حكايتي مع عربيتي الاونو 45 حكاية غريبة

[ramyworm]

بسم الله الرحمن الرحيم
انا حكيلكم حكايتي مع العربية عشان ان نفسي اعرف اللي بيحصل دا طبيعي ولا في حاجة غلط ...
من 3 شهور كدة اشتريت عربية اونو مو 94 العربية زي الفل بتجري وعمرهاما بتسخن ومشاء الله مفيش فيها اي حاجة . المهم ان العربية اتعرضت لسلسلة حوادث في ال3 شهور وكلهم اغرب من بعض .

البداية كانت بعد ماشتريت العربية باسبوع كدة رجعت باليل وركنت العربية في شارع جنب البيت وانا من خوفي على العربية قعدت احضن فيها عشان ما تتخبطش واصحابي يتريقوا عليا عشان العربية صغيرة اساسا ومش طالعة برة العربيات روحت نمت وصحيت تاني ايوم الاقي العربية واخدة خبطة من الباب اللي قدام لغاية الفانوس وطبعا الرفرف بقا لونه احمر من بوية العربية اللي خبطتني قولت الحمدلله اخت العين وكويس انها جت على قد كدة .

عدى شهر كامل الحمدلله من غير مشاكل وبعدها نويت اني انزل اظبط العربية شوية واشتريلها شوية اكسسورات وحركات وكدة يعني . نزلت الصبح بدري وماشي براحة وواحدة واحدة عشان لسة ما فوقتش وفجأة وانا بلف وداخل شارع جانبي الاقي طااااااااااااااخ بوم وانا لزقت في السقف ايه اللي حصل انزل ابص الاقي العربية نزلت غوطس في بلاعة مفتوحة والعربية بقت متعلقة لدرجة ان العجل اللي ورا اترفع من على الارض (طبعا ماقولكوش على المهزلة اللي حصلت في الشارع والناس بتشيل العربية )

تاني يوم روحت اصلح الدمار اللي حصل في العربية نتيجة الغوطس بتاع امبارح . العربية اتصلحت والعملية تمام وانا راجع مروح البيت الاقي فجأة عربية اوبترا جاية معاكس وايه طاير وحنلبس وش ف وش فمكنش عندي حل غير اني ادخل في العربية اللي جنبي (جنب في جنب ) انا قولت طبعا الراجل مش حيسبني اروح البيت سليم بس الحمدلله الراجل طلع طيب وشاف الموقف وقالي الحمدلله انها جت سليمة ومادخلتش في التاني بالوش (انا استعجبت طبعا هو لسة في ناس كدا ) وما اخدش مني ولا مليم ولا حتى زعق ولا اتخانق .

بعدها ب 4 ايام ماشي على البحر بالعربية وفجأة الاقي سواق ميكروباص جاي من ورايا طاير وافتكر انه عاوز يدخل الشارع اللي على يميني وهو جاي من على الشمال وكسر قدامي الدركسيون بالكامل مش حدف طبعا فرملة مع شوية اكروبات بالعربية والحمدلله قدرت اسيطر على العربية وكانت الخساير عندي الاكصدام الامامي اتكسر بالفوجات مع فانوس الاشارة مع حكة في الرفرف طبعا الحمدلله كانت ممكن تبقى اكبر من كدة بكتير لولا اني اخدت بالي منه وفرملت ودخلت معاه الشارع و الكلام ده كله حصل قدام ظابط المرور . طبعا اتسحبت رخص السواق وصلحلي العربية بس طبعا اي كلام ( عك ) وكان مبرر السواق عن الحادث انه ماشفنيش عشان انا عربيتي صغيرة ( ههههههه بالذمة ده كلام يتقال قدام الظابط )

ده غير طبعا ان العربية جابت اسطوانة لشوية اكروبات بالعربية لتفادي حوادث شنيعة
مثال: مرة فرملت على البحر على واحدة بتعدي الشارع وطبعا لقيت اللي حيلبس فيا من ورا روحت جايب اول وطالع طلعة امريكاني مالهاش حل .

معلش انا اسف طولت عليكو جدا بس انا بجد انا نفسي اعرف اللي بيحصل ده طبيعي ولا في حاجة غلط عشان انا تعت ومش عاوز اسوق تاني .

