موتور بولونيز جديد

[hegazy]

جماعة أجيب موتور بلونيز جديد منين؟ زي الي كان بيتباع في شركة النصر لحد السنة الي فاتت.

[hazem_khidr]

نصيحتي لو عاوز الموتور دا لعربيه بولونيز بلاش منه العربيه تقيله و الموتور مش مستحملها الاحسن هات لها موتور 132 1600 2 كامه مثلا استعمال خارج بيبقي كويس علي العربيه اوي او ممكن تجيب موتور تمبرا 1600 برضه حيركب عليها كويس انما الموتور بتاع البولونيز مشاكله كتير و تصميمه قديم اوي
موتور ال132 انا جربته في عربيه بولونيز مره يعني كلامي عن تجربه انما موتور التمبرا نظريا يركب علشان راكب في الشاهين اللي هيا 131 و ال131 كان بيركب عليها موتور ال1600 ال2 كامه اللي بقول عليه
ولو عاوز اداء مالو حل بس علي حساب البنزين هات موتور 132 2000 حيبقي تحفه عليها
بالنسبه للموديلات ممكن تلاقي موديلات لحد 86 من الموتور دا علشان كان بينزل في الارجينتا

[hegazy]

انا سامع ان المرور منع الموضوع دة دلوقت... مش باين بيشترطو دلوقت نفس الموديل؟

[hazem_khidr]

سامع ان المرور منع الموضوع دة دلوقت... مش باين بيشترطو دلوقت نفس الموديل؟

لا ما بيشترطوش الموديل بيشترطو انك تجيب موتور زي اللي في عربيتك يعني عربيتك فيات تجيب لها فيات مش مازدا و لو موتورك بنزين ما تغيروش تويوتا ما تغيرهوش بديزل مرسيدس كده يعني و البولونيز فيات و عموما ممكن اسالك في الموضوع دا بس انا متاكد من اللي بقوله

[namnam80]

ياستاذى العزيز مع احترامى الشديد لحضرتك ازاى يركب موتور التميرا 1600فى البولونيز مع العلم ان موتور التمبرا موتور بلعرض جر امامى . والبولونيز جر خلفى يركبها موتور 132 او اى موتور جر خلفى يكون مناسب للعربية

[hazem_khidr]

مع احترامي لحضرتك.ممكن تقولي ازاي موتور التيمبرا بيركب في الشاهين اللي هيا 131؟؟؟؟
هيا نفس الفكره بالضبط انت بتحط الموتور بالطول عادي جدا بس اللي بيفرق الفتيس ممكن فتيسك يركب او ممكن تغيره ب فتيس شاهين و دا شئ عادي جدا و احضرتك معاك 125 لو ركبت عليها موتور ال 132 حيركب و هو هو موتور ال 131 ال 2 كامه برضه يركب مافيش مشاكل.
يبقي لما نركب موتور تيمبرا علي البولونيز اللي بيركب عليها مواتير ال 132 و ال 131 يبقي مفيش مشكله

[sab3aawy]

1- اللى اعرفه ان مسموح تركب على البولونيز موتور فيات لأنها بتعتبر فيات وفيه ناس كتير جدا مركبين عليها مواتير فيات131 و 132

2- موتور التيمبرا يركب على البولينيز وبدون مشاكل نهائيا، الفكرة النك هاتركبه من غير الجير بوكس بتاعه، هاتكبه على جير بوكس البولينيز، اللى بيحدد اذا كان الموتور ده هيشتغل مع سيارة جر امامى او دفع خلفى هو الفتيس والكورونا وليس الموتور، موتور التيمبرا بالمناسبة هو هو موتور الشاهين ما عدا تفاصيل بسيطة جدا وده بيركب مكان ده بمنتهى البساطة، لكن بيركب فى الشاهين بالطول على جير بوكس الشاهين وبيركب فى التيمبرا بالعرض على جيربوكس التيمبرا

اما لو ناوى تجيب موتور بفتيسه فقدامك حل من 2، تجيب موتور 132 بفتيسه، ويا حبذا لو كان 2000 سى سى، هايحييلك العربية البولينيز جدا، او تجيب موتور تيمبرا وفتيس 131 او 132 وتركبه عليه