تحديد معاد المقابله

[yoko]

كل واحد يدخل يختار مكان ومعاد ويا ريت يقول فين في المنطقة الي إختارها

الأماكن:

الدقى
مدينة نصر
العين السخنة
الرحاب
المعادي

التواريخ:
٥\٢
١٢\٢

[fouady]

إنت حاطتهم على بعد يا يوكو التواريخ وال أماكن أنا برشح لو هاجي هيبقى المعادي علشان ساكن فيها هههههه أو الرحاب أو مدينة نصر

[yoko]

أيوه ومفيش يوم ١٩ عشان مقابلة إسكندريه
وحط رأيك في الإستطلاع

[MNBahr]

هي دي ل فيات بس؟؟

[yoko]

الدعوة عامة (هي تبع فيات بس الي يحب يجي يتفضل)

[yoko]

الناس راحت فين

[Ahmad Shawky]

معاك هنتقابل امتتتتتتتتتتتتتتتتتته

[yoko]

دلوقتي المكان يا الرحاب يا مدينه نصر بفرق صوت والمعاد الناس منقسمة ٢
فين بقيت الأعضاء

[Ahmad Shawky]

مدينة نصر ان شاء الله افضل مكان ويريت يكون يوم جمعه

[yoko]

هو أكيد جمعة بس ٥ ولا ١٢
ودلوقتي الرحاب أكتر من مدينه نصر بواحد وميزة الرحاب إن هيبقى فيه مكان نركن فيه العربيات بعكس مدينه نصر

[Ralliart]

انا معرفش اروح الرحاب
آخري مدينة نصر
والمعاد مش هتفرق معايا وحسب الظروف
ويا ريت يا استاذ احمد شوقي تيجي المقابله عشان عايزين نشوف الجراند بونتو

[Ralliart]

بس انت كاتب الدقي ليه؟؟؟ هي فيها حته تتراح ؟ اساساً !

[yoko]

انا معرفش اروح الرحاب
آخري مدينة نصر :e_braces[1]:
والمعاد مش هتفرق معايا وحسب الظروف
ويا ريت يا استاذ احمد شوقي تيجي المقابله عشان عايزين نشوف الجراند بونتو :oc_sun1[1]:

وأنا كمان مرحتش الرحاب غير مره (بس بحب التغيير عشان كده قلت الرحاب)
والمعاد زي ما الأغلبيه تقول وأنا كمان متفرقش معايا

بس انت كاتب الدقي ليه؟؟؟ هي فيها حته تتراح ؟ اساساً !

معرفش بس كان فيه مقابله للمنتدى قبل كده في الدقي وأهو إقتراح وإن كان خارج المنافسه

[damasry]

الرحاب ها تبقى افضل كتيييير، واسعة وفاضية وفيه باركنج كتير واماكن حلوة، وهى اصلا قريبة من مدينة نصر، عشر دقايق بالكتير.

[yoko]

الرحاب ها تبقى افضل كتيييير، واسعة وفاضية وفيه باركنج كتير واماكن حلوة، وهى اصلا قريبة من مدينة نصر، عشر دقايق بالكتير.

ما على شان كده لو الرحاب قد مدينه نصر هستخدم حقي الديكتاتوري وأخليها الرحاب