عايز أخد رأيكم

[hishamelshazly]

يا جماعه أنا بفكر أشترى عربيه والعربية دلوقتى من الضروريات بس أنا للأسف إمكانياتى محدودة فكنت بفكر أشترى فيات 126 وأنا شايف إنه مزاياها إستهلاك البنزين وإنها موديلات عاليه نسبيا بس فيه ناس نصحونى وقالولى بلاش عشان قطع غيارها ممكن ما تكونش متوفرة وفيه ناس تانية نصحونى أشترى 127 توب رأيهم عربية قوية وأوسع وقطع الغيار أكيد متوفرة فيه رأى تالت بيقول أشترى فيات 1100 أو فيات 1300 فإنتوا أيه رأيكم مع ملاحظة إنه أنا عايش فى مدينة قنا وإنه إستخدامى للعربية هيكون داخل المدينة وإنى متوسط إستهلاكى الشهرى ليها هيكون 300 كم كحد أقصى مع ملاحظة إن المدينة اللى أنا عايش فيها شوراعها كويسة . ورأيت تقولولى أسعار العربيات دى أيه دلوقتى مع ملاحظة إنه أنا أصى إمكانيات ليا هى مبلغ 6000 .

[Truman]

المبلغ ده ممكن يجيب لك 133 كويسة بس لازم تبقى متعالجة ضد السخونة خصوصا حضرتك ساكن فى قنا

لكن 126 صناعتها سيئة جدا و إبعد عنها خالص و 1100 أو 1300 هتبقى موديلات قديمة قوى و خلصانة
و المبلغ اللى مع حضرتك ميكملش ثمن 127 حتى لو متبهدلة و سبعينات
أرجو أكون أقدتك

[aymoz]

سيات 133 انسب حاجة

[Khaled_Nowaihy]

حتى لو قالوا لك هى ب 1000 جنيه هى لاتستحق هذا المبلغ
السيات 133 ممتازة لو كانت بحالة جيدة

[aymansaad]

127توب ممتازة وحاول تقسط الباقى لو العملية مش مظبطة

[Sameh]

سيبك من ال 126 عشان مش عربية أصلاً وهتغلبك معاها ، السيات 133 أفضل منها بمراحل والميزانية اللى معاك تكفى
ال 127 حلوة بس أعتقد هتبقا فوق ال 10 ، ولو لقيتها ب 6 ممكن تكون متهانة أوى