أسألكم عن مميزات وعيوب السيارة التمبرا

[khttb_mr]

انا معاي 27 ألف وعايز اشتري سيارة حلوة فيه ناس رشحت لي التمبرا وقالوا انها متميزة وحلوة وجامدة فهل هذا صحيح؟ أريد أعرف منكم يا أهل الخبرة كل شيء عن مميزات وعيوب هذه السيارة وايه أحسن موديل فيها ولو فيه موديل حلو ممكن الواحد يزود السعر شوية ويشتريه
منتظر ردودكم

[muhmado_furp]

انا معاي 27 ألف وعايز اشتري سيارة حلوة فيه ناس رشحت لي التمبرا وقالوا انها متميزة وحلوة وجامدة فهل هذا صحيح؟ أريد أعرف منكم يا أهل الخبرة كل شيء عن مميزات وعيوب هذه السيارة وايه أحسن موديل فيها ولو فيه موديل حلو ممكن الواحد يزود السعر شوية ويشتريه
منتظر ردودكم

انا كنت رديت علي حضرتك قبل كده في موضوعك في قسم البيع والشراء
هحطلك الكلام تاني يمكن تكون ماخدتش بالك
انا هرد علي حضرتك من خلال تجربتي الشخصية مع العربيه حتي الان
1- بالنسبة لقطع الغيار واسعارها
موجوده كتير كجديد واستيراد واسعارها في منها متوسط زي التيل والطنابير وحاجة الموتور مثلا وفي منها عالي زي حاجة التكييف وعلبة الدريسكيون وعوامة البنزين مثلا.
2- هل يوجد اماكن تصليح
نعم في منها في توكيلات فيات بيشتغلوا فيها وفي الورش ودووول كتيير متقلقش والعربيه عموما سهله ومش معقده.
3- مميزاتها
عربية واسعه عائلية ثبات ممتاز علي الطريق اعتماديه
4- عيوبها
مش عاليه عن الارض وخاصه الاكصدام الامامي زي زي معظم الفيات بتعاني من مشكلة السخونية بسهولة سعر اعادة البيع للاسف مش عالي وبيعها مش سريع ولكن دلوقتي العربيه انتشارها بقي اكبر وفي ناس بقت تطلبها بالاسم.
5- اسعارها في السوق
بتتراوح حسب الموديل والحالة والكماليات لان في منها 1400 وفي منها 1600 وفي منها بتكيف وباور وزجاج امامي وفي منها اكتر يعني فتحة سقف وكماليات اخري زيادة عنها ويعني بتتكلم من 27 لغاية 40 حسب حالة كل عربية
6- افضل الموديلات
الايطالي حتي 94 وطبعا الكماليات الاكتر وال1600 شديدة بمعني الكلمة
7- استهلاك البنزين
انا عربيتي 1600 بفول 60 لتر بعمل جوه البلد من 420-500 وعلي السفر مش بقل عن 600 كيلو

طيب بالنسبة للجزء الجديد في كلامك موضوع ال27 الف
اعتقد هيبقي صعب شويه تجيب حاجه بالرينج ده ومتتعبكش
زود شويه وهات حالة نضيفة وموديل عالي
وان شاء الله هتتبسط من العربيه دي

[ابوهاشم]

التمبرا سياره رائعه وواسعه فعلا من الداخل
وانا كنت ناوى اشتريها
الا انى فضلت الدوجان نظرا لكثرة قطع غيارها
وانتشارها السائد وسهولة التعامل مع اى ميكانيكى

[mezo73]

كل الكلام اللي اتقال زي الفل
بس ممكن تشتري الايطالي احسن من المصري
موديل 94 مثلا وتكون عدادات ديجتال وتكييف تاتش واتنين زجاج امامي كهرباء وسنتر 4 ابواب والشنطة
والعربية دي لاغبار عليها والافضل هاتها 1600
وربنا يوفقك

[emoustafa]

عربتي 1998 وبها كل الكمليات و 1600 ورخصة سنتان وعايز 35000 جنية من الاخر 0127699885