انا اتعقدت

[owen_7alim]

انا لسه جديد في السواقة ومش بقالي كتير بمشي لوحدي بالعربية ال127 اول امبارح العربية حكت في اكصدام عربية 125 وروقت عربيتي من الجنب قلت مش مهم امبارح البنزين خلص لوحده مع ان المؤشر كان بيقول لسه فيه حوالي 2 او 3 لتر وفي نص الطريق والفردة اليمين نامت في نفس الوقت غيرتها في الشارع ورحت جبت بنزين
النهاردة فجأة وانا باخد ملف ارتبكت لان ميكروباص عدي بسرعة جنبي ودخلت في رصيف عالي وكنت واخده بسرعة العربية اتروقت من ادام سبتها ميكانيكي معرفة قاللي دي عايزة حدادة وسمكرة وشوية ميكانيكا سبته والله وانا مخنوق جدا جدا وقلت مش ابيعها وارجع للتاكسيات احسن بدل البهدلة دي

[yoko]

عادي وإنت بس حاول تهدي أعصابك لإن واضح إن كل خبطاتك إرتباك مش أكتر ونصيحة متعتمدش على مؤشر البنزين قوي يعني أول ما يوصل للربع فول والكاوتش يا ريت يكون تيوبلس
وأهم حاجة تاني هدي أعصابك وسوق براحة لحد ما تتمكن من العربيه

[amro1965]

انت بتفكرنى بنفسى فى بدايه سواقتى
لكنى عايزك تهدى وانت ماشى وخلى مسافه بينك وبين اللى قدام كبيرة علشان لو اتفاجئت تقدر تلم نفسك
واللى حصل لسيارتك كان بيحصل معايا وكويس انك ببتتعلم فى سيارة صغيرة حتى تتمكن من القيادة هتحافظ على السيارة القادمه باذن الله
ونصحيه اخويه عندما تبدا فى القياده بمهارة ولا تغتر بسحب السيارة حتى لا تقع فى المحظور مثلى والنتيجه حادثه لكن الله سلم وبدأت ارجع لاسلوب القياده العقلانى
واجعل اى شىء يحصل لك قضاء الله وقدرة ولا نجعل كل شىء تشاؤم

[owen_7alim]

عادي وإنت بس حاول تهدي أعصابك لإن واضح إن كل خبطاتك إرتباك مش أكتر ونصيحة متعتمدش على مؤشر البنزين قوي يعني أول ما يوصل للربع فول والكاوتش يا ريت يكون تيوبلس
وأهم حاجة تاني هدي أعصابك وسوق براحة لحد ما تتمكن من العربيه

انا شكلي فعلا هاحاول امون العربية علي طول وعلي فكرة انا جايبه تيوبلس والله
عامة انا فعلا لما تخلص تصليحات هاهدي نفسي خالص وكمان ابعد عن الزحمة لغاية مااظبط اموري في السواقة

[owen_7alim]

انت بتفكرنى بنفسى فى بدايه سواقتى
لكنى عايزك تهدى وانت ماشى وخلى مسافه بينك وبين اللى قدام كبيرة علشان لو اتفاجئت تقدر تلم نفسك
واللى حصل لسيارتك كان بيحصل معايا وكويس انك ببتتعلم فى سيارة صغيرة حتى تتمكن من القيادة هتحافظ على السيارة القادمه باذن الله
ونصحيه اخويه عندما تبدا فى القياده بمهارة ولا تغتر بسحب السيارة حتى لا تقع فى المحظور مثلى والنتيجه حادثه لكن الله سلم وبدأت ارجع لاسلوب القياده العقلانى
واجعل اى شىء يحصل لك قضاء الله وقدرة ولا نجعل كل شىء تشاؤم

حاضر انا فعلا شكلي ناوي احاول اظبط اموري علي اد مااقدر وابعد عن الزحمة واحاول مالغبطش الدنيا وانا بسوق بس تتصلح بس لان كانت الخبطة شديدة شوية

[SunSet]

طيب ممكن اسأل جبت العربية بكام وموديلها ايه و حالتها كانت ايه وعملت التسجيل والبيع والشراء ازايي؟

[NoRmAl]

مش مشكله
أنت لسه بتتعلم و دا بيحصل لكل الناس
ولا يهمك لأن كمان السواقه فى مصر عايزه جهابزه علشان دى حرب مش سواقه
أهم حاجه تهدى أعصابك خالص وملكش دعوه بحد
الى يزمر يزمر والى يشتم يشتم :)
وماشى بطىء ليه..خش شويه..عجله قدام
ملكش فيه وركز فى السواقه و بس
وكلها شهر ونلاقيك بتقولنا أنا مش عارف ليه الدركسيون بيرعش وأنا باخد غرزه على 120

[yoko]

مش مشكله
أنت لسه بتتعلم و دا بيحصل لكل الناس
ولا يهمك لأن كمان السواقه فى مصر عايزه جهابزه علشان دى حرب مش سواقه
أهم حاجه تهدى أعصابك خالص وملكش دعوه بحد
الى يزمر يزمر والى يشتم يشتم :)
وماشى بطىء ليه..خش شويه..عجله قدام
ملكش فيه وركز فى السواقه و بس
وكلها شهر ونلاقيك بتقولنا أنا مش عارف ليه الدركسيون بيرعش وأنا باخد غرزه على 120

+١
ميه وعشرين إيه العربيه تجيب أكتر من كده (بتكلم جد)
إسأل مجرب وخليك هادي ومع نفسك لحد ما تتمكن من العربيه وصدقني كل يوم هتسوق فيه هتحس إنك بقيت أحسن
أنا لحد دلوقتي (بقالي ٧ سنين) بسوق وكل يوم أحس إن تحكمي في العربيه بقى أحسن من اليوم الي قابله

