إيه رأيكم فى السيارة فيات أرجينتا ياجماعة

[Mohtofy]

فى واحد صاحبى معروضة علية عربية أسمها فيات أرجينتا مواصفاتها كالتالى :

1600 cc, كم100000, سنة 1981, تكييف, راديو بالكاسيت, اقفال مركزى, تعديل المقاعد كه, زجاج كهربائى, مزودة بكومبيوتر, باور ستيرنج

عاوز أعرف هل يشترى العربية دى ولا لا .... وإيه عيوبها .... مع الشكر

[hazem_khidr]

عربيه جميله جدا و مالهاش عيوب نهائي و قطع غيارها نفسها قطع غيار ال 132.
مشكلتها ان فوانيسها بس مش موجوده لاني لقيت عربيتين مركبين فوانيس شاهين يمكن تكون موجوده فعلا لكن استرخصوا.
عموما اسال علي فوانيسها بس عند محل كبير زي علي شاهين لو لقيتهم يبقي اشتريها و مش حتندم

[georock]

هى عاملة كام ؟!!!!

[TAMER LOTFY]

رد على السيارة فيات أرجينتا

السيارة فيات 132 بدأ إنتاجها من عام 1972 حتى 1981 ثم تم إنتاجها من عام 1982 وحتى 1986 بإسم
فيات أرجينتا بنفس المواصفات بتاعة 132 ولكن بشكل حديث نسبيا" .
ظهر من السيارة فيات أرجينتا مواتير 1600 ، 2000 ، ومنها بموتور 2500 بس ديزل .
أعتقد أن السيارة أرجينتا بموتور 2000 سي سي هي الكاملة من حيث التكييف والسنتر والزجاج الكهرباء والباور أما السيارة 1600 سي سي مش عارف بالكماليات ولا لا .
صورة السيارة فيات إرجينتا أسفل .
تم إستبدال السيارة فيات أرجينتا فى عام 1987 بالسيارة فيات كروما وصورتها أسفل .
السيارة فيات أرجينتا جميلة جدا" وسواقتها ممتعة مثل 132 تماما" ولكن بعض قطع غيارها مش متوفرة مثل الأبواب والصاج عموما" وبعض أجزاء الموتور إن وجدت هتبقى غالية بس أعتقد موجودة إستيراد عند بعض التجار الكبار مثل السيارة 132 تماما" .

[Mohtofy]

ألف شكر ليكم ياجماعة على الردود الجميلة دى ومتشكر جدا" ياأستاذ تامر على الصور الجميلة ... أطيب تحياتى

[Xpert]

ابواب ال132 بتركب علب الارجنتا و العكس صحيح .. التابلوه بقطمه الدريكسيون بيركب و العكس صحيح .. كل قطع الغيار الاجزاء الميكانيكيه بتركب ..و الحركه التمام اللي بتتعمل .. بتجيب 132 .. و تركب فيها ابواب و صالون و ميكانيزم الارجنتا و تحتفظ بشكل ال132 (الشبكه و و و ) و يبقي كده انت راكب عربيه لذيذه .. المشكله بقي ان كل حاجه بقت ناار .. فمش هاتعرف تعمل الحركه دي تاني ..

[driftracer11]

العربيه ديه جامده وشكلها فخم ومكنها حلو وربنا يوفقك.

[ahmedezzat78]

هيه جميله بس بلاش عشات هتتعب فى الاكسسوارات زر الفوانيس و الباكتات و الاكصدام وانت عارف فى مصر الحاجات دى بتتكسر كل يوم