فيات اونوموديل 2000 ولا 128 موديل 2006

[medo980]

السلام عليكم ورحمة الله
يا جماعه انا بقالى فتره بفكر فى موضوع انى ابيع عربيتى وهى نصر 128 موديل 2006 مع العلم انها مريحانى على الأخر ومعاملتش مشاكل معايا نهائياً لأنى بعملها الصيانات بتاعتها قبل مواعيدها كمان بس دايماً عندى احساس انها قديمه اقصد الشكل وفكرت انى ابيعها و اجيب فيات اونو موديل 2000 او 2001 تكون حالتها كويسه مع العلم ان بطولى لسه متجوزتش يعنى مفيش حد بيركب معايا العربيه غير نادراً لما يكون معايا والدتى غير انى كمان بعلم اختى السواقه دلوقتى عشان اى ظرف طارق هى تسوق بدالى او لو فى مشوار عندها بعيد اديها العربيه انا حابب اخد رأيكو ونتشاور فى الموضوع لأنى بفكر فيه كتير بس مش عارف اخد قرار لوحدى فيه ارجو منكم المساعده وابداء الأراء بالاسباب وليس بدون سبب والف شكر مقدماً واسف اذا كنت طولت عليكم

[yoko]

بدام معندش مشاكل في العربيه خليك بيها لإن متضمنش الي هتجبها يكون فيها إيه

[aymoz]

sry يا yoko أنا شايف الأونو أكيد هتبقى أحسن من ال 128 عالاقل هتبقى جميع الكماليات و كمان قطع غيارها رخيصة جداااا

[yoko]

sry يا yoko أنا شايف الأونو أكيد هتبقى أحسن من ال 128 عالاقل هتبقى جميع الكماليات و كمان قطع غيارها رخيصة جداااا

أنا عارف بس هل تضمن عربيه مستخدمة ممكن يطلعلك فيها إيه
لكن لو هيجيبها من واحد قريبه وعارف العربيه بيتعمل فيها إيه من ساعت ما كانت زيرو يبقى الأونو أفضل طبعا

[aymoz]

أوكيه كده ممكن

[medo980]

ايه يا رجالة المنتدى انتو فين

[newhansol]

والله يا ميدو زى ما الرجالة قالتلك كدة

طالما مريحاك خلاص ومعملتش معاك اى حاجة وحشة لحد دلوقتى يبقى كتر خيرها انما الاونو الى هاتجيبها مهما كنت شايفها حلوة قدامك برضة فى حاجات بيبقى البايع مخبيها على المشترى عمرة ما هيقولة عليها الا اذا كات عربية حد قريبك وتقريبا شايفها قدامك على طول يعنى عربية خالك عمك كدة يعنى انما غير كدة ممكن تشتريها من هنا وتقعد تصرف عليها من هنا علشان انت عايز تخليها فابريكة مش اونو بقى انما لو 128 بتقول كدة حلو قوى عليها دة حتى شكلها زى اى عربية قديمة .............ولا اية

وفى الاخر القرار يرجعلك انت انا لو مكانك مش هابعها الا فى الحالة الى قلتلك عليها دى غير كدة لا طبعا

وبصراحة مشكلة ال128 برضة انها تبقى جديدة بس شبة عربيات السبعينات ولما تقف فى اشارة تبص حواليك تلاقى البونتو والتمبر ام عدادات ديجيتال والراجل قافل الازار ومشغل التكييف وانت معاك عربية احدث منة فى المودسل وماسك الجرنال وعمال تهوى على نفسك من الحر ............مش عارف بقى دى تقريبا عقد نفسية عندى بتطلع فى الاوقات دى

[medo980]

انت جيت على الجرح يا newhansol هو ده الإحساس الى عندى ان انا معايا عربيه موديل 2006 وبسم الله ماشاء الله كأنها لسه جديده من كتر اهتمامى بيها وبصيانتها علطول بس ساعات كده ابقى فعلاً واقف فى اشاره وعربيات قديمه واقفه جنبى موديلات تسعينات وساعات تمانينات وفيها اوبشنز مش عندى او تكيف او باور هو ده الى مخلينى افكر فى الموضوع ده

[danger75]

شوف يا اخى انا زيك بالضبط ومعايا 128 موديل 2006 وجايبها زيرو والحمد لله محافظ عليها وهى كمان ما بتخذلنيش ومن ساعة مجبتها مبصرفش عليها غير الصيانة العادية فقط ........وكنت بفكر زيك كده لكن فى قريب ليا ليه باع طويل فى العربيات قالى نصيحة انى لو هغير لازم اشترى زيرو برضة ومجيش ناحية المستعمل وده لآن اللى 90% من اللى بيبيع عربيتة بتكون طلعت عينة خلاص اما 10% الباقيين مبيعرضوش عربياتهم للبيع وانما بيبيعوها لقريب او جار ..........وفى هذه الحالة هنقعد ندور فى عربيات قرايبنا وحابايبنا بس وده متهيألى بقى نادر جداً.
وبناء عليه .......اعتقد نخلينا فى حبيبتنا 128 لحد ما ربنا يفرجها علينا من عنده .

[maka]

طالما العربية مريحاك و عارف اللى ليها و اللى عليها تغامر ليه و تجيب عربية تانية متفرقش عنها كتيير و مش هتعتبر نقلة