ريجاتا نوفا

[HeeemaZ]

انا عايز اسأل عن ريجاتا نوفا 88 وهل هي تفرق عن الريجاتا العادية وأحسن ولا لأ وقطع غيارها موجودة ولا لأ ...

[abadawy]

كانت عندي ولسع بايعها بعد 7 سنوات موديل 89 نوفا قطع غيارها مرطرطه جديد واستيراد

توكل على الله شرط الحاله الجيده وهى قليله

[HeeemaZ]

شكرا ليك لردك
طب ما قولش ليه يