فيات لينيا اتوماتيك ب 135000 ؟؟؟؟؟؟؟

[SeiffoZ]

إنت مش ملاحظ حاجة يا سيف إن اللينيا نفس شاسيه الجراند لكن تم زياده طوله أكتر من ١٠ سم عشان كده دخلت في فئة حجميه أكبر منها اللينيا أرفع من السيراتو ٢ سم وأطول ١ سم (يبقى إزاي فئة مختلفة)

أيوة يا أبو يوكو ... مقلتش حاجة .. إنتى عارفين أنا فياتاوى و إيطالى متعصب جدا جدا!!

لكن فى موضوع اللينيا ماينفعش نقارنها بالعربيات التانية دى ... يا راجل دول حتى يقولو علينا الفيات سعرها رخيص عشان وحشة ....

اللينيا زى الجراند بونتو ... نفس نظام التعليق ... نفس الخامات ... نقس كل حاجة .. مافيش مبرر لزيادة السعر ... زى الكورودبا ... الكورودبا واسعة و شبيهة باللينيا ...

البرافو تتتقارن طبعا ... لأنها فئتهم ... بس مافيش سيدان

و الكوروما هى إللى تنطح فى الجيتا و الأوكتافيا و الفوكس و الفيكترا ... بس مش موجودة فى مصر ... و لسه مانزلش سيدان ...

طبعا اللينيا أفضل من الياريس و السيتى و الكورودبا ... و أقواهم .. و أأمنهم !!

حيا اللينيا وو تحيا الفيات ...

يا ريت أكون وضحتلكم وجهة نظرى ...

و إللى أنا قولته ده مش تقليل من فيات .. بالعكس ... ده كده بوريهم إن فيات جامدة و بتعمل حاجات شديدة بأسعار منافسة و فى نفس الوقت برسيتيج و تعتبر مش رخيصة بالنسبة لفئتها

[CryptonX]

اللينيا هي مبنية جراند بونتو فعلا و ده الي بيخلي ناس كتير تفتكر انها في الفئ دي بتاعة البولو و الياريس ..

ولكن زي ما Yoko قال , السيارة تم استطالها مش مجرد اضافة شنطة وخلاص زي اكوردوبا مثلا و الابيزا او الياريس الهاتشباك و السيدان .

و الاستطالة دي زودت مساحة الشنطة و المساحة الخلفية للركاب .

فبالتالي دخلت مع فئة السيارات الاكبر , لو اني ساعات بحسها " اضيق " انما هي فعلا في فئة الاسنر و السيراتو و خلافه .

طبعا الباسات و السوناتا ملهومش علاقة مش علشان هما سيارات اغلى , بس هما اصلا في فئة " حجمية " اكبر .


الفكرة من اللينيا انها تكون سيارة عائلية سيدان للبلاد التي تفضل السيدان , يعني بدل البرافو ولكن لمحبي السيدان و هي تبدل سيارة " فيات ماريا " من فيات .

طبعا موضوع الاوتو ده هو " العيب " الوحيد علي السيارة خصوصا انها مصممة لبلاد بتحب الاوتو بعكس ايطاليا و الدول الاوروبية .

بس معتقدش انها حتفضل كدة يعني .. البرافو فضلت سنة و نصف او سنتين كاملتين بدون اوتو .. و نزل في الاخر .

فربنا يسهل :)

[damasry]

اللينيا فعلا نزلت فى الهند اوتو مع الموتور التربو وبيولد ١١٠ حصان وعزم ٢٠٠
والتوكيل ممكن يجيب العربية من الهند بس المشكلة ان العربيات هناك الدركسيون يمين، لكن تركيا ها تبتدى تجمع العربية الاوتو فى شهر اكتوبر والتوكيل ها ينزلها ان شاء الله على شهر نوفمبر.

[mazennet2010]

من الأخر عشان الكلام ومحدش يقول إني بفتي

أبعاد اللينيا
wheelbase 2603 mm
length 4560 mm
width 1730 mm
height 1494 mm

الياريس
overall length (mm)4300
overall width (mm) 1690
overall height (mm) 1460
wheelbase (mm) 2550

الكورولا
length (mm) 4540
width (mm) 1760
height (mm) 1470

الكلام ده مبعدوش كلام
بس ياريت تقروا كلامى الاول المازدا 3 & اللينيا

[mazennet2010]

فيات لينيا تتقارن بالسوناتا و (((( البـــاســـــات ))))....!!!!!!!!!!! لا تعليق

مفيش لينيا أوتوماتيك في مصر........

