اللى عاوز فيات او لينيا 2010 ............يجى ورايا

[sefo]

الى محبى الفيات والمنتظرين وصلول اللينيا او اى موديل فيات اخر
عندى فكره اعتقد ان فى احد الاعضاء بقسم اخر اقترحها من قبل
كل اللى منتظر وصول اللينيا 2010لتوكيل اوماترا او اى نوع اخر من الفيات ممكن نجمع بعض ونتفق على طلب مجموعه السيارات معا من التوكيل ونتكلم او نعمل الديل بلسان اثنين او ثلاثه مننا او نتخب محامى او محاسب مثلا وفى اعتقادى لو عددنا وصل 10 او 15 عضو هنوصل لديل هايل مع الوكيل
ممكن عضو فاضل يقولى هنستفاد ايه من الدوشه دى ؟ اقوله
1- طلب عدد سيارات بمبلغ متوسط 100000 للسياره يعنى بالنسبه للتوكيل من مليون لمليون ونصف مبيعات وده طبعا ديل هايل ميترفضش ويدينا ثقل للتفاوض
2- طالما الامتياز لاعضاء المنتدى ده مبدا مقبول حسب الاتفاق المبرم مع اوماترا بواسطه المشرفين الافاضل فليه منكنش بنعزز ده ونستفاد اكبر استفاده من الديل بدايه من التفافض فى سعر الزيرو
3- وضع المنتدى وثقله بعد اتمام الديل ده ممكن يكون افضل فى التفاوض مع التوكيل فى خدمات ما بعد البيع والصيانه والتجديد وقطع الغيار.يعنى بمعنى اصح هنمارس سياسه الضعط ومبدا فيد واستفيد بما لا يخل بشرعيه الموضوع وقانونيته

الفكره ديه لو اتنفذت صح اعتقد ان الجميع هيكونوا كسبانين الاعضاء و التوكيل ومركز قوى للمنتدى علشان كده اللى عنده تصور او اضافه او تعديل او حذف لتفاصيل تنفيذ الفكره مشكورا ياريت يساعدنا
واعتقد ان فى اعضاء كتير من اللى معاهم الفيات ومتحمسين ليها ممكن يساعدونا كتير سواء فى التصميم او التنفيذ مع التوكيل . ولا ايه يا عم يوووووكككوووووو
واسف للتطويل وفى انتظار مشاركتكم بالايجاب او السلب

[yoko]

عم يوكو بيرد وبيقولك صعب التنفيذ لأسباب كتير أولهم إن التوكيل أخر موديل ٢٠١٠ عشان بيتفاوض مع الشركة الأم الي غلت العربيه على التوكيل أكتر من ٢٠ ألف جنيه !!!!!!!!
تانيهم إن للأسف المبيعات في توكيل أوماترا سئ على عكس خدمة ما بعد البيع ولو تحب تحاول أنا معاك وممكن لو تحب أنزل معاك التوكيل

[ahmadmidop]

[عم يوكو بيرد وبيقولك صعب التنفيذ لأسباب كتير أولهم إن التوكيل أخر موديل ٢٠١٠ عشان بيتفاوض مع الشركة الأم الي غلت العربيه على التوكيل أكتر من ٢٠ ألف جنيه !!!!!!!!
تانيهم إن للأسف المبيعات في توكيل أوماترا سئ على عكس خدمة ما بعد البيع ولو تحب تحاول أنا معاك وممكن لو تحب أنزل معاك التوكيل

تمام ياحج:b4_388: يوكو

[ahmad--ezzat]

اللينيا موديلها 2008 او يمكن قبل كده...التوكيل لسا بيجيبها ازاى انا مش عارف....هو مفيش شكل جديد للينيا؟؟؟؟العربيا انا شفتها من زمان فى الشارع وبالتحديد من سنتين وشويه....
الموديلات 2010 و2011 هل هيبقى فى تغيير؟؟؟؟

[yoko]

العربيه أول موديل ليها ٢٠٠٧ ولحد دلوقتي نفس الشكل والتوكيل مبيجبش موديلات ٢٠٠٨ وموجود كام عربيه بس ٢٠٠٩ و٢٠١٠ لسه مجتش

[hero_1016]