[m000dy]

مبدئيا اغسل العربيه بميه وملح عشان انت ماتعرفش صاحبها كان نظامه ايه ههههههههههه
ثانيا المفروض اما ربنا كرمك وجبتها وفرحان بيها يبقى تطلع حاجه لله او تدبح اى حاجه باربع رجلين يارب حتى ارنب
وربنا يستر طريقك ويكفيك شرها وشر عين الناس خصوصا لو فى حد من جيرانك عينه مقوره ومدوره زى حوووريه

[sarawe511]

اه دة كلة ي حج دنتا ليك الجنة ي عم. ممكن سوال بس م غير زعل هو حضرتك متمكن ف السواقة . لو انت متمكن ف السواقة اذن دور كويس هتلاقي حد مديلك عين جامدة (صحابك او جيرانك او قريبك). وربنا يبارك لك فيها و يديك خيرها و عقبال ال Bravo ان شا اللة

[fouady]

إيه يا سيدي هو مفيش غيرك في البلد ولا إيه هههههههههههه الحمد لله إنها جت على اد كده

[semsem_uno]

هههههههههههههههههه
بس علي فكرة الناس فعلا هي اللي بقت مش مظبوطة و انا حصلي كتيييييييييييير
اوعي تيأس و ديه عين العربية اللي تجيبها عالأولانية
و ده علي فكرة رابط اتحاد مالكي الفيات اونو
ياريت نشوفك جوة

http://www.nilemotors.net/Nile/56190-a.html

[yoko]

الله يكون في عونك والحادثة الأخرانيه شبه الحادثة الي أنا عملتها بس أنا رشقت في الرصيف

[ramyworm]

مبدئيا اغسل العربيه بميه وملح عشان انت ماتعرفش صاحبها كان نظامه ايه ههههههههههه
ثانيا المفروض اما ربنا كرمك وجبتها وفرحان بيها يبقى تطلع حاجه لله او تدبح اى حاجه باربع رجلين يارب حتى ارنب
وربنا يستر طريقك ويكفيك شرها وشر عين الناس خصوصا لو فى حد من جيرانك عينه مقوره ومدوره زى حوووريه

والله انا فكرت في الموضوع ده بس صاحبتها كانت واحدة بنت معيدة في الجامعة فمعتقدش ان العربية كان فيها شقاوة . اما موضوع الدبح ده فاتني الصراحة وبعدين انا قولت دي عربية مو94 مش 2010 مفيش حد حيبصلها .

اه دة كلة ي حج دنتا ليك الجنة ي عم. ممكن سوال بس م غير زعل هو حضرتك متمكن ف السواقة . لو انت متمكن ف السواقة اذن دور كويس هتلاقي حد مديلك عين جامدة (صحابك او جيرانك او قريبك). وربنا يبارك لك فيها و يديك خيرها و عقبال ال bravo ان شا اللة

على فكرة سؤالك مايزعلش ولا حاجة لان عادي سوري ( مفيش حد اتولد ومعاه دريكسيون ) كل الناس بتتعلم وبتغلط بس الكلام ده لو انا مثلا واقف على مطلع والعربية جريت مني واقف على داخلة شارع ومش باين فحد يخبط فيا . ده بالعكس دا انا الوحيد في مصر اللي بلتزم بقواعد السواقة (مش عاوز حد يفهمني غلط ) انا قصدي يعني عمري ما بعدي حد من اليمين لازم من الشمال و مش بعدي حد في الملفات اللي في الكباري طبعا بلاقي ناس كتير مش عاجبها الموضوع ده و بمشي في حارة واحدة ولما انقل منها بدي اشارة وكلام كدة ماحدش بيعمله في البلد بس انا اتعودت على كدة لما اتعلمت السواقة
وغير كدة مش هوايتي الجري والشد والغرز بس الصراحة دي ساعات بعملها لما حد يستفذني بس انما في العادي وانا سايق لوحدي ببقى ماشي محترم .

[ramyworm]

إيه يا سيدي هو مفيش غيرك في البلد ولا إيه هههههههههههه الحمد لله إنها جت على اد كده

اه الحمدلله طبعا وانا نفسي مستعجب فعلا هو مفيش حد غيري في البلد ولا ايه ...

هههههههههههههههههه
بس علي فكرة الناس فعلا هي اللي بقت مش مظبوطة و انا حصلي كتيييييييييييير
اوعي تيأس و ديه عين العربية اللي تجيبها عالأولانية
و ده علي فكرة رابط اتحاد مالكي الفيات اونو
ياريت نشوفك جوة

انا والله مش عارف الغلط في الناس ولا فعلا سواق الميكروباص عنده حق العربية صغيرة مش بتتشاف ولا ايه . المهم ان انا ايام ماكنت بتعلم السواقة كنت بخطف عربية والدي الله يرحمه واروح بيها كل حتة وعمري ما خربشت حتى العربية وانا بتعلم والعربيةكانت سويفت 93 عشان كدة محتار يمكن عشان كانت اكبر شوية الناس كانت بتحترمني انما الاونو صغيرة فمحدش بيعملها اعتبار على الطريق زي كدة الباشا اللي كان حيخبط فيا بالوش ده حسيت انه وهو جاي عليا انه فاكرني فار في الشارع حنط فوق الرصيف واعديه او حنزل تحت العربية اللي جنبي . ناس غريبة بجد
وانشاء الله اكون معاكو في الرابطة بس اعذروني اليومين دول عشان عندي امتحانات بس انشاء الله اول ما اخلص حشارك معاكو انشاء الله

[ramyworm]

لله يكون في عونك والحادثة الأخرانيه شبه الحادثة الي أنا عملتها بس أنا رشقت في الرصيف

م انا كان ممكن افاديه خالص واشد الهاند بس ساعتها كنت حرشق في الرصيف و لقيت الرصيف عليه ناس كتير واقفة فعدلت الدركسيون سنة صغيرة و حشرت نفسي بين الميكروباص والرصيف بس طبعا الكلام ده عشان كان داخلت شارع انما لو ماكنش في شارع كان حيبقى مصيري طبعا هوالرصيف انا والميكروباص
الحمد لله على اد كدة وربنا يكفينا شر الحوادث جميعا يا رب

[dolly13]

حمد الله على سلامتك اولا
ثانيا من شكل الحوادث اللى حضرتك بتحكيها كدة انك لسة جديد فى السواقة
ماتزعلش وماحدش بيتعلم ببلاش
اكيد مع الوقت هاتبقى بريفكس فى السواقة وربنا ينجيك وينجينا كلنا

[ramyworm]

حمد الله على سلامتك اولا
ثانيا من شكل الحوادث اللى حضرتك بتحكيها كدة انك لسة جديد فى السواقة
ماتزعلش وماحدش بيتعلم ببلاش
اكيد مع الوقت هاتبقى بريفكس فى السواقة وربنا ينجيك وينجينا كلنا

انا معاك في كل اللي بتقوله وبعدين انا لو غلطان مش حزعل وانا معاك ان مفيش حد بيتعلم ببلاش
بس انا عاوزك تقولي كان ممكن اعمل ايه في المواقف اللي انا اتعرضتلها
نمسك واحدة واحدة يعني لما انت بتلف وداخل شارع جانبي ضيق وانا كنت مرجع ضهر الكرسي لورا شوية فمش فبشوف الارض غير قدام العربية ب 5 متر كدة وانا بلف في شارع كان مستحيل اني اشوفها وغير كدة انا لومت نفسي برضه عشان كنت مرجع ضهر الكرسي شوية مع ان الناس قالو ان كل اللي بيعدي في المنطقة ومايعرفهاش بيقع فيها .

الحادثة التانية انا طالع من شارع جانبي على شارع حارتين بس اول ما طلعت لقيت اللي جاي طاير عكس اتجاه وعاوز يخطف الشارع ده طبعا الحل الوحيد اني استنى العربية اللي جنبي تعدي وان ادخل وراها واسيبله الطريق صح لقيت 4 عربيات كابسين ورا بعض بطئت عشان احاول اتفاداه وهو مفكرش يلمس الفرامل بالعكس زود بنزين زيادة وفتح الزينون في عيني وانا شبه اتعميت تماما منه ومالحقتش ادخل ورا العربيات في الصف التاني .
نيجي للحادثة التالتة زي ماقولتلت الحادثة كانت قدام الظابط وسحب رخصة سواق الميكروباص والسواق كمان جه صلحلي العربية . وانت عارف بلطجة السواقين لو كان ليه حق 1% ماكنش عمره حياخدني نصلح العربية .
ولو فيه حلول تانية كان ممكن اعملها ياريت تقولي عليها .

[د.محمود صلاح]

صدفة فقط لا غير , اقرأ دعاء الركوب قبل التحرك ,