الجراند بونتو مقارنتها بنيواكسنت

[hemaah48]

اخوانى الاعزاء انتم طبعا عارفين ان انا كان معايا نيواكسنت 2007 وكانت عربيه زى الفل بس المشكله ان الكورى كله خفيف على الارض المهم لو عملنا مقارنه فى الفوارق بين العربيتن انتم طبعا عارفين ان النيواكسنت ادخلت تعديلات على 2010 منها مثلا المريات الكهربا تغير فى شكل الفوانيس الاماميه والخلفيه والشبكه الاماميه مع عتب سبور وهذه الفئه ب 80400 مانيوال اما الشكل القديم ب74900 وهى عربيه فى رأى الشخصى احسن من الافيو بكتير تعالوا نلقى نظره على الجراند بونتو انا هنا عكتب اللى مش موجود فى النيواكسنت بدايه جنوط سبورabs+abd+ air bags+mult function الخخخخخخخخخخخخخخخخخخخخخخ
هذا مع فرق الجوده فى الخامات وهنا الجراند ب 89000 ايطالى تقفيل ايطالى طيب كان فى ناس بتقول ان الجراند غاليه طب ازاى احنا لو عملنا مقارنه يبقى اقرب حاجه فى الهيونداى i30 وهذه السياره تبداء من 102000
ممكن اسمع تعليقاتكم لو سمحتم
ملحوظه: [OVER[OVERLINE]LINE] انا على فكره مازلت عند رأى ان النيواكسنت عربيه رائعه وده مش تقليل منها[/OVERLINE][/OVERLINE]

[ahmedsamir79]

ممكن تحط الموضوع ده في قسم المقارانات

[Youssef.Awad]

والله كلامك مزبوط يا ابراهيم باشا ..

لكن مشكلة فيات فى مصر مراكز الصيانة وخدمات ما بعد البيع
وده ما يمنعش ان الموضوع فى تحسن دائم بعد تولى أوماترا زمام التوكيل الايطالى فى مصر
لكن برضه محتاجين شغل أكتر وتواجد أكبر فى السوق لتغيير السمعة السيئة الراسخة عند كثير من الناس (وأنا منهم) مش من ناحية السخونية والكلام اللى مالوش لازمة ده زى ما حضرتك ولا غيرك هايفتكر
لاااااااا أنا اقصد اسعار قطع الغيار وعمرها الافتراضى المرجو منها وسعر الشراء واعادة البيع ... وغيرها من العوامل التى ترفع اسم توكيل او تخسف بيه الارض

ومن رأيى ان فيات اوماترا مصر بعدها فى مرحلة عنق الزجاجة واتوقع ان 2010 هو عام الحسم لفيات فى مصر
إما ان تنتشر وتحتل مكانة بالسوق وتنافس مع الكبار
أو تموت وتذهب فى خبر كان اذا استمرت بنفس الطريقة المتواضعة وغير الطموحة فى الانتشار والبيع القليل المتبعة حاليا

نصيحة من العبد لله .. وأنا أعلم أن حضرتك وده شغلك كما تراه تقصد من هذا الموضوع الدعاية لأعضاء ورواد المنتدى مع التأكيد ان موديلات فيات الجديدة جديرة بالاحترام فى العالم كله
لكن الاولى الاهتمام بمراكز الصيانة ورفع كفاءة العاملين بها والحفاظ على سمعة شركتكم والتوكيل بالسوق
فالذى ينظر لبيع كذا عربية ويبحث عن مكسب مادى قريب المنال لا يستمر طويلا
فالاهم بناء الثقة بين العميل والتوكيل من وراء الخدمة المقدمة له واختيار العناصر الجيدة بكل مكان يحمل شعار الصانع الايطالى العريق
والله ولى التوفيق ...

[Ghamrawy]

ابراهيم باشا
انت فى الجراند بونتو بتشترى تميز (زى ال i30 برضو) و بتشترى تقفيل حلو و نضيف(برضوا زى ال i30)
بس خد بالك ان فئة جسم الجراند غير فئة جسم ال i30 علشان كده موضوع الوسع الداخلى و مساحة الشنطة يعتبر من المسلمات
ال i30 ما فيهاش من عوامل الامان غير حزام الامان بس يعنى و لا اير باجز و لا ABS و EBD و ده للى هى ب 102000 و لو انى اعتقد ان سعرها ريح عن كده شوية و عن تجربة شخصية مع ال i30 و قوة موتورها فلازم معاها عوامل الامان اللى انا قولت عليها فوق .
الجراند فيها جنوط سبور الi30 لا
الجراند جاية من غير لعب فيها ال i30 القفل المركزى متركب هنا فى ورش غبور و دايما تلاقى الاسلاك مدلدلة عند رجلك الشمال و مافيش مانع برده تلاقى دراع فتح الكبوت واقع على الارض زى ما حصل معانا (يظهر انهم بيفكوه علشان يركبو الدوشة بتاعت القفل المركزى)
يبقى الخلاصة هيا فى قوة الموتور و المساحات الداخلية لصالح الهيونداى غير كده الجراند تتفوق
قطع غيار ال i30 نادرا لما تلاقيها بره و الجراند برضوا كده (على الاقل فى اسكندرية)
تتساوى مراكز الخدمة فى السوء (برضه بالنسبة للاسكندرية)

[hemaah48]

والله لو بتكلم على مراكز الخدمه فحدث ولا حرج كل الخدمه اللى فى مصر حاجه تكسف واسألنى انا انا كان معايا فيرنا زيرو ونيو اكسنت ده انا كنت مستلم الفيرنا كويتشات الباب مقطوعه والكاسيت بايظ وايضا قطع الغيار مش رخيصه فلتر البنزين للنيواكسنت كان ب340 جنيه يبقى طلما كله محصل بعضه اركب عربيه تكون زى مابيقولوا ركوبه اما عن اعادة البيع انا معاك الكورى لا يخسر كتير بس زى ما الناس بتقول حسن السوق ولا حسن البضاعه وامثال ده ينطبق على كل الاوربى مثلا انا كنت عشترى سيتراوين سى 4 كانت 2007 عارف بكام 70000 وسعرها 125000 شوف بقى بس اركب السيتراوين واى عربيه كورى او يابانى وقولى ايه رأيك

[hemaah48]

اخى gemino
والله كلامك كله تمام بس احب اضيف شىء انا المواتير الاوربى قياس قوة الماتور مختلف عن الكورى واليابانى يعنى 77 حصان فى الجراند مش اقل من 96 حصان بطريقة القياس الكوريه واليابانيه وده الاختلاف وعلى فكره انا مستنى تليفونك انا النهارده ان شاء الله بعد ماتش الجزائر فى سيدى بشر لو تحب تشرفنى

[Ghamrawy]

يا باشا شيل من دماغك اى عربية تقفيل محلى و خصوصا لو كانت فى الفئة المتوسطة لازم حاتلاقى فيها عيوب
بالنسبة لقطع الغيار فكله مولع سواء كان اسيوى او اوروبى او امريكى
هى بس بتفرق ان العربيات الاسيوى بعد مدة معينة و خلينا نقول 7 سنيين بتبدى تحس ان العربية بقت خشنة و اتخلعت من بعضها
و 7 سنيين دى فترة كويسة جدا على فكرة
الاوروبى بيفضل محتفظ بصحته شوية زيادة
و فى الاخر ربنا يكون فى عون الاتنين فى شوارع و مطبات بلدنا الحلوة الامورة

اخى gemino
والله كلامك كله تمام بس احب اضيف شىء انا المواتير الاوربى قياس قوة الماتور مختلف عن الكورى واليابانى يعنى 77 حصان فى الجراند مش اقل من 96 حصان بطريقة القياس الكوريه واليابانيه وده الاختلاف وعلى فكره انا مستنى تليفونك انا النهارده ان شاء الله بعد ماتش الجزائر فى سيدى بشر لو تحب تشرفنى

على فكرة موضوع قوة المحرك تم حسمه و القياسات واحدة فى كل العالم و اصح ودة للقياس هى الكيلووات
انا ان شاء الله حاعدى عليك النهارده
حاتغدى و اكلمك

[hemaah48]

الغريبه عندنا فى اسكندريه ان هم بيرصفوا الشوارع ثم يتم تكسيرها تانى ممكن يكونوا بيجربوها ان كانت جامده ولا لاههههههههههههههههههه

[د.محمود صلاح]

" حسن السوق ولا حسن البضاعة " عبارة رائعة ومعبرة

[Ralliart]

طبعاً فرق الخامات كبيييير لصالح الفيات
موتور الاكسنت جراي جداً زي معظم الهيونداي انما غير كده الاكسنت كتر خيرهم انهم مشالوش الحزام منها وبيبيعها باسعار غريبه
ولو كانت الـi30 نازله بكل حاجتها كانت هتنافس كويس جداً وكذلك الـi20 لان العربيتين دول محترمين ومعمولين لاوروبا مخصوص وتحس انهم نقله نوعيه للعربيات الكوري بس بحس في عربيات هيونداي اللي ركبتها ان الخامات بتاعتها من جوه بلاستيك رديئ شويه حتى الكروس اوفر الجديده ix35 ركبتها واتصدمت من احساس البلاستيك اللي عمرك ماتحس بيه في عربيه اوروبي (ماعدا السوناتا والازيرا والجينيسيس والاكواس دول كلام تاني )

[hemaah48]

والله كلامك صحيح احنا فى مصر الوكيل عايز يشيل اى حاجه من العربيه ويبعها لوحدها بعد كده ده مش غبور بس ده معظم التوكيلات اللى فى مصر ده انا لما كنت فى قطر رحت جيبت هوندا اكورد وكانت كسر زيرو مش عايز اقولك على كم الكمليات اللى كانت فيها غير فرش هديه من الوكيل تحس انه الاصلى وكوبونات غسيل وتشحيم وده مش هوندا بس ده تقريبا كل التوكيلات الله الله عليك يا بلدى

[elysmeen]

يبقا انت اكيد مش فى مصر ده بالنسبة لليبانى والكوري
انما الاوربي الوضع مختلف

[hemaah48]

لا انا فى مصر واسكندريه كمان على فكره الفيات المفروض على الاقل تنزل العربيات بطقم دواسات بس ده مش بيحصل شوفوا الجماعه اللبنانيين بيعرفوا يبيعوا العربيات اللى عندهم انا كنت عجيب معايا اوبل كورسا 1400 وبعدين اللى كان بيبيع واحد لبنانى قالى ان العربيه ديه غير اللى فى مصر وبعد كده عرض عليا ان اشترى عربيه سوبارو واقنعى جدا بيها شوف بقى الفرق بين واحد يحببك فى الحاجه وواحد كأنه بيمن عليك انه عيبعلك عربيه ناقص تبوس على ايده