مفتاح اللينيا ضاااااع

[ahmad--ezzat]

المفتاح 1450 غالى جدا
احمد ربنا ان الاوكره موجوده والا كنت بعت العربيه علشات تشترى اوكره
طيب انا عندى فكره وخبراء المنتدى يقدرو يفيدونا لو تنفع
فى محلات المفاتيح فى ناس بتطلع على المفتاح الكمبيوتر واعتقد على حد علمى ب 250 او 300
فهل ممكن ده يكون حل بديل؟ وممكن بعد كده تركب المفتاح على ريموت من اللى بيتباعوا عند بتاع الانذارات ويوليفه على السياره وده ممكن فى المحلات الكبيره ذى كلاريون مثلا
لو نفعت الفكره دى هتكون اوفر كتير . اسأل مش هتخسر حاجه
وممكن الاعضاء يفيدونا اذا كان ده ممكن ولا لا

الحل دة تمااااااام ..فكك من التوكيل الحرامى ده....فى محلات مفاتيح بره بيبقوا عفاريت فعلا وبيعملو اى حاجه...لف لفه كده وان ساء الله هتعمل واحد احسن من الاصلى

[aymoz]

باشا اسف جداا انا لسة شايف الموضوع دلوقتى
انا مفتاحى ضاع و مكنش معايا الاسبير عشان كانت عربية مستعملة
جبت واحد من العاشر من رمضان اسمة محمود العراقى طلع مفتاح و اشتغل تمام من السبت اللى فات
بس دة انتاة لو من القاهرة فى سوق القنال واحد بتاع مفتايح اسمة سعيد
و طلما معاك الاسبير لو علية الكود هيبقى الموضوع سهل جداا و خصوصا انك معاك سن المفتاح هو كلفنى 400 بس انا كان معايا السن
بتاع المفتاح و هو طالع الشفرة
بس خالى بالك سعيد مغلونى جدااا
وربنا معاك

المشكلة عندي في الريموت اللي في المفتاح

وبصراحة كمان المفتاح كان شكله تحفة و مش هلاقيه عند حد بتاع مفاتيح

[aymoz]

ألف شكر على تفاعلكم يا جماعة وآسف على الرد المتأخر

[damasry]

طب طمنا عملت ايه؟؟

[aymoz]

لغيت شفرة المفتاح اللي ضاع و الراجل بتاع المشتريات مش فاكر اسمه إيه بالضبط ماكانش موجود يوم مارحت فـلازم اروحله تاني

[sefo]

بص يا باشا انا اتأكدت النهارده ان المفتاح المشفر فى ناس كتير بتعمله وطبعا اسهل لو مكتوب عليه رقم الشفره او جبت الرقم من التوكيل وبيتكلف من 200 الى 350 حسب المحل والمنطقه
والريموت بيتباع بحوالى 75 الى 100 جنيهعند بتوع الانذارات . المهم الراجل بتاع الانذار لازم يشوف العربيه ويقولك اذا كان فى نوع مناسب ليه ولا لا وتبقى محظوظ لو طبعا اتوفقت فى نوع مناسب لان شفره كل جهاز انذار او رموت تختلف فى الموجه عن الاخر وان كان فى اجهزه بيتم تغير الموجه واعاده تولبفها
ولو ده حصل هينفع تركب المفتاح الجديد
فلو كنت عامله سلاح فقط هيركب فى 5 دقايق ولو مفتاح عادى بتاع المفاتيع بينشره على المنجله و يخرمه ببنطه رفيعه ويفك الريموت ويركبه فى الحال
وربنا يوفقك

[aymoz]

ألف شكر على اهتمامك و معلوماتك وإن شاء الله هشوف حد بتاع مفاتيح يكون جامد و أشوف يقدر يعمل ايه

[Hesham A.Megid]

رحت انهارده لغيت الشفرة بـ 38.5 جنيه :e_braces[1]:

معلش أنا مش فاهم إيه موضوع الغاء الشفرة ده؟ ممكن حضرتك توضح؟

[redawilliam]

استاذ هشام الشفرة دى بتبقة موجودة على المفتاح و بيكون فى رنج حولين الكونتكت وفية سلك متوصل بحاجة اسمة الايموبلايزر و منه الى الكونترول
و اللى انا فهمه انا الشفرة اللى موجودة فى المفتاح لازم تتوافق مع الشفرة اللى مع الايموبلايزر او الايموبلايزر دة بيعمل ذى كمبرتور بين اشارة متخزنة عندة و شفرة المفتاح و منه بيقول للكنترول ان المفتاح تمام
على فكرة انا كان معايا نفس السن بتاع المفتاح بس كان عادى يدور الموتور بس يبطل على طول

استاذا aymoz
سعيد دة هسال انتاة عايز لمفتاح كدة و لا برموت
و ربنا معاك على فكرة هو موجود فى سوق القنال فى جسر السويس
و المحل اسمة سعيد و عصام
و ابقى طمنا عاملت اية

[aymoz]

استاذ هشام الشفرة دى بتبقة موجودة على المفتاح و بيكون فى رنج حولين الكونتكت وفية سلك متوصل بحاجة اسمة الايموبلايزر و منه الى الكونترول
و اللى انا فهمه انا الشفرة اللى موجودة فى المفتاح لازم تتوافق مع الشفرة اللى مع الايموبلايزر او الايموبلايزر دة بيعمل ذى كمبرتور بين اشارة متخزنة عندة و شفرة المفتاح و منه بيقول للكنترول ان المفتاح تمام
على فكرة انا كان معايا نفس السن بتاع المفتاح بس كان عادى يدور الموتور بس يبطل على طول

استاذا aymoz
سعيد دة هسال انتاة عايز لمفتاح كدة و لا برموت
و ربنا معاك على فكرة هو موجود فى سوق القنال فى جسر السويس
و المحل اسمة سعيد و عصام
و ابقى طمنا عاملت اية

إن شاء الله هاروحله عند أول فرصة لأن الجامعة دخلت و مبقتش فاضي زي الاول

و أنا بتعقد من استاذ دي أنا عندي 19 سنة فـياريت نشيل الالقاب

[redawilliam]

سورى يا مان

[aymoz]

سورى يا مان

أيوه هو ده بوب برنس اديني من ده

[aymoz]

التوكيل مش راضي ينزل عن 1450 خالص
أنا هابعت لفيات و أشوف هيقولوا إيه

[redawilliam]

يا ينى روح لسعيد و شوف هيقوللك اية هو كدة كدة سهران
بدل ما تتدفع فلوس كتير
اونـــــــــــــــــــــــــــــــــــــــطة