للاسف انا معنديش اي فكرة عن المزدا (مركبتهاش قبل كدة) و دي اهم حاجة الواحد يبني عليها رأيه في العربية..بس انصح حضرتك تنزل تركب الاتنين. و ياريت لو تسقهم.دة غير طبعا حوارات قطع الغيار و فرق السعر و ....*التوكيل....*

[Sharky]

حسب معلوماتى

اللينيا تندرج مع فئة الياريس و الكوردوبا و الهوندا سيتى و الكيا ريو و النيو أكسنت و السيمبول (الكليو السيدان) و ال206 سيدان و ممكن تكون اعلى هذه الفئة لكنها لم تصل الى فئة البرافو

و الجراند بونتو تندرج مع البولو و الإيبيزا و الفابيا و 207 و الكليو

و البرافو هى اللى بندرج مع فئة الميجان و الفوكس و 307 و اللليون و الجولف و الأسترا

[CryptonX]

حسب معلوماتى
اللينيا تندرج

اللينيا لا تندرج يا استاذ احمد :)

السيارات الاخرى هي التي تندرج مع اللينيا !



حلوة الحتة دي ؟

---

اللينيا " اسميا " تندرج مع الياريس . ولكنها " طوليا و قياسيا و حجميا " و حتى سعريا .. تندرج مع الفئة الاكبر .

[yoko]

أيوة يا أبو يوكو ... مقلتش حاجة .. إنتى عارفين أنا فياتاوى و إيطالى متعصب جدا جدا!!

لكن فى موضوع اللينيا ماينفعش نقارنها بالعربيات التانية دى ... يا راجل دول حتى يقولو علينا الفيات سعرها رخيص عشان وحشة ....

اللينيا زى الجراند بونتو ... نفس نظام التعليق ... نفس الخامات ... نقس كل حاجة .. مافيش مبرر لزيادة السعر ... زى الكورودبا ... الكورودبا واسعة و شبيهة باللينيا ...

البرافو تتتقارن طبعا ... لأنها فئتهم ... بس مافيش سيدان

و الكوروما هى إللى تنطح فى الجيتا و الأوكتافيا و الفوكس و الفيكترا ... بس مش موجودة فى مصر ... و لسه مانزلش سيدان ...

طبعا اللينيا أفضل من الياريس و السيتى و الكورودبا ... و أقواهم .. و أأمنهم !!

حيا اللينيا وو تحيا الفيات ...

يا ريت أكون وضحتلكم وجهة نظرى ...

و إللى أنا قولته ده مش تقليل من فيات .. بالعكس ... ده كده بوريهم إن فيات جامدة و بتعمل حاجات شديدة بأسعار منافسة و فى نفس الوقت برسيتيج و تعتبر مش رخيصة بالنسبة لفئتها

اللينيا هي مبنية جراند بونتو فعلا و ده الي بيخلي ناس كتير تفتكر انها في الفئ دي بتاعة البولو و الياريس ..

ولكن زي ما Yoko قال , السيارة تم استطالها مش مجرد اضافة شنطة وخلاص زي اكوردوبا مثلا و الابيزا او الياريس الهاتشباك و السيدان .

و الاستطالة دي زودت مساحة الشنطة و المساحة الخلفية للركاب .

فبالتالي دخلت مع فئة السيارات الاكبر , لو اني ساعات بحسها " اضيق " انما هي فعلا في فئة الاسنر و السيراتو و خلافه .

طبعا الباسات و السوناتا ملهومش علاقة مش علشان هما سيارات اغلى , بس هما اصلا في فئة " حجمية " اكبر .


الفكرة من اللينيا انها تكون سيارة عائلية سيدان للبلاد التي تفضل السيدان , يعني بدل البرافو ولكن لمحبي السيدان و هي تبدل سيارة " فيات ماريا " من فيات .

طبعا موضوع الاوتو ده هو " العيب " الوحيد علي السيارة خصوصا انها مصممة لبلاد بتحب الاوتو بعكس ايطاليا و الدول الاوروبية .

بس معتقدش انها حتفضل كدة يعني .. البرافو فضلت سنة و نصف او سنتين كاملتين بدون اوتو .. و نزل في الاخر .

