إعـــــــلان

Collapse

.

,
See more
See less

عايز حد يساعدنى لانى تعبت بجد وخايف انى اشترى فيات

Collapse
X
 
  • Filter
  • الوقت
  • Show
Clear All
new posts

  • عايز حد يساعدنى لانى تعبت بجد وخايف انى اشترى فيات

    تصدق انى مقلق لحد دلوقتى اشترى اللينياكل صحابى بيتريقوا عليا انى عايز اشترى فيات منكرش انى نفسى فى البرافو بس سعرها عالى جداااااااااا وانا اخرى 120 او 125 بالكتير ولو حتى قدرت اشترى البرافو اللى ب 136 يبقى اشترى مازدا 3 فول اوبشن جنوط وفتحه سقف و 6 ايرباج ب 134 او الكروز توب لين ب 137 وجنوط وفتحه وفاميه انا محتار وخايف ده كمان بقى غير لما صاحبى الانتيم شاف عدادتها وقالى عدادتها شكلها وحش وبصراحه مقارنه بالبرافو التابلوه بتاع اللينيا ضايع جنب تابلوه البرافو بس انا عاجبنى اللينا لقوه جسمها والاوبشنز اللى فيها اللى بتهيقالى مش موجود الا فى الجيتا مثلا بس الخوف الواحد يشتريها ويجى مثلا لاقدر الله يتزنق ولا يحب يغير كمان 5 سنين يلاقى تمنها مخسوف بيه الارض ده غير انها مانيوال وناس خوفتنى من موتور التربو وقالوا صيانته مقرفه وبيبداء يتعب بعد 3 او 4 سنين فهل دى حقيقه؟؟؟
    حد بجد ينصحنى ده غير التوكيل اللى كل الناس بتلعن سلاسفين اجداده
    انا عديت على رينو وقالوا ان فى عربيه جديده نازله يوم 25 اسمها flunce انا دخلت بصيت عليها على النت شكلها تحفه بس تابلوه مش اوى
    طب اشترى ايه فى ناس يقولوا سيتى وناس يقولوا مازدا 3 بس من غير جنوط ولا فتحه سقف وبيقولوا على الاقل استيب ترونيك مش مانيوال زى اللينيا وناس تقول كروز فاضيه اللى ب 120 وناس تقول سيراتو وانا اصلا كارها وناس يقولوا a4
    انا بجد متنكد لان القرار صعب والمبلغ مش قليل ومش عارف اتخذ قرار حد بجد يكون فاهم ويساعدنى

  • #2
    بس يا باشا

    انا كنت متردد باردو كدة بعد ما اشتريت اللينيا و عملت 40 الف انا مبسوط جدا
    و بعد 4 سنين كل العربيات بتنزل
    المهم تتبسط

    Comment


    • #3
      الوصايا العشر لشراء سياره!!

      في البداية يسأل الراغب في الشراء كل من يمر بهم ويبدأ في جمع فتاوي وآراء ونصائح أقل ما يقال عنها أنها مضللة، وتزيده هذه الفتاوي حيرة وتخبطاً ليدخل في مرحلة الشد العصبي حيث يفاجأ بفتاوي جديدة من نوعية» الحق هات لك عربية علشان أنا سمعت إن العربيات هتغلي الشهر الجديد» ومع ازدياد الضغط العصبي يدخل المشتري في مرحلة التبلد بعد أن يطارده كل من سبق أن طلب رأيهم بتعليق» هو أنت لسه ما جبتش العربية»!! خلال هذه الفترة يكون المشتري قد استمع للوصايا العشر التي يقدمها له الجميع والتي قد يقوده الالتزام بها إلي التراجع عن الفكرة..

      1- قائمة العيوب.. وهي تضم كل العيوب الموجودة في السيارات المتداولة في مصر، الطريف أن هذه العيوب تتنقل عبر الأفواه بنفس تكنيك الشائعات، فالشخص الذي يحدثك عن عيوب السيارات الصينية لم يقد في حياته سيارة صينية واحدة لكنه عرف عيوبها من شخص آخر غالباً هو أيضاً لم يسبق له أن استقل واحدة.

