الي خبراء الرجاتا

[tenen10]

السلام عليكم
انا عاوز اعرف اذا كان تابلوه الريجاتا بيباع ولا لا؟؟؟ ولو بيباع الاقيه فين؟؟؟ ومستعمل ولا جديد وبكام؟؟؟؟

ومفيش حل عشان اخلي التابلوه امتن شوية؟؟؟ يا ريت تجاوبوني وما تبخلوا عليا.

وشكرا لكم جميعا.

[abdelmessih67]

التابلوه غالبا تلاقيه استيراد في الوكالة يا أخ تنين و انا بأسمع عن عزبة اسمها عزبة شلبي في المطرية بس ما أعرفش فين .

في واحد في فيصل اسمه الكينج بيبيع فيات و هيونداي استيراد و اشتريت من عنده طفاية و ذراع تعلية الدركسيون في التمبرا و كانوا ناقصين من التابلوه و كان عنده تابلوه 127 و تابلوه تمبرا كامل و لكن ما أعرفش تابلوه رجاتا عنده و الا لأ ممكن لو انت ساكن قريب من فيصل أوصف لك مكانه و هأحاول أجيب لك تليفونه

[tenen10]

يا ريت انا ساكن جانبك في العمرانية قولي العنوان

[abdelmessih67]

يا ريت انا ساكن جانبك في العمرانية قولي العنوان

و أنت جاي من الجيزة و ماشي في فيصل و طالع على الرماية قبل طريق المريوطية بمحطة تلاقي قبل شارع المستشفى سوبر ماركت اسمه أسواق اشرف هو أول حارة سد بعديه يمين و هتلاقي يافطة مكتوب عليها اسمه على اول الحارة على شارع فيصل

بكره هأجيب لك تليفونه بدل ما تخبط مشوار على الفاضي

[abdelmessih67]

تليفون الكنج في فيصل

الاستاذ صابر 33875905

محمد القوار في الوكالة

0162656847

[tenen10]

الف شكر لك اخي معلش تعبتك معايا

[abdelmessih67]

مافيش تعب يا أخ تنين على فكرة امبارح كنت في الوكالة و لقيت تابلوهات و انصاص
كاملة للريجاتا بتتباع في أكثر من محل من بتوع فيات

[tenen10]

ربنا يخليك انا هشوف كدة لحسن بقا شكله معفن قوي والمشكلة انه بيكون في وشك علي طول بس في حاجة جهاز الاعطال الي جانب السرعة مبيتصلحش؟؟؟