اومترا..ياريت كل الناس تقراه

[karmouty918]

السلام عليكم يا ملاك فيات
يا جماعة انا عاوز اتكلم معاكو في موضوع التوكيل.التوكيل من الناحية الفنية كويس جدا و كذلك الاستقبال و التعامل و المهندسين اللي هناك ناس فهمين و زي الفل..
بس المشكلة معايا هي الانتظار او الوقت اللي العربية بتدخل فية الورش..
انا كل زياراتي للتوكيل كانت بحجز و كل مره كنت بقعد مدة لا تقل عن 5 ساعات ايا كان ايه اللي هيتعمل في العربيه..يعني حتى في صيانة ال10000 اللي مافيهاش غير تغير الزيت و تربيط العفشة بيقعدوك 5 ساعات !!
انا في صيانه ال5000 >> 4 ساعات
10000>> 5 ساعات
20000 >>5 ساعات
30000 >>6 ساعات
تغير مكنة ازاز في الضمان >>5 ساعات !!!!!
لدرجة اني اخر مره اخذت معايا واحد صاحبي و سبتلهم العربية و دخلنا سينما في فندق السلام كان فيلم بدل فاقد


انا عملت التوبيك ده لما لقيت عضو هنا في كاتب انه عمل صيانة الاربعين في 7 ساعات و انا كمان هعملها قرييب..
كل الكلام اللي انا قلته ممكن مايبقاش مهم مدام الواحد بياخد خدمه كويسه و ده فعلا اللي بيحصل
انما في حاجه حصلت معايا اخر مره كنت فيها هناك..
كانت لمبه الشيك انجين منوره المهم العربية دخلت الورشه حوال 3.5 ساعة . طلع ان الضفيرة بتاعت حساس الانجكشن على ما اتذكر فيها سلك مقطوع و صلحوه.
العربية انا كنت شايفها من فوق متمش الشغل فيها غير اخر نص ساعة !!(طبيعي دي حتت سلكة مقطوعه)..انما المفاجئة ان جاتلي الفتورة محسبني على 3.5 ساعة شغل!!!!
طيب انا مالي انا ان هما رميين العربية في الورشة اتحاسب انا على ده لييييه !!!
قلت كدة للراجل بتاع الحسابات قالي هقول للمهندس ..يوميها انا كنت مفرهت اساسا مالحر و كان معايا واحد صاحبي ساحلوو معايا و كنت مستعجل فمكنش فيه وقت للخناق..و يارتني كنت اتخنقت.
الني لمما رجعت البيت و فكرت لقيت انهم بعملوا كدة في كل الصيانات.يعني مالاخر انا متقلب من التوكيل دة لحد دلوقتي في بتاع 600 جنية و كذلك كل ملاك فيات !!
مش عارف يا جماعة اعمل ايه؟؟؟؟؟

[karmouty918]

فين الردود يا جماعة؟ هو الموضوع مش مهم ولا ايه !!

[aymoz]

معلش على الرد المتأخر بس حضرتك عارف احنا اكترنا طلبة والامتحانات مبترحمش

المهم أنا شايف إن اللي المفروض نتكلم فيه مش الصيانات الدورية لأن المفروض ليها وقت معيَّن انما المهم الصيانة التانية اللي بتندفع فيها فلوس على حسب الوقت و بصراحة هما بيستهبلوا جدا في الموضوع ده أنا عربيتي كانت فيها حاجة هتتعمل ربع الضمان و خلصوها و فضلت واقفة جوه أكتر من ساعتين مستني جهاز الزوايا يفضى و كل ده وقت محسوب عالفاضي .

بس بصراحة كل التوكيلات كده و موضوع ال5 ساعات ده مش كتير خالص حضرتك أكيد ماتعاملتش مع شفروليت أو هونداي

[yoko]

هما فعلا بيخدوا وقت طويل جدا بس يشفعلهم إنهم شغلهم كويس وكلمنا الإدارة في الموضوع ده ووعدونا لما فرع العباسيه يفتح الزحمة هتخف والموضوع ده هيتظبط

[Ralliart]

هما ازاي بيحسبو بالوقت؟؟
انا في ميتسوبيشي بيحاسبوني عالمصنعيه بتاعت الاجزاء اللي اتغيرت مش بيحاسبو قعدت كام ساعه والفاتوره بتيجي مفصله باسعار الاجزاء اللي اتغيرت واسعار مصنعيه تغييرها والضرايب فقط
انما اللي بيتعمل في اوماترا دا هبل

[yoko]

على فكره هما كده برده بس مشكلتهم مزودين المصنعيه شويه يعني بيقولك الحاجة الي بتاخد ساعة هتاخد ساعة ونص وكل ساعة بمبلغ معين وكل التوكيلات بتعمل كده بس مبتقولش بس لو هما كانوا حاسبين بتاخد ساعة وخدت أكتر بيحاسبوا على الساعة

[karmouty918]

على فكره هما كده برده بس مشكلتهم مزودين المصنعيه شويه يعني بيقولك الحاجة الي بتاخد ساعة هتاخد ساعة ونص وكل ساعة بمبلغ معين وكل التوكيلات بتعمل كده بس مبتقولش بس لو هما كانوا حاسبين بتاخد ساعة وخدت أكتر بيحاسبوا على الساعة

يا باشا ما هو لو كدة يبقي مفيش مشكلة..يعني يبقي معناها ان واوماترا غالي (انه بيدي الحاجة اكتر من وقتها)
انما اللي بيحصل انو بيحسبك عالوقت اللي العربية واقفة فيه فالورشة مستنية دورها على انه وقت مصنعيه !!
زي ما حصل معايا في حوار الضفيرة.
انا شايف ان دي سرقة علني .انا فاهم ان الضغط عليهم كبير و الناس اللي بتيجي اكتر من الطاقة الاستيعابية للمكان,انما دي مشكلتهم ,يحللوا المشكلة مش يسرقوا الناس .

[yoko]

يا باشا ما هو لو كدة يبقي مفيش مشكلة..يعني يبقي معناها ان واوماترا غالي (انه بيدي الحاجة اكتر من وقتها)
انما اللي بيحصل انو بيحسبك عالوقت اللي العربية واقفة فيه فالورشة مستنية دورها على انه وقت مصنعيه !!
زي ما حصل معايا في حوار الضفيرة.
انا شايف ان دي سرقة علني .انا فاهم ان الضغط عليهم كبير و الناس اللي بتيجي اكتر من الطاقة الاستيعابية للمكان,انما دي مشكلتهم ,يحللوا المشكلة مش يسرقوا الناس .

انا لما عملت الحادثة باتت عندهم ٤ أيام ومدفعتش مصنعيه غير ٥ ساعات ونص وعلى العموم هعرفلك هما بيحسبوها إزاي وهبلغك بس بكره أجازه

[damasry]

هما استغلوا موضوع الاجازة وكانوا بيعملوا شوية تجديدات فى الواجهة النهاردة وبكرة

[yoko]

هما استغلوا موضوع الاجازة وكانوا بيعملوا شوية تجديدات فى الواجهة النهاردة وبكرة

فعلا رحت النهارده لقيتهم بيجددو

[karmouty918]

اة و نسيت اقول انهم بيحسبوا علي كسر الساعة بي ساعة كاملة

[yoko]

هسأل وهرد على حضرتك

[msy123]

طريقة الحساب

اعتقد ان الحساب مش على اساس الوقت المتواجدة فية السيارة داخل مركز الصيانة ولكن عن طريق تقييم الاعمال المحددة فى امر الشغل بالنقاط و يتم الجمع النقاط و الضرب فى سعر النقطة اعتقد ان النظام ده هو اللى مستخدم فى كل مراكز خدمة السيارت