      سيقولون لك إن العربيات الكوري خفيفة ولا تحتمل الحوادث، وسيقولون لك إن السيارات ال 4*4 اتزانها ضعيف علي الطرق السريعة، وسيقولون لك إن السيارات اليابانية قطع غيارها غالية، والألمانية قطع غيارها بتسخن بسرعة، وهناك سيارة تكييفها ضعيف، وهناك سيارة أصحاب توكيلها «حرامية»، وهناك سيارة عيبها أن شنطتها صغيرة، وهناك سيارة عيبها أن «شكلها سيارة حريمي»، وهناك سيارة عيبها أنها «عربية ورق لو خدت خبطة خفيفة هتطبق كلها» وهناك سيارة عيبها «إنها متجمعة في مصر»، وهناك سيارة عيبها إنها «ناشفة شوية»، وهناك سيارة عيبها «إنها بتاكل بنزين ».

      وهكذا تبدأ رحلة البحث عن سيارة بالاستماع إلي جميع أنواع العيوب الموجودة في السوق، ليستقر في يقينك أن كل السيارات التي تمتلئ بها شوارع القاهرة «معيوبة» وأن كل سائقيها في خطر وأن هناك احتمالاً وهو أن تتعرض لعملية نصب إذا فكرت في شراء سيارة جديدة.

      يغيب عن بالك أن حركة شراء كل هذه السيارات المعيوبة لا تتوقف بل في ازدياد وتعتقد أنك أذكي شخص في القاهرة لأنك «لحقت نفسك قبل ما تتدبس في عربية بتاكل بنزين أو تكييفها ضعيف أو قطع غيارها غالية»، ويغيب عن بالك أيضاً أنه لا توجد سيارة كاملة وإلا لتحولت مدينة الحرفيين إلي مدينة مهجورة من زمان!

      2- خد بالك ليضحكوا عليك... يستفزك الناصحون بهذه الجملة لتتحول بعدها إلي مريض بالوسواس القهري يدخل معارض السيارات وبداخله يقين أن أصحاب المعارض مسجلون خطر في مباحث مكافحة جرائم النصب.

      وأهم ما يقصده الناصحون بجملة «خد بالك» هو خد بالك من موديل السيارة الجديدة لأنه توجد موديلات مصنعة للخليج وأخري لمصر، والموديلات الخليجية أرخص سعراً لأسباب يشرفني أن أقول أنني «ما أعرفهاش»، وتمييز الموديل الخليجي من المصري قد يصعب علي المواطن العادي من الوهلة الأولي لكنه «موضوع ما يستخباش»، حيث إن كل سيارة لها ملف مسجل به كل مواصفاتها ويكفي أن تسأل صاحب المعرض وسيقدم لك إجابة يستحيل تزييفها.

      نصيحة التمييز بين الموديل المصري والخليجي أشبه بنصيحة «خد بالك ليبيعوا لك الشقة علي أنها علي الكورنيش وهيا جوه ».

      3- بلاش الألوان الميتاليك... هذه نصيحة من شخص لم يجد ما يقوله لأنه لا يفهم في السيارات لكنه يود أن يظهر وكأنه يفهم في الألوان، فيردد مقولة استمع إليها في طفولته وترسخت في وجدانه وهي أن «الألوان الميتاليك بتحرر، أو أن الدهانات الميتاليك بها مادة «لا يعرف اسمها طبعاً» وهذه المادة تمتص أشعة الشمس بقوة.

      4- بلاش تشتري في أول الصيف... وبلاش تشتري بعد الصيف... وهذه نصيحة للشخص الذي يفكر في شراء سيارة مستعملة، والنصيحة بعدم الشراء قبل الصيف سببها ارتفاع أسعار السيارات في هذه الفترة مع بدء الإجازات ورجوع المصريين من الخليج وارتفاع نسبة السفر للمصايف، هذا الرواج يرفع أسعار السيارات وبناء عليه تستمع إلي نصيحة استني لما الصيف يخلص.

