استشارة بخصوص شراء سيارة أونو

[TaoTao]

معروض علي سيارة فيات أونو موديل 1997، لونها نبيتي فابريكة دواخل (على كلام صاحب السيارة) ومكيفة ماشية 90 ألف كيلو تقريباً، كنت عاوز اتأكد من كام حاجة:
1- محتاج تسعير مبدئي للسيارة
2- هل اللون النبيتي الميتاليك من ألوان الفابريكة في الموديل ده؟
3- إزاي اتأكد من دواخل السيارة (لما بصيت في حوض الموتور وجدت الكارتيرات لونها نبيتي بس الفينيش بتاعها مش كويس، هل كدة الدهان ده فابريكة؟ وإزاي اتأكد منه؟)
4- محتاج اكشف على السيارة في مكان كويس قريب من الشيخ زايد أو أكتوبر. ممكن اكشف عليها في أوماترا؟ والكشف بيكون في حدود كام؟ أو لو فيه بنزينة كويسة في أكتوبر ياريت تنصحوني بيها.
ولو فيه حاجات تانية المفروض ابص عليها أو اتأكد منها ياريت تفيدوني بيها.
وألف شكر مقدماً :)

[أبو إياد]

فى عربيه مع عضو هنا موديل 97 لونها نبيتى بس مش مكيفه وعامله 44000كم حاله شاذه وطالب فيها نهائى 28000ج لولا انك قولت ان فيها تكييف وعداد 90000 كنت هاقول هى

وعلى ما اعتقد بالنسبه للعربيه اللى بتسال عليها لو العدادات بتاعتها فيها rpm تبقى مش مكيفه ولو عاوز تكشف عليها شوف ميكانيكى يكون بيفهم وخليه يجى معاك يشوف العربيه

[TaoTao]

ألف شكر على سرعة الرد، العربية مافيهاش rpm ولمبة الحرارة عبارة عن لمبة مرسومة داخل صورة سيارة. (أظن على كلام سمسم أونو إن السيارة غير مكيفة)
موضوع الميكانيكي ماعنديش حد ثقة أو يرضى ييجي الشيخ زايد للأسف فكنت محتاج مكان أو بنزينة قريبة للكشف.
ربنا يوفق وألف شكر مرة تانية على المعلومات

[semsem_uno]

ألف شكر على سرعة الرد، العربية مافيهاش rpm ولمبة الحرارة عبارة عن لمبة مرسومة داخل صورة سيارة. (أظن على كلام سمسم أونو إن السيارة غير مكيفة)
موضوع الميكانيكي ماعنديش حد ثقة أو يرضى ييجي الشيخ زايد للأسف فكنت محتاج مكان أو بنزينة قريبة للكشف.
ربنا يوفق وألف شكر مرة تانية على المعلومات

بدام مفهاش rpm و كمان عربية مش عداد حرارة يبقي هو اللي عامل فيها تكيف انما مش فابريكة بالتكيف
و العربية كان بينزل منها نبيتي فعلا
النصيحة تحدد يوم معاه و تنزلو تكشفو عليها في التوكيل و يتخصم من سعر العربية الحاجات البايزة و كمان موضوع التكيف اللي هو مركبه ده زي قلته لأنه اصلا عادتا بيبقي بايز و يقولك دا محتاج شحن غير انه اصلا مش هيديك اداء لأن الموتور كله 1000 سي سي انما اللي كانت بتنزل بتكيف كانت 1300 و 1400
و اصلا التكيف الساندن الياباني جديد بضمان بالتركيب ب 2500
و لو العربية كويسة السعر ميعديش 27 الف :10D5C8~1107:

[TaoTao]

بدام مفهاش rpm و كمان عربية مش عداد حرارة يبقي هو اللي عامل فيها تكيف انما مش فابريكة بالتكيف
و العربية كان بينزل منها نبيتي فعلا :b4_033:
النصيحة تحدد يوم معاه و تنزلو تكشفو عليها في التوكيل و يتخصم من سعر العربية الحاجات البايزة و كمان موضوع التكيف اللي هو مركبه ده زي قلته لأنه اصلا عادتا بيبقي بايز و يقولك دا محتاج شحن غير انه اصلا مش هيديك اداء لأن الموتور كله 1000 سي سي انما اللي كانت بتنزل بتكيف كانت 1300 و 1400
و اصلا التكيف الساندن الياباني جديد بضمان بالتركيب ب 2500
و لو العربية كويسة السعر ميعديش 27 الف :10d5c8~1107:

تمام كدة شكراً يا سمسم على الرد الوافي
التكييف جربته ومشيت بالسيارة كانت كويسة (يمكن التكييف كان كويس عشان الدنيا برد أساساً :) )
طب بالنسبة للتوكيل روح أوماترا؟ وللا فيه توكيل تاني؟

[semsem_uno]

اواترا كويس يا باشا
و بالنسبة للتكييف فالجو اصلا تلج ههههههههههههههههههههه :)

[amrbakly]

علي فكرة هي مش محتاجة توكيل كافي جدا اي مركز صيانة معتمد قريب منك

و ان كنت أعتقد أن ميكانيكي شاطر من طرفك حيفصص العربية يعني و تديلة 50 و لا 60 جنية و كفاية علي كدة

بالنسبة للتكيف المشكلة في نوعة ولا في تبريدة

المشكلة فعليا في العزل بتاع العربية، لأن للأسف الأونو 45 مش معزولة كويس للكييف فبليل حتلاقية كويس جدا لكن الصبح بدون جري ولا لة اي لزمة تقريبا، إلا لو أضطريت تتنازل عن شوية بنزين و تعلي البنزين و التكييف شغال

بالنسبة لسحب العربية مع التكييف هو سئ جدا علي الأول و التاني، لكن عادي جدا من أول التالت، بس في النهاية هو أحسن من مفيش برضة

[TaoTao]

ربنا يبارك فيكم يا شباب، رابطة أونو 100%
وشكراً يا عمرو بك ويا سمسم بك على المجهود الرائع والمتابعة