لخبراء 128 ضرورى

[memononos]

سلام عليكم ورحمه الله
معايا عربيه 128 موتور 1100سى سى
وعاوز اغير بوجوهات بس يكون نوع نضيف ويكون ادائه كويس؟؟؟؟؟؟؟؟؟
وانا الكربراتير عندى مكتوم وبينتش
فواحد قلى اشترى كربراتير 2باب بتاع ريجاتا واركبه هل الكلام ده سليم؟؟؟؟؟؟؟؟
وشكرا

[yoko]

ظبط الكربيراتير بتاعك أحسن والبوجيهات جيب الngk الي بيجي كل بوجيه في علبة لوحدها

[memononos]

ظبط الكربيراتير بتاعك أحسن والبوجيهات جيب الngk الي بيجي كل بوجيه في علبة لوحدها

اولا الف شكر يا باشا
وبخصوص البوجيهات هى كام شمعه ؟؟؟؟؟؟؟؟
والكربراتير الى عندى تقريبا بايظ مش نافع يا ترى اجيب كربراتير 2باب افضل ولا ايه رايك ؟؟؟؟؟؟

[asaeed]

اولا الف شكر يا باشا
وبخصوص البوجيهات هى كام شمعه ؟؟؟؟؟؟؟؟
والكربراتير الى عندى تقريبا بايظ مش نافع يا ترى اجيب كربراتير 2باب افضل ولا ايه رايك ؟؟؟؟؟؟

لازم تروح لواحد بتاع كربراتير وهو إللي يحدد مدى استجابته للإصلاح من عدمه، بدل ما تدفع فلوس في كربراتير تاني أنت أولى تظبط بيها حاجة تانية في العربية. ممكن يكون عايز آكس وباب، وبكات سرعة وبك صلانصيه،، وتنظيف، وهيبقى 100÷100، بس خلي بالك معظم بتوع الكربراتير حرامية ولاد تيييييييييت وحسبنا الله ونعم الوكيل لو انت ساكن قريب من دار السلام في واحد بتاع كربراتير هناك اسمه الأسطى خالد ورقمه 0128656442 وهو ابن حلال

أما بخصوص البوجيهات أحسنهم دلوقتي ngk 3 تمام أوي

أرجو أكون افدتك

[mahgary]

وفى واحد بتاع كربراتير تاني فى شبرا فى محطة مساره ده كويس بس فك كربراتير اولا وهو بارد وخده ليه قبل ما تشترى مش عتخصر حاجه

[mkhalifa73]

ريح دماغك وهات كاربراتير جديييييييييييييييييد

[asaeed]

وفى واحد بتاع كربراتير تاني فى شبرا فى محطة مساره ده كويس بس فك كربراتير اولا وهو بارد وخده ليه قبل ما تشترى مش عتخصر حاجه

أوعى تقول لي ورشة الحاج إبراهيم بتاع الكربراتير
دي ورشة أقل ما يقال عنها أنها سيئة جداً ونصب في نصب ويعتمل عليك شغل جامد هناك ومايتصلحش إللي إنت عايزه بل بالعكس الموضوع ممكن يزداد استياء وتبقى الحالة أسوء مما كانت عليها

حسبنا الله ونعم الوكيل في هذه الورشة

[hishamsz]

اسأل مجرب

أخى الفاضل إخوانى الأعزاء أعضاء المنتدى الكرام

السلام عليكم
بعد رحلة عناء فى موضوع الكربراتير والبوجيهات رأيى أن تذهب الى ميكانيكى شاطر ينظف لك الكربراتير وغير فلتر البنزين وده هام جدا لأن الرواسب الموجودة فى البنزين ممكن تكون سبب فى التقطيع وسحب العربية وثانيا اظبط الاسبراتير ( كهربا العربية) وأخر حاجة وعن تجربة فيه فى السوق بوجيهات صينى ب 10 جنيه ابعد عتها اللى هى كل واحدة فى كرتونة دور على البوجيهات اليابانى دى بحوالى 50 جنيه وهما أربع بوجيهات مع بعض فى علبة صفرا ووش بلاستيك شفاف وتأكد ان محفور عليهم كلمة made in japan تحطهم وتنساهم خالص ودى عن تجربة وربنا يوفقك الى الخير

[ezzatfox]

ريح دماغك وهات كاربراتير جديييييييييييييييييد

كربراتير يوغسلافى جديد يظبط معاك الدنيا و مش غالى قوى فى حدود 300 جنية بس هتحس ان العربية جديدة لو الماتور عند مظبوط

[aymansaad]

اسمع كلام الاخ
heshamsz
فكلامه فى منتهى الاهمية والصحة

[amgadfigo]

موضوع مهم جدا
يريت حد يفدنا فى حكايه الكربرتير 2 باب انا ايمع ان الباب الاول من 0 الى 100 كم ومن اول 101 الباب التانى بيتفتح وبنزين اكتر يتحرق ممكن حد يشرحلنا الموضوع ده ببصاطه وايه هى انواع الكربرترات 2 باب؟؟؟؟؟؟؟؟؟؟؟

[memononos]

انا المشكله عندى ان العربيه كانت بتبطل وهى دايره على الصلانصيه وكانت مكتومه ..المهم الى حصل كالاتى
انا روحت لبتاع كربراتيرات فى منطقه دير الملاك الراجل صراحه فك الكربراتير وغيرله اكس وباب ونضفه بالهواء وبعدين ركبه تانى كتمه العربيه راحت بس العربيه بطلت تانى
قام فكه تانى وركبه قامت بطلت تانى بعد شويه المهم كان معايا والدى وواحد صديق والدى قام الراجل صاحب والدى شخط فى الراجل وقاله العربيه بتبطل انت عملت ايه قلى تعالى شوفها
قام الراجل ساب العربيه الى كان ماسكها ومسك الكشاف ونور الكربياتير وهو شغال من جوه
المفاجئه بقى ان العيب كان من طرومبه البنزين اللعينه كانت بدخل شويه بنزين للكربراتير وبعدين تقطع والعربيه تفضل دايره شويه لحد ما شويه البنزين يخلصو وبعدين تبطل جبت طرمبه بنزين جديده والمشكله اتحلت
وشكرا لتعاونكم

[misoalex]

انا المشكله عندى ان العربيه كانت بتبطل وهى دايره على الصلانصيه وكانت مكتومه ..المهم الى حصل كالاتى
انا روحت لبتاع كربراتيرات فى منطقه دير الملاك الراجل صراحه فك الكربراتير وغيرله اكس وباب ونضفه بالهواء وبعدين ركبه تانى كتمه العربيه راحت بس العربيه بطلت تانى
قام فكه تانى وركبه قامت بطلت تانى بعد شويه المهم كان معايا والدى وواحد صديق والدى قام الراجل صاحب والدى شخط فى الراجل وقاله العربيه بتبطل انت عملت ايه قلى تعالى شوفها
قام الراجل ساب العربيه الى كان ماسكها ومسك الكشاف ونور الكربياتير وهو شغال من جوه
المفاجئه بقى ان العيب كان من طرومبه البنزين اللعينه كانت بدخل شويه بنزين للكربراتير وبعدين تقطع والعربيه تفضل دايره شويه لحد ما شويه البنزين يخلصو وبعدين تبطل جبت طرمبه بنزين جديده والمشكله اتحلت
وشكرا لتعاونكم

طب هو اخد كام فى التنظيف والاكس والباب

[memononos]

هو كان عاوز 60 جنيه بس والدى اداله 40

[ahmed1981]

كربراتير يوغسلافى جديد يظبط معاك الدنيا و مش غالى قوى فى حدود 300 جنية بس هتحس ان العربية جديدة لو الماتور عند مظبوط

هذا هو الكلام الصح
لو الكربيراتير بايظ
أحسن حل تشتري واحد يوغوسلافي