      وتستمع في الوقت نفسه إلي نصيحة مضادة وهي «بلاش تشتري بعد الصيف» والسبب هو ارتفاع نسبة الحوادث في الصيف وأن «أغلب الناس بتتقلب بيهم العربيات وهما راجعين من المصيف» وبعد هذه الحوادث يقوم الناس باصلاح السيارات «أي كلام» وإعادة بيعها، لذلك ينصح بعدم شراء سيارة بعد الصيف لأنها غالباً ما تكون «مخبوطة ومرشوشة»، هذا بخلاف أن شهور الصيف تهلك السيارة!

      وملخص النصيحتين السابقتين نصيحة ثالثة وهي أن أنسب ميعاد لشراء سيارة في مصر هو «ليلة رأس السنة ».

      5- لازم ترفعها في البنزينة... وهي نصيحة بديهية يتم تقديمها لك إذا فكرت في شراء سيارة مستعملة، وسيقدمها لك الجميع بداية من البواب مروراً بزميلك في العمل نهاية بصاحب السيارة التي ستشتريها منه «خدها بنفسك وارفعها في أي بنزينة»، وسيتم رفع السيارة أمامك وأنت تقف كفرس النهر لا تفهم شيئاً، أما الشخص الذي قام برفعها فهو مجرد عامل في محطة البنزين «مش دكتور عربيات يعني» ولن يقدم لك معلومة مفيدة أكثر من أن السيارة سليمة «بس هيا عايزة شوية شغل»، لتعود إلي صاحب السيارة الأصلي وتعيد عليه ما قاله لك العامل دون أن تغير هذه الرحلة «بكل ما فيها من رفع» شيئاً في الصفقة.

      6- ما ترفعهاش في التوكيل... نصيحة إضافية يقدمها لك صاحب النصيحة السابقة وإذا سألته عن السبب سيقول لك بدون تردد« أصل التوكيل حرامية ».

      7- لازم تسوقها... نصيحة يشدد عليها قائلها وينبهك إلي أهمية أن تقود السيارة التي ستشتريها بنفسك لتعرف عنها كل شيء، إذا افترضنا صحة ما يقوله وإن تجربة السيارة ستجعلني أعرف عنها كل شيء فهذا يعني أن السيارة التي أفكر في شرائها لابد أن أظل أجربها لمدة لا تقل عن ستة أشهر «وبرده مش هاعرف عنها كل شيء... إذا كانت الناس بتتخطب بالسنتين والتلاتة علشان يعرفوا بعض... أنا هاعرف العربية كويس لما أجربها نص ساعة ؟!».

      الشيء الوحيد الذي يمكن أن تجربه في النصف ساعة المتاحة أمامك هي أن تجرب «هل بتعرف تسوق ولا لأ ».

      8- أهم حاجة أن الـResale بتاع العربية يكون كويس، والـ Resale هو إعادة بيع السيارة، وينصحك الأصدقاء بأهمية أن تشتري سيارة تستطيع أن تبيعها بعد قليل «علي أساس إنك بتغير عربية كل أسبوعين ».

      ونظرية الـResale الهدف منها أن تحقق أكبر مكسب ممكن عند إعادة بيع سيارتك «يعني تجيب عربية وتستعملها وتحرقها مشاوير وتستمتع بيها ولما تبيعها تكسب كمان» وهي فكرة إن صحت يصح معها إلغاء فكرة نفقة المتعة.

      9- روح سوق الجمعة أو هات الوسيط أو شوف ملحق السيارات بتاع الأهرام... وهي أضعف نصيحة يقدمها لك شخص تخبره بأنك تفكر في شراء سيارة، وهي نصيحة يمكن الرد عليها بجملة واحدة «كانت تايهة عني فين الفكرة دي ؟!».

      10- قائمة ال «بلاش» الثانية... وتضم «بلاش الكابروليه» علشان مش من عاداتنا، و«بلاش الأتوماتيك» علشان بيسخن العربية، و«بلاش المانيوال» علشان البلد بقت زحمة وبنمشي بالبطيء والدبرياش هيدمرلك مفصل الفخد، و«بلاش عربية واطية» علشان أي غطا بلاعة هيدمرلك «كرونة الزيت»، و«بلاش الألوان الفاتحة» علشان بتلم تراب، و«بلاش الألوان الغامقة» علشان الشمس عندنا بتخليها تبهت، و«بلاش تشتري من المعارض» علشان الأقساط عليها فوايد جامدة، و«بلاش تشتري من التوكيل» علشان حرامية، و«بلاش تشتري مستعمل» علشان المستعمل هيتعبك، و«بلاش تشتري زيرو» علشان البلد عندنا ما ينفعش فيها غير المستعمل.

      ملحوظة: بدأت رحلة البحث عن سيارة جديدة في نهاية 2008(فيات لينيا) ، صحيح أنني لم أوفق حتي هذه اللحظة في شراء سيارة لكنني علي الأقل وُفِقَت في كتابة هذا المقال

      Comment


      • #4
        فعلا وفقت وكلام طالع من قلب واحد مفقوعة مرارته من النصايح بتاعة اسال الف من يضلك بدلا من يدلك
        [SIZE=6][SIZE=5][B]الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->[/B][/SIZE] [/SIZE]
        [B][SIZE=6]كن عالما أو متعلما أو محبا للعلم ولاتكن الرابع:3_3_102[1]:[/SIZE][/B]

        Comment


        • #5
          ههههههههههههههههههههههه
          الاخ s.s.e
          بجد دمك زى العسل انا موتت من الضحك لما قرايت ردك بس بجد انا فعلا وصلت لمرحله العصبيه طب انت رايك اشترى ايه
          اللينيا اللى معاك تربو ولا عاده ولو ربنا هدانى اشترى العاده ولا التربو وعلى فكره انا مش بحب الجرى يعنى لو جريت يبقى اخرى من 120 ل 140 وياريت ترد عليا فى حكايه التربو وهل هو ميزه ولا عيب

          Comment


          • #6
            ياااااااااااااااااااااااه دنتا شكلك شايل اوي ف نفسك م الناس.بس انا متفقك معاك ف معظم كلامك .فعلا مفيش عربية كاملة .ربنا يوفقك ف عربية تريحك
            [SIZE=4][COLOR=#0900ff](سبحان الله و بحمده عدد خلقه و مداد كلماته و زنة عرشه و رضا نفسه)[/COLOR][/SIZE]
            [SIGPIC][/SIGPIC]

            Comment


            • #7
              حاول تشوف احتياجاتك و حاول تركز في البحث عنها عن مواضيع و تجارب اصحاب السيارة ولا تلتفت لغير ذلك حتي تكون فكرة شاملة عنها و تاخد قرار
              [SIZE=3][B]م/أسامه ناجي[/B][/SIZE][SIZE=5][B][FONT=Comic Sans MS][COLOR=navy][COLOR=black]
              [/COLOR][/COLOR][/FONT][/B][/SIZE][URL="http://www.nilemotors.net/Nile/175941-a.html"]
              [/URL]

              bluemaneg سابقا

              Comment


              • #8
                المشاركة الأصلية كتبت بواسطة S.S.E مشاهدة المشاركة
                الوصايا العشر لشراء سياره!!

                في البداية يسأل الراغب في الشراء كل من يمر بهم ويبدأ في جمع فتاوي وآراء ونصائح أقل ما يقال عنها أنها مضللة، وتزيده هذه الفتاوي حيرة وتخبطاً ليدخل في مرحلة الشد العصبي حيث يفاجأ بفتاوي جديدة من نوعية» الحق هات لك عربية علشان أنا سمعت إن العربيات هتغلي الشهر الجديد» ومع ازدياد الضغط العصبي يدخل المشتري في مرحلة التبلد بعد أن يطارده كل من سبق أن طلب رأيهم بتعليق» هو أنت لسه ما جبتش العربية»!! خلال هذه الفترة يكون المشتري قد استمع للوصايا العشر التي يقدمها له الجميع والتي قد يقوده الالتزام بها إلي التراجع عن الفكرة..

                1- قائمة العيوب.. وهي تضم كل العيوب الموجودة في السيارات المتداولة في مصر، الطريف أن هذه العيوب تتنقل عبر الأفواه بنفس تكنيك الشائعات، فالشخص الذي يحدثك عن عيوب السيارات الصينية لم يقد في حياته سيارة صينية واحدة لكنه عرف عيوبها من شخص آخر غالباً هو أيضاً لم يسبق له أن استقل واحدة.

                سيقولون لك إن العربيات الكوري خفيفة ولا تحتمل الحوادث، وسيقولون لك إن السيارات ال 4*4 اتزانها ضعيف علي الطرق السريعة، وسيقولون لك إن السيارات اليابانية قطع غيارها غالية، والألمانية قطع غيارها بتسخن بسرعة، وهناك سيارة تكييفها ضعيف، وهناك سيارة أصحاب توكيلها «حرامية»، وهناك سيارة عيبها أن شنطتها صغيرة، وهناك سيارة عيبها أن «شكلها سيارة حريمي»، وهناك سيارة عيبها أنها «عربية ورق لو خدت خبطة خفيفة هتطبق كلها» وهناك سيارة عيبها «إنها متجمعة في مصر»، وهناك سيارة عيبها إنها «ناشفة شوية»، وهناك سيارة عيبها «إنها بتاكل بنزين ».

                وهكذا تبدأ رحلة البحث عن سيارة بالاستماع إلي جميع أنواع العيوب الموجودة في السوق، ليستقر في يقينك أن كل السيارات التي تمتلئ بها شوارع القاهرة «معيوبة» وأن كل سائقيها في خطر وأن هناك احتمالاً وهو أن تتعرض لعملية نصب إذا فكرت في شراء سيارة جديدة.

                يغيب عن بالك أن حركة شراء كل هذه السيارات المعيوبة لا تتوقف بل في ازدياد وتعتقد أنك أذكي شخص في القاهرة لأنك «لحقت نفسك قبل ما تتدبس في عربية بتاكل بنزين أو تكييفها ضعيف أو قطع غيارها غالية»، ويغيب عن بالك أيضاً أنه لا توجد سيارة كاملة وإلا لتحولت مدينة الحرفيين إلي مدينة مهجورة من زمان!

                2- خد بالك ليضحكوا عليك... يستفزك الناصحون بهذه الجملة لتتحول بعدها إلي مريض بالوسواس القهري يدخل معارض السيارات وبداخله يقين أن أصحاب المعارض مسجلون خطر في مباحث مكافحة جرائم النصب.

                وأهم ما يقصده الناصحون بجملة «خد بالك» هو خد بالك من موديل السيارة الجديدة لأنه توجد موديلات مصنعة للخليج وأخري لمصر، والموديلات الخليجية أرخص سعراً لأسباب يشرفني أن أقول أنني «ما أعرفهاش»، وتمييز الموديل الخليجي من المصري قد يصعب علي المواطن العادي من الوهلة الأولي لكنه «موضوع ما يستخباش»، حيث إن كل سيارة لها ملف مسجل به كل مواصفاتها ويكفي أن تسأل صاحب المعرض وسيقدم لك إجابة يستحيل تزييفها.

                نصيحة التمييز بين الموديل المصري والخليجي أشبه بنصيحة «خد بالك ليبيعوا لك الشقة علي أنها علي الكورنيش وهيا جوه ».

                3- بلاش الألوان الميتاليك... هذه نصيحة من شخص لم يجد ما يقوله لأنه لا يفهم في السيارات لكنه يود أن يظهر وكأنه يفهم في الألوان، فيردد مقولة استمع إليها في طفولته وترسخت في وجدانه وهي أن «الألوان الميتاليك بتحرر، أو أن الدهانات الميتاليك بها مادة «لا يعرف اسمها طبعاً» وهذه المادة تمتص أشعة الشمس بقوة.

                4- بلاش تشتري في أول الصيف... وبلاش تشتري بعد الصيف... وهذه نصيحة للشخص الذي يفكر في شراء سيارة مستعملة، والنصيحة بعدم الشراء قبل الصيف سببها ارتفاع أسعار السيارات في هذه الفترة مع بدء الإجازات ورجوع المصريين من الخليج وارتفاع نسبة السفر للمصايف، هذا الرواج يرفع أسعار السيارات وبناء عليه تستمع إلي نصيحة استني لما الصيف يخلص.

                وتستمع في الوقت نفسه إلي نصيحة مضادة وهي «بلاش تشتري بعد الصيف» والسبب هو ارتفاع نسبة الحوادث في الصيف وأن «أغلب الناس بتتقلب بيهم العربيات وهما راجعين من المصيف» وبعد هذه الحوادث يقوم الناس باصلاح السيارات «أي كلام» وإعادة بيعها، لذلك ينصح بعدم شراء سيارة بعد الصيف لأنها غالباً ما تكون «مخبوطة ومرشوشة»، هذا بخلاف أن شهور الصيف تهلك السيارة!

                وملخص النصيحتين السابقتين نصيحة ثالثة وهي أن أنسب ميعاد لشراء سيارة في مصر هو «ليلة رأس السنة ».

                5- لازم ترفعها في البنزينة... وهي نصيحة بديهية يتم تقديمها لك إذا فكرت في شراء سيارة مستعملة، وسيقدمها لك الجميع بداية من البواب مروراً بزميلك في العمل نهاية بصاحب السيارة التي ستشتريها منه «خدها بنفسك وارفعها في أي بنزينة»، وسيتم رفع السيارة أمامك وأنت تقف كفرس النهر لا تفهم شيئاً، أما الشخص الذي قام برفعها فهو مجرد عامل في محطة البنزين «مش دكتور عربيات يعني» ولن يقدم لك معلومة مفيدة أكثر من أن السيارة سليمة «بس هيا عايزة شوية شغل»، لتعود إلي صاحب السيارة الأصلي وتعيد عليه ما قاله لك العامل دون أن تغير هذه الرحلة «بكل ما فيها من رفع» شيئاً في الصفقة.

                6- ما ترفعهاش في التوكيل... نصيحة إضافية يقدمها لك صاحب النصيحة السابقة وإذا سألته عن السبب سيقول لك بدون تردد« أصل التوكيل حرامية ».

                7- لازم تسوقها... نصيحة يشدد عليها قائلها وينبهك إلي أهمية أن تقود السيارة التي ستشتريها بنفسك لتعرف عنها كل شيء، إذا افترضنا صحة ما يقوله وإن تجربة السيارة ستجعلني أعرف عنها كل شيء فهذا يعني أن السيارة التي أفكر في شرائها لابد أن أظل أجربها لمدة لا تقل عن ستة أشهر «وبرده مش هاعرف عنها كل شيء... إذا كانت الناس بتتخطب بالسنتين والتلاتة علشان يعرفوا بعض... أنا هاعرف العربية كويس لما أجربها نص ساعة ؟!».

                الشيء الوحيد الذي يمكن أن تجربه في النصف ساعة المتاحة أمامك هي أن تجرب «هل بتعرف تسوق ولا لأ ».

                8- أهم حاجة أن الـResale بتاع العربية يكون كويس، والـ Resale هو إعادة بيع السيارة، وينصحك الأصدقاء بأهمية أن تشتري سيارة تستطيع أن تبيعها بعد قليل «علي أساس إنك بتغير عربية كل أسبوعين ».

                ونظرية الـResale الهدف منها أن تحقق أكبر مكسب ممكن عند إعادة بيع سيارتك «يعني تجيب عربية وتستعملها وتحرقها مشاوير وتستمتع بيها ولما تبيعها تكسب كمان» وهي فكرة إن صحت يصح معها إلغاء فكرة نفقة المتعة.

                9- روح سوق الجمعة أو هات الوسيط أو شوف ملحق السيارات بتاع الأهرام... وهي أضعف نصيحة يقدمها لك شخص تخبره بأنك تفكر في شراء سيارة، وهي نصيحة يمكن الرد عليها بجملة واحدة «كانت تايهة عني فين الفكرة دي ؟!».

                10- قائمة ال «بلاش» الثانية... وتضم «بلاش الكابروليه» علشان مش من عاداتنا، و«بلاش الأتوماتيك» علشان بيسخن العربية، و«بلاش المانيوال» علشان البلد بقت زحمة وبنمشي بالبطيء والدبرياش هيدمرلك مفصل الفخد، و«بلاش عربية واطية» علشان أي غطا بلاعة هيدمرلك «كرونة الزيت»، و«بلاش الألوان الفاتحة» علشان بتلم تراب، و«بلاش الألوان الغامقة» علشان الشمس عندنا بتخليها تبهت، و«بلاش تشتري من المعارض» علشان الأقساط عليها فوايد جامدة، و«بلاش تشتري من التوكيل» علشان حرامية، و«بلاش تشتري مستعمل» علشان المستعمل هيتعبك، و«بلاش تشتري زيرو» علشان البلد عندنا ما ينفعش فيها غير المستعمل.

                ملحوظة: بدأت رحلة البحث عن سيارة جديدة في نهاية 2008(فيات لينيا) ، صحيح أنني لم أوفق حتي هذه اللحظة في شراء سيارة لكنني علي الأقل وُفِقَت في كتابة هذا المقال
                كلامك صح 100 100
                [SIZE=6][COLOR=deepskyblue]:err:my heart will go on[/COLOR][COLOR=red]:funny34d:[/COLOR][/SIZE]
                [SIZE=6][COLOR=black]د/محمد شاكر[SIGPIC][/SIGPIC][/COLOR][/SIZE]

                Comment


                • #9
                  اخى العزيز، توكل على الله وهات اللينيا ولو قدرت تجيب البرافو يبقى كده تمام التمام.
                  المازدا مش ليها توكيل اصلا فى مصر، هما مستوردين كبار وليهم مركزين خدمة.
                  توكيل الفيات بيتحسن كتير والناس بتوع خدمة ما بعد البيع ممتازين وعندهم زمة وضمير عن تجارب اعضاء معانا.
                  السيتى عربية جميلة وكل حاجة بس اللينيا بتحط على السيفيك، مابالك بالسيتى؟؟؟
                  وفعلا بعد خمس سنين سعر العربيات بينزل، لو ها نفكر فى القاعدة دى يبقى ها نمنع فنسا نركب عربيات محترمة.
                  الرينو فليونس على فكرة ها تكون كورى على ما اتذكر.

                  اخيرا سيبك من كلام الناس وخليك فى التجارب العملية للناس اللى معاها فيات والحمدلله مافيش مشاكل واجهتهم وقطع غيار الفيات دلوقى موجودة فى التوكيل وبرة التوكيل واللى بيقول المواتير التربو بتبوظ يبقى اصلا انا مش اسمع ليه كلمة بعد كده خاااالص.
                  [CENTER]
                  [/CENTER]

                  Comment


                  • #10


                    [caution]
                    ممنوع كتابة اللغة العربية بالإنجليزية
                    ستعامل جميع المشاركات من هذا النوع بالحذف
                    القوانين العامه الواجب اتباعها لجميع الاخوه أعضاء المنتدى
                    مشرف الأوروبى 2
                    [/caution]

                    Comment


                    • #11
                      المشاركة الأصلية كتبت بواسطة damasry مشاهدة المشاركة
                      اخى العزيز، توكل على الله وهات اللينيا ولو قدرت تجيب البرافو يبقى كده تمام التمام.
                      المازدا مش ليها توكيل اصلا فى مصر، هما مستوردين كبار وليهم مركزين خدمة.
                      توكيل الفيات بيتحسن كتير والناس بتوع خدمة ما بعد البيع ممتازين وعندهم زمة وضمير عن تجارب اعضاء معانا.
                      السيتى عربية جميلة وكل حاجة بس اللينيا بتحط على السيفيك، مابالك بالسيتى؟؟؟
                      وفعلا بعد خمس سنين سعر العربيات بينزل، لو ها نفكر فى القاعدة دى يبقى ها نمنع فنسا نركب عربيات محترمة.
                      الرينو فليونس على فكرة ها تكون كورى على ما اتذكر.

                      اخيرا سيبك من كلام الناس وخليك فى التجارب العملية للناس اللى معاها فيات والحمدلله مافيش مشاكل واجهتهم وقطع غيار الفيات دلوقى موجودة فى التوكيل وبرة التوكيل واللى بيقول المواتير التربو بتبوظ يبقى اصلا انا مش اسمع ليه كلمة بعد كده خاااالص.
                      تصحيح معلومه ياغالى
                      توكيل المازدا بقى مع جى بى اوتو .... وكيل هيونداى

                      [caution]
                      اللون الأحمر مخصص للمشاركات الإدارية فقط
                      القوانين العامه الواجب اتباعها لجميع الاخوه أعضاء المنتدى
                      مشرف الأوروبى 2
                      [/caution]
                      [SIGPIC][/SIGPIC]
                      I Love My Car

                      Comment


                      • #12
                        المشاركة الأصلية كتبت بواسطة dr_hassan82 مشاهدة المشاركة
                        تصحيح معلومه ياغالى
                        توكيل المازدا بقى مع جى بى اوتو .... وكيل هيونداى
                        تصحيح للمعلومة يا دكتور، التوكيل مع غبور من بدرى بس راميه فى الدرج ومش بيستخدمه خاااالص، يعنى فعليا ملهاش توكيل فى مصر
                        [CENTER]
                        [/CENTER]

                        Comment


                        • #13
                          المشاركة الأصلية كتبت بواسطة damasry مشاهدة المشاركة
                          تصحيح للمعلومة يا دكتور، التوكيل مع غبور من بدرى بس راميه فى الدرج ومش بيستخدمه خاااالص، يعنى فعليا ملهاش توكيل فى مصر
                          اها ........
                          اصلى قريت من كم يوم
                          ان غبور استعاد توكيل مازدا .. وبيجهز لنشر مراكز الخدمه والمعارض
                          [SIGPIC][/SIGPIC]
                          I Love My Car

                          Comment


                          • #14
                            طب المانيوال والاوتماتيك هل يستاهل انى اضحى باللينيا عشانه والتربو؟؟
                            فينك يا يوكو علشان تفيدنى

                            Comment


                            • #15
                              المشاركة الأصلية كتبت بواسطة bembodeniro مشاهدة المشاركة
                              طب المانيوال والاوتماتيك هل يستاهل انى اضحى باللينيا عشانه والتربو؟؟
                              فينك يا يوكو علشان تفيدنى
                              بص يا تفرق من شخص لشخص واغلبية قيادتك فين، على العموم هى الدربياج بتاعها ناعم اووووى ومش بتحس بيه اصلا ونقلاتها متقاربة من بعض والفتيس زى ما تقول Short Shift.

                              لكن فيه ناس خلاص اتعودت على الاوتو او طرقها ومشوايرها دايما زحمة وعايزة اوتو، لو مش يفرق معاك الحاجات دى هاتها لأنها فعلا تستاهل.

                              طبعا لو قدرت على الاوتوماتيك فى البرافو دى حاجة تانية خالص وفتيس اوتوماتيك 6 نقلات وتقدر تقلبه مانيوال.

                              واحمد يوكو ان شاء الله ها يجى ويقولك على تجربتها مع اللينيا والمانيوال.
                              [CENTER]
                              [/CENTER]

                              Comment

                              Working...
                              X