوه عشان يلحمه و هو مش عاوز يفك تابلوها عشان يعرف يبيع ومحدش يقوله انت فاكك و عاكك
بيقولى الانبوبه دى بتسرب - كل ما تشحنه مايقعدش
الكلام ده ايه محله من الحقيقه ؟

[m000dy]

زى ماقلتلك
100 جنيه فى التوكيل هاتأمنلك فلوسك كلها احسن ماتروح فى الهوا
اشترى فلوسك بال 100 جنيه ى والتوكيل ياكدلك
بس انا عمومااماكنت بسال عن عربيه ويقولى مكيفه بس مش شغال ( لاى سبب ) كنت بقوله يبقى مش مكيفه وشيل التكييف من مواصفات العربيه لان تكييف مش شغال يبقى احتمال 99% مايشتغلش الا بمبلغ محترم فكنت بنزل تمنه من العربيه واللى مش عاجبه يبقى يدور على اللى يشترى منه عربيه مش مكيفه بتمن واحده مكيفه
ولا انا غلطان؟