فربنا يسهل :)

أعتقد كريبتون وضح الفكرة إننا بنقارن بالفئة الحجميه وشوفت كذا موقع مقارنها بالكورولا (عشان الفئة الحجميه) وناس تانيا بتقول ﻷ دي فئة السيتي
فهيا في الحجم كورولا في السعر والخامات (أقصد الفخامه) مع الياريس والسيتي أما من الكماليات أعتقد طنتح في الفانتازيا (الإتنين فيهم بلوتوث)-إوعوا تصدقوا حته الفانتازيا للأقي الناس بتضربني-

[SeiffoZ]

ياما نفسى ينزلو الكروما سيدان فى مصر ! ... أصلا مافيهاش سيدان لحد دلوقتى برا

[yoko]

أكيد مش هينزلوها مخصوص لمصر
وياريت تيجي المقابلة

[SeiffoZ]

أكيد مش هينزلوها مخصوص لمصر :u_thin1[1]:
وياريت تيجي المقابلة

هى إمتى بالضبط يا يوكو ؟؟؟

[yoko]

يا ٥ يا ١٢ وهتبقى فيات وهيونداي مع بعض

[sandras]

الاعضاء الافاضل شكرا لمشاركتكم المفيده جدا انا اول مره اشارك فيما يخص اللينا وان على وشك انى اقتنع بيها بسبب مشاركتكم حتى وان اختلفت الاراء وانما الود باقى
احب اشارككم بانى قمت بالاتصال اليوم بتوكيل اوماترا علشات اسأل عن موديل 2010
وكانت المفاجأه ان المسؤل افاد بأن 2010 هتنزل فى شهر فبراير وقبل متكمل الفرحه قالى او مارس وقطم معايا الكلام على كده ومدنيش اى فرصه للاستفسار عن اى شى اخر وكأنه بيقول فوت علينا بكره يا سيد!!!!!!ولا كأنه توكيل يهمه التسويق وخاصه انهم زيروووو فى التسويق
اغرب ما فى الموضوع ان اسوء توكيل ايا كان وضعه بيتنافس انه يجيب 2010 قبل السنه يعنى فى 2009 حت لو الفرق ايام علشان يكسب ارضيه وموديلات كتير من شهر يوليو بتبدا تسوق للعام الجديد ودول يا ساده يا افاضل كأنهم مش عاوزين يبيعوا او مستكفين ولا ايه انا مش فاهم
هل منطقى سياره بالجمال ده تنزل 2010 فى شهر مارس ويا عالم (افلح ان صدق )
قلت اشوف الجرايد والاعلانات ..............لاشى
طيب مجلات السيارات ................... واللهى ولا شى
طيب الموزعون والمعارض الكبرى ........قالولى ههههههه دى تقيله قوى اخاف اركن فلوس فيها
طيب ايه الحل فى التوكيل النايم ده يعنى انا لو عاوز اشوف العربيه زيرو واطمن ليها قبل الشراء التوكيل الكتيان ده هيخلينى اغير رأى ولا ايه
والخوف كمان لو نفس الشى فى خدمه ما بعد البيع
اسف يبقى ...............اللبن من وش القرد
افادونا يا مالكى السياره ويا خبراء المنتدى ..........................اكلم مين
واسف على التطويل بس ده من غيظى من مكالمه التوكيل المتأثر جدا ببروده الطقس.... وشكرا

[yoko]

هما فعلا بتوع المبيعات نايميين ومش قد كده ونصيحة روح المعرض على طول لإن بتوع التليفون ميعرفوش حاجة وخدمه بعد البيع محترمين جدا جدا فوق ما تتصور (لحد الأن)
ولو عندك أي سؤال أنا تحت أمرك وإن شاء الله نقدر نعدل مستوى المبيعات في التوكيل

[sandras]

شكرا يوكو على مداخلتك
ياريت لو تعرفنا استهلاك السيارة اللينيا فى الطرق الطوالى ادايه وفى وسط المدينه كمان اد ايه فى الصفيحه لانى اغلب شغلى داخلى ولو تعرف اى معارض عارضه السياره ياريت تفيدنا بالعنوان ا التليفون
ولو فى اى مشاكل او ملاحظات على السياره برجاء مشاركتنا بيها ولك جزيل الشكر