فيات جراند بونتو جديد و لا اوبل استرا مستعمله ؟؟(جديد ولا مستعمل عموما) !

[Anti_virus_abdo]

السلام عليكم
انا خلاص قررات شراء عربيه في خلال اسبوعين ان شاء الله
انا لفيت كتير اوي اوي و عارف تقريبا مميزات و عيوب العربيات الي في الحدود الي معايا (معايا حتي 100 الف)
دلوقتي انا عجباني الجراند بونتو اكتر حاجه حتي ال 100 الف
(الاوبشنز بتعتها-ثباتها-شكلها-الامان-اوروبي) مفيش عربيه تتفوق عليها في الي انا عاوزه عليها في السعر ده
بس حوار البونتو ايفو داود غير تفكيري شويه
قلت طب ليه مجبش اوبل استرا مستعمله بنفس السعر و اعتقد هتبقي 2007 2008 و حالتها نضيفه
انا بدأت احتار اوي دلوقتي
انا عارف ريحة الجديد و احساس الجديد حاجه تانيه نفسيا حتي
بس الاسترا برده كاتيجوري و فئه تانيه خالص نقله ماتتقرنش بالجراند (تتقارن بالبرافو يعني قصدي)
فمن ساعة ما بدأت افكر فالسترا و اتخيل اني ركبها و انا مبأتش عاور الجراند زي زمان حاسس انها اقل من العوزه رغم انها كانت عجباني جدا و لما ارجع اتخيل ان الجراند هتبقي بكياسها كدا و اول يد برده احساس تاني
فقلت اخد رأي الناس الي فالمنتدي هنا كلكم مش شاء الله خبره و اكيد هتقدروا تسعدوني بس كل واحد يحط نفسه مكاني الاول قبل ما يكرر :d
و شكرا اووي علي المساعده مقدما :)))

[damasry]

شوف هو ماحدش يقدر يتكلم على الاسترا بس يعيبها التوكيل وان الشكل الجديد خلاص ها يتزل

الجراند جمييلة جدا والفئة اللى ها تجيبها بال١٠٠ الف ها تكون fully loaded

شوف انت عايز حاجة جديدة ولا ممكن تاخد حاجة مستعملة (ولازم تكون عربية نضيفة جدا عشان مش تتعب فيها بعدين بالذات مع الاوبل)

[hemaah48]

[frame="7 80"]
اخى العزيز والله الاسترا عربيه تحفه طبعا وهى اكيد احسن من الجراند بس لو مفيش كسر زيرو يبقى الجراند احسن يعنى لو العربيه ماشيه فوق ال30 الف يبقى تجيب الجراند وطبعا فى ميزه لا يجب انكرها وهى ان كسر الزيرو بيبقى خسارته فى اعادة البيع قليله لان الاوربى فى مصر بينزل مش اقل من 15000 الف عند البيع وعلى العموم انت لك مطلق الحريه وربنا يوفقك ان شاء الله
[/frame]

[yoko]

نصيحة من قبل ما أكون مالك لفيات أنا كنت مالك للأفيو وخالي (على طول مقلب عربيته) معاه أسترا ٢٠٠٤
إبعد عن أوبل طول ما هيا مع منصور
وتاني حاجة الجديد أضمن مليون مرة لإن المستعمل فيه بلاوي كتير وأعرف عربيات مكملتش ال٥ ألاف وفيها بلاوي وبره الضمان وبتتباع للناس ويكتشف بعد كده مصيبة في العافشة وإن العربيه بره الضمان وأحيانا مواتير مفوته والعربيه مكملتش ال١٠ ألاف

[semsem_uno]

والله انا رأي الجراند و شكلها حتي مميز و برستيج و كده ده غير باقي الميزات اللي اكيد حضرتك عارفها :)
و القرار في الأخر ليك و يا رب يوفقك في حاجة كويسة

[fouady]

بص الالسترة تفرق عن الجارند مطور اكوه بس وكمان هتبقى مستعملة فـأنا رايه الجراند زيرو أحسن

[Anti_virus_abdo]

الف شكر يا شباب علي الردود
ة فعلا ده البفكر فيه انا لو جبيت الاسترا ابقي كسبت عيب الاوروبي الوحيد الي في مصر و هو resale في الضياع و ده مش هيحصل مع الاسترا
و بالنسبه للمشاكل منا هكشف عليها في التوكيل ؟؟؟
و لا انته ايه رأيكم انا ابتديت ارجع اميل للجراند تاني بس عاوز ارأكم برده :)

[amrbakly]

انا عندي حيرة اكبر من كدة بقي

لأني ناوي في خلال سنة اغير العربية إن شاء الله بس الدنيا تمشي شوية

فمحتار أجيب جراند زيرو ولا مرسيدس سي كلاس اول تسعينات لأنهم تقريبا نفس السعر و انا بموت في الجراند و كمان بمووووووووووووت في المرسيدس

اقول في عقل بالي الزيرو زيرو و مرة تانية اقول المرسيدس مرسيدس برضة ( نفسي أخد ملف علي 120 يا جدعان و انا مش قلقان)

كمان لو الفلوس مكملتش معايا محتار اجيب هيونداي جيتز مثلا ولا بونتو كلاسيك الشكل الجديد لأنهم تقريبا بيلعبوا في نفس السعر

مش عارف حاجات تحييييييييييير

[damasry]

انا عندي حيرة اكبر من كدة بقي

لأني ناوي في خلال سنة اغير العربية إن شاء الله بس الدنيا تمشي شوية

فمحتار أجيب جراند زيرو ولا مرسيدس سي كلاس اول تسعينات لأنهم تقريبا نفس السعر و انا بموت في الجراند و كمان بمووووووووووووت في المرسيدس

اقول في عقل بالي الزيرو زيرو و مرة تانية اقول المرسيدس مرسيدس برضة ( نفسي أخد ملف علي 120 يا جدعان و انا مش قلقان)

كمان لو الفلوس مكملتش معايا محتار اجيب هيونداي جيتز مثلا ولا بونتو كلاسيك الشكل الجديد لأنهم تقريبا بيلعبوا في نفس السعر

مش عارف حاجات تحييييييييييير

طب الحق بقى عشان الجراند بونتو مش ها تنزل تانى بعد نزول البونتو الايفو

[ldsaklf]

انا مع المثل الي بيقول قردة علي الزيرو ولا شفر ماشية كيلو

[yoko]

الف شكر يا شباب علي الردود
ة فعلا ده البفكر فيه انا لو جبيت الاسترا ابقي كسبت عيب الاوروبي الوحيد الي في مصر و هو resale في الضياع و ده مش هيحصل مع الاسترا
و بالنسبه للمشاكل منا هكشف عليها في التوكيل ؟؟؟
و لا انته ايه رأيكم انا ابتديت ارجع اميل للجراند تاني بس عاوز ارأكم برده :)

لو مستعد إنك تتشتم من رئيس خدمة العملاء بالأب والأم جيب أوبل -حصلت معايا شخصيا ومنغير ما أغلط فيه وبعد ما شتملي قليت أدبي عليه عمالي الي أنا عايزة- (توكيل عايز الحرق وشوف الناس في أوبل بيقولوا عاليه إيه)

انا عندي حيرة اكبر من كدة بقي

لأني ناوي في خلال سنة اغير العربية إن شاء الله بس الدنيا تمشي شوية

فمحتار أجيب جراند زيرو ولا مرسيدس سي كلاس اول تسعينات لأنهم تقريبا نفس السعر و انا بموت في الجراند و كمان بمووووووووووووت في المرسيدس

اقول في عقل بالي الزيرو زيرو و مرة تانية اقول المرسيدس مرسيدس برضة ( نفسي أخد ملف علي 120 يا جدعان و انا مش قلقان)

كمان لو الفلوس مكملتش معايا محتار اجيب هيونداي جيتز مثلا ولا بونتو كلاسيك الشكل الجديد لأنهم تقريبا بيلعبوا في نفس السعر

مش عارف حاجات تحييييييييييير

طب إيه رأيك إنك هتاخد ملفات بالجراند على ١٤٠ ومش هتحس بس الجراند هتتوقف بعد نزول الإيفو

[momokinzy]

طب الحق بقى عشان الجراند بونتو مش ها تنزل تانى بعد نزول البونتو الايفو

لأ حرام عليك دانا يجيلى فيها القلب يا راجل

[momokinzy]

طب إيه رأيك إنك هتاخد ملفات بالجراند على ١٤٠ ومش هتحس بس الجراند هتتوقف بعد نزول الإيفو

لا بقى ايه الحكاية طب الايفو هتنزل امتى و هيوقفوا الجراند امتى؟؟؟؟؟؟؟ وليه يوقفوها دى برقبة الايفو

[yoko]

إنت بتقول كده عشان مركبتش الإيفو

[Ghamrawy]

الزيرو طبعا اى كان
و 3 عربيات حاول تبعد عنهم فى المستعمل علشان لو فيه حاجه مستخبية ممكن تجيبلك اكتئاب نفسى و مادى
الرينو و الاوبل و البى ام

إنت بتقول كده عشان مركبتش الإيفو

هو فيه حد ركبها فى مصر ؟؟
بس عموما وش العربية هو اسخف حاجة باينة من الصور