سؤال هام الي خبراء التمبرا

[caysersosaih]

السلام عليكم
انا المروحة الاصلية عندي كانت باظت من سنة وغيرتها بواحدة مش اصلية
دلوقتي المروحة دي باظت وهي اساسا سرعة واحده وما كنتش باعرف اشغل التكييف

النهارده نزلت عزبة شلبي وجبت مروحة اصلية بالمقاومات بتاعتها بالقفص البلاستيك وركبتها
واشتريت ثرموستات اصلي من الكيلاني سرعتين
بعد ما الراجل ركب
مؤشر الحرارة بيعلي عن 90 شرطتين وفي الزحمة 3 شرط بس ما بيخشش في الاحمر فيا تري كده طبيعي ؟؟؟ ولا اعمل ايه؟؟؟؟
ارجو الرد

[hemaah48]

[frame="1 80"]
السلام عليكم اخى العزيز انا كان معايا فيات تمبرا موديل 90 وكان فيها المشكله ديه المهم انا غيرت سينسور الحراره ونظفت الراداتير وبرده مفيش فايده بس ده كان فى الصيف مش الشتاء المهم واحد صحبى اشترى العربيه وراح لكهربائى قال ان الافضل انه يغير المروحه بوحده اكبر وغيرها ومن ساعتها والعربيه معه زى الفل
[/frame]الخميس 20 صفر 1431

[caysersosaih]

يا جماعه حد يرد عليا أرجوكوا

[galilio_mad]

مؤشر الحرارة بيعلي عن 90 شرطتين وفي الزحمة 3 شرط بس ما بيخشش في الاحمر فيا تري كده طبيعي ؟؟؟
ارجو الرد

لأ مش طبيعى طبعا , العربية دى لما بتسخن و فى عزالصيف و وواقفه فى الزحمة و بالتكييف مش بتعدى 100

من غير تكييف 90 فى اى وضع و لما تتحرك ممكن تنزل 80 لو الجو طراوة

اليومين التلج دول ما بتوصلش 80 اساسا غير لما اقف فترة و اول ما اتحرك بتنزل على طول


لازم تراجع على دورة الميه و تتأكد ان مافيهاش هوا و انها سالكة مافيهاش انسداد او تسريب
و لو فى خراطيم ملغية يا ريت تشغلها

[caysersosaih]

شكرا لاجابتك وانا كنت مستنيها
بس انا عملت كل حاجة مش غاضل غير اني اغير الرادياتير
ياتري ايه رايك واجيبه نحاس ولا الومونيوم ومنين وشكرا

[Bonanza]

لأ مش طبيعى طبعا , العربية دى لما بتسخن و فى عزالصيف و وواقفه فى الزحمة و بالتكييف مش بتعدى 100

من غير تكييف 90 فى اى وضع و لما تتحرك ممكن تنزل 80 لو الجو طراوة

اليومين التلج دول ما بتوصلش 80 اساسا غير لما اقف فترة و اول ما اتحرك بتنزل على طول


لازم تراجع على دورة الميه و تتأكد ان مافيهاش هوا و انها سالكة مافيهاش انسداد او تسريب
و لو فى خراطيم ملغية يا ريت تشغلها

الله ينور عليك يا جاليليو

فعلا انا عربيتي في عز الصيف و الزحمة مش بتعدي 90 الحمد لله

و لما بشغل التكييف المروحة بتشتغل معاه و بتخلي درجة حرارة العربية اقل عند الـ 70 كده

[caysersosaih]

والحل؟ مش فاضل غير الرادياتير

[ZALABANY]

الحراره عندي كانت بتوصل لحد قبل ال 100 بشرطه وراجعت على دورة التبريد لقيت خروم في الرادياتير لحمتها واخدت الهوا من دورة التبريد وتأكد من احكام غطا قربة المياه رجعت الحراره بقت 90 اليويمين دول اكتر من ال 90 بشرطه بس انا بقول اكيد في خرم صغير في الرادياتير هو السبب في ده بس مكسل اعمله خاصة ان الميه بتنقص شويه كل كام يوم

[caysersosaih]

الحمد لله غيرت الراديتاتير والمشكلة اتحلت
الحرارة الان مضبوطة
شكرا لكل من ساهم

[Bonanza]

الحمد لله غيرت الراديتاتير والمشكلة اتحلت
الحرارة الان مضبوطة
شكرا لكل من ساهم

مبروك يا دكتور ضياء ربنا يباركلك في العربية و يخفف عنك عذابها و عننا كلنا لحسن انا العفشة عندي مجنناني شويتين

المهم جبت الرادياتير بتاع التمبرا ولا جبت تفصيل ؟؟ وبكام و نحاس ولا ايه و ياريت المكان كمان ؟

[hany121]

مبروك يا دكتور ضياء ربنا يباركلك في العربية و يخفف عنك عذابها و عننا كلنا لحسن انا العفشة عندي مجنناني شويتين

المهم جبت الرادياتير بتاع التمبرا ولا جبت تفصيل ؟؟ وبكام و نحاس ولا ايه و ياريت المكان كمان ؟

+11111

[caysersosaih]

بص يا باشا انا رحت سألت عند محمد يوسف قالي بتاع التمبرا مش موجود وفي صيني ب 300 جنيه
ماجيبتوش
عندي ميكانيكي جنبي في مصر الجديدة شاطر وامين جابلي واحد تركي 2 ماسورة ب 330 جنيه
الحمد لله كويس هو زي الفابريقة بالضبط والومونيوم زيه
بس الفرق في النتيجة واضح جدا

[hany121]

د. ضياء

الف مبروك علي الردياتير الجديد.. يا ريت لو قدرت تعرف من الميكانيكي جابه منين تقولنا لاني عايز اشتري واحد..

[caysersosaih]

هو جابه من واحد في الأميرية اسمه الحاج طارق في شارع ترعة الجبل
الزيتون

[mikology]

انا بردو اشتريت ردياتير بس كان من حد معرفه و جابلى بتاع التمبرا الاصلى و تمنه 450 جنيه جديد وده كان فى غمره