[owen_7alim]

طيب ممكن اسأل جبت العربية بكام وموديلها ايه و حالتها كانت ايه وعملت التسجيل والبيع والشراء ازايي؟

انا كنت جايب العربية ب9 ونص
نوعها نصر 127 موديل 82 واحد باب بس حالتها كانت عروسة شبه بحالة المصنع بس صاحبتها كانت مستعجلة علشان مسافرة هوا تمنها في العادي ب11 الف او 10 ونص
هي عملتلي توكيل بيع سيارة وانا رحت وخلصت نقل الملكية بتاعتها انا

[owen_7alim]

مش مشكله
أنت لسه بتتعلم و دا بيحصل لكل الناس
ولا يهمك لأن كمان السواقه فى مصر عايزه جهابزه علشان دى حرب مش سواقه
أهم حاجه تهدى أعصابك خالص وملكش دعوه بحد
الى يزمر يزمر والى يشتم يشتم :)
وماشى بطىء ليه..خش شويه..عجله قدام
ملكش فيه وركز فى السواقه و بس
وكلها شهر ونلاقيك بتقولنا أنا مش عارف ليه الدركسيون بيرعش وأنا باخد غرزه على 120 :c_laugh[1]:

ههههههههههههه
شكرا ليك انت بتحمسني والله بس انا اللي بيعلمني بيقعد يتخانق معايا دايما والله اني بمشي ببطئ
مع اني ببقي عايز اخد علي السرعة دي واتمكن من العربية وبعد كده بزود لكن هوا بيقولي انت كده هاتبقي عامل زي العواجيز ومش هاتتعود ابدا علي سرعة اعلي

[owen_7alim]

+١
ميه وعشرين إيه العربيه تجيب أكتر من كده (بتكلم جد)
إسأل مجرب وخليك هادي ومع نفسك لحد ما تتمكن من العربيه وصدقني كل يوم هتسوق فيه هتحس إنك بقيت أحسن
أنا لحد دلوقتي (بقالي ٧ سنين) بسوق وكل يوم أحس إن تحكمي في العربيه بقى أحسن من اليوم الي قابله

لما تتصلح وانا هاسوقها ببطئ وهداوة علي اد مااقدر والله لغاية مااتحكم فيها

[Bonanza]

عادي ولا يهمك فداك.. الكلام ده كلة عادي جدا و بيحصل مع كل الناس

انا لما ابتديت سواقة كنت زيك تمام مرتبك و قلقان والكلام ده و كانت العربية كبيرة عليا في التحكم فيها في الاول ( تمبرا )

بس انا لما ابتديت اسوق اتعلمت في مدرسة سواقة لمده 12 حصة و طبعا ده اي كلام

بعد كده اشتريت العربية و اتعلمت عليها في مكان فاضي ( مساكن الرماية في الهرم ) و طبعا كان في حد دايما جنبي بيعرف يسوق

بعد كده ابتديت اخدها لوحدي و الف بيها ساعتين تلاتة كل يوم في نفس المكان الفاضي و اخد ملفات و مطبات عشان اتعود عليها.لحد ما لقيت نفسي ابتديت اتمكن منها و اعرف اتحكم فيها وبعد كده نزلت شوارع رئيسية

لما نزلت شارع الهرم و فيصل و ما ادراك ما شارع فيصل ( ده محتاج رخصة سواقة لوحده ) كان جنبي بردو حد بيعرف يسوق عشان المواقف الحرجة لحد ما الرهبة بتاعت المشي وسط الزحمة راحت و بعد كدخ خلاص

عاوز اقولك بقي القصة دي كلها اخدت مني بالكتير اسبوعين و بقيت الحمد لله تمام في السواقة

كل الموضوع عاوز قلب جامد بس و تعرف امكانياتك و امكانيات عربيتك و تتعود عليها كويس و اهم حاجة بالنسبة للمبتدئين بقي انك تسيبك من اللي بيزمر و بيرعشلك نور و بيزعق و ده كلة اقفل زجاج العربية عليك عشان تعرف تركز مع السواقة بس ( مع اني افضل ماتعملش كده عشان تسمع لو في حاجة في العربية او لو حد جاي من جنبك مثلا ) المهم انك تركز في السواقة و الطريق و بس مالكش دعوة بحد جنبك

و اوصيق بالاشارات الضوئية لازم تستخدمها في اي ملف او لو حتي هاتنقل من حارة للتانية

ربنا يستر طريقك و طريقنا

[alhourriah]

انت لو ما خبطتش مش حتتعلم ... المهم سلامتك وسلامة الآخرين وطز بالحديد..

[Usama Nagi]

شد حيلك هي السواقة في اولها كده
اهم حاجة التركيز علي الطريق متخليش اي حاجة تشتت ذهنك افتكر انك سايق + هدوء الأعصاب و عدم الأستجابة للغير اللي يضرب كلاكس و اللي يشتم مع نفسه

[asaeed]

معلش أنا عايز أسأل سؤال وإجابته عند أخواني محترفين الـ 127
عايز اعرف آخر سرعة للغيارات للعربية الـ 127
بمعنى آخر
الغيار الأولاني بيجيب كام والثاني آخره كام والثالث آخره كام وهكذا وأقصى سرعة للعربية ممكن تبقى كام
وهل ينفع يركب موتور آخر مثل لانيشيا على الـ 127
وهي هناك فرق بين النصر والفيورا والسوبر فيورا في عزم العربية والجري؟

وجزاكم الله خيراً وآسف على الإطالة