الى محبى الفيات والمنتظرين وصلول اللينيا او اى موديل فيات اخر
عندى فكره اعتقد ان فى احد الاعضاء بقسم اخر اقترحها من قبل
كل اللى منتظر وصول اللينيا 2010لتوكيل اوماترا او اى نوع اخر من الفيات ممكن نجمع بعض ونتفق على طلب مجموعه السيارات معا من التوكيل ونتكلم او نعمل الديل بلسان اثنين او ثلاثه مننا او نتخب محامى او محاسب مثلا وفى اعتقادى لو عددنا وصل 10 او 15 عضو هنوصل لديل هايل مع الوكيل
ممكن عضو فاضل يقولى هنستفاد ايه من الدوشه دى ؟ اقوله
1- طلب عدد سيارات بمبلغ متوسط 100000 للسياره يعنى بالنسبه للتوكيل من مليون لمليون ونصف مبيعات وده طبعا ديل هايل ميترفضش ويدينا ثقل للتفاوض
2- طالما الامتياز لاعضاء المنتدى ده مبدا مقبول حسب الاتفاق المبرم مع اوماترا بواسطه المشرفين الافاضل فليه منكنش بنعزز ده ونستفاد اكبر استفاده من الديل بدايه من التفافض فى سعر الزيرو
3- وضع المنتدى وثقله بعد اتمام الديل ده ممكن يكون افضل فى التفاوض مع التوكيل فى خدمات ما بعد البيع والصيانه والتجديد وقطع الغيار.يعنى بمعنى اصح هنمارس سياسه الضعط ومبدا فيد واستفيد بما لا يخل بشرعيه الموضوع وقانونيته

الفكره ديه لو اتنفذت صح اعتقد ان الجميع هيكونوا كسبانين الاعضاء و التوكيل ومركز قوى للمنتدى علشان كده اللى عنده تصور او اضافه او تعديل او حذف لتفاصيل تنفيذ الفكره مشكورا ياريت يساعدنا
واعتقد ان فى اعضاء كتير من اللى معاهم الفيات ومتحمسين ليها ممكن يساعدونا كتير سواء فى التصميم او التنفيذ مع التوكيل . ولا ايه يا عم يوووووكككوووووو:o_stupid[1]:
واسف للتطويل وفى انتظار مشاركتكم بالايجاب او السلب

+11111111111111
اعتقد ان في معارض هتاخد من التوكيل اقل من الرقم دة
يعني الرقم دة كويس بالنسبة ليهم اوي

[sefo]

عم يوكو بيرد وبيقولك صعب التنفيذ لأسباب كتير أولهم إن التوكيل أخر موديل ٢٠١٠ عشان بيتفاوض مع الشركة الأم الي غلت العربيه على التوكيل أكتر من ٢٠ ألف جنيه !!!!!!!!

تقصد ايه يا باشمهندس بأن اخر موديل 2010 . قصدك ان 2009 خلصت ولا ايه؟وضح
انا عارف انه من كام يوم كان فى كام عربيه 2009 وعلى العموم انا اقصد موديلات 2010
وبعدين ايه حكايه ان السياره غليت 20 الف هل ده اكيد بخصوص 2010 ؟برجاء التوضيح

تانيهم إن للأسف المبيعات في توكيل أوماترا سئ على عكس خدمة ما بعد البيع ولو تحب تحاول أنا معاك وممكن لو تحب أنزل معاك التوكيل

بص انا رحت فرع يوسف عباس من اسبوع ولما قلت انى من نايل موتورز وجدت معامله مختلفه واهتمام وكان معايا صديق لى كان عاوز يجيب عربيه زيرو والراجل بصراحه لما قلتله فين الخصم قالى هو صعب على الزيرو بس هحاول وفى الحال عمل اتصالاته وجابلينا خصم الف جنيه
فما بالك لو عدد من السيارات وتكون متوفره عندهم بكثره ؟؟؟
على العموم احنا مش هنخسر حاجه لينا شف المحاوله بس نكون عارفين بتكلم بلسان كام واحد وعاوزين عربيات ايه
####ممكن نعدل فى الخطه وبدل ما نفذ ده مع التوكيل ممكن يكون مع احد الموزعين اللى ليهم نسبه خصم وتبقى ديه الخطه البديله ####

[yoko]

إن شاء الله وإنت أكيد قابلت محمد كامل أنا كنت لسه معاه من كام ساعة
والي غليت ٢٠١٠ واللتوكيل لسه بيحاول ينزل في سعرها عشان متزدش عن موديلات ٢٠٠٩ بفرق كبير

[bembodeniro]

غلوا العربيه 20000 جنيه لا والنبى هى المشرحه ناقصه قتلى
يا خوفى ترد تانى ل 136 الف وساعتها يبقوا ياقبلونى لو اتباعت وانا عن نفسى هاصرف نظر تماما عنهاامال تخفيض جمارك ايه وعلى 2019 الجمارك صفر والشركه الام بتغلى على اساس ان المصريين نايمين فى الميناء مستنين الفيات ده بدل ما يقولوا يا حيطه دارينى ويخفضوا سعرها و ساعتها اوماترا مش فى ايديها حاجه غير انها ترفع السعر ما هو مش هتاخد العربيه غاليه وتتحمل هى ال 20000 الزياده

[yoko]

ﻷ مش هتوصل للسعر القديم وفيات الأم غلت على الكل عشان مبيعاتها زادت في إيطاليا بشكل كبير
والتجميع التركي جماركة زي ما هيا مش تبع الإتفاقية

[bembodeniro]

غلوا على الكل تمام يعنى هتغلى كام اصل متقوليش هتغلى 5000 جنيه هيبقى كتير يعنى ام 108 تبقى 113 ده غير التامين يعنى ممكن تقفل بالتامين والترخيص 120 يا فرحه قلبى ومعلش يا يوكو مع احترامى الكبير وانت عارف انى بحب الينيا جدا بس مش معقول اروح ارمى 115000 فى عربيه مانيوال كتيرررررررر اوى يعنى ولا انت رايك ايه يعنى انا اصلا كنت بقول 108 وتمام بالرغم من التريقه اللى بسمعها انى عايز اشترى عربيه مانيوال و معديه ال 100 الف سيبك من الناس اللى ماشيه زى القطيع واتوماتيك وسيراتو وكده بس بقى يبقى الكوردبا احسن واسمها برضه اوربى وسيات خارجه من رحم الفيات ده مثلا الكيا سول ب 118 الف واتوماتيك وفيها وسائل امان كويسه وفاميه والاشتغالات اللى بيزغللوا بيها عنين الناس بص انا نظرتى للعربيه غير نظرتك غير نظر اى حد يعنى انا بدور على بادى جامد ووسائل امان كويسه وتكنولجيا وعارف انها فى الينيا بس العيب الوحيد المانيوال بس متغليش سعرها مثلا من 108 ل 115 مثلا والعربيه هى هى متغيرش فيها حاجه امال لو نزلوا اوتوماتيك هتيقى بكام زود 10 تانين ان مكانش اكتر ولو حبيت انا اجى ابيعها بعد 5 او 6 سنين مالقيش اللى يشيلها مش عارف انا خلاااااص دماغى هتشت

[yoko]

هيها هتغلى ٢٠٠٠ أو ٣٠٠٠ بالكتير ويمكن إنت بتقول كده عشان مجربتهاش العربيه ناعمة جدا ولو الواحد هيسمع لكلام الناس مش هيجيب فيات أصلا
والكوردوبا خاماتها معجبتنيش معرفش ليه بس جرب تسوق الإتنين وشوف أنهي هتستريحلها أكتر

[bembodeniro]

انا بصراحه مشوفتش الكوردبا وانا معاك ان لو الواحد سمع للناس هترسى على سيراتو ولا اى هيواندى وانا ضدهم انا اللى بتكلم عليه لو 1000 2000 3000 زياده كويسه لكن تعدى وتوصل ل 115 مثلا هيبقى كتير وانا حابب الينيا جدااااااااا ومقتنع بيها على الاهر بس متغليش لان سعرها ده كويس اوى عليها وسعر منافس لاى عربيه تانيه
سؤال انا لو حبيت احجز 2010 هادفع كام وهستنى اد ايه
سؤال غبى معلش اعذرنى فيه
الينيا مانيوال وفى اخبار انها على 2011 تنزل اوتوماتيك هل ينفع يتغير ال gear books من منيوال لاوتوماتيك
معلش اصل اخوك جاهل فى الميكانيكا

[yoko]

موديل ٢٠١٠ هينزل في أخر شهر ٣ والإستلام بيبقى في إسبوع أو ١٠ أيام بالكتير
أما تغير الجيربوكس بأوتو لما تنزل هيكلف مبالغ طائلة ومش هيكون زي الفبريكه يعني هتخشلها في ٢٠ ألف أو أكتر!!!!
غير تمن الecu وتغير الدركسيون وبلاوي تانيه كتير

[bembodeniro]

موديل ٢٠١٠ هينزل في أخر شهر ٣ والإستلام بيبقى في إسبوع أو ١٠ أيام بالكتير
أما تغير الجيربوكس بأوتو لما تنزل هيكلف مبالغ طائلة ومش هيكون زي الفبريكه يعني هتخشلها في ٢٠ ألف أو أكتر!!!!
غير تمن الecu وتغير الدركسيون وبلاوي تانيه كتير

يالهووووووووووى 20000
طب بالنسبه للحجز المفروض ادفع كام وهل ينفع انى اختار اللون اللى عايزه ولو مش موجود بيجبوه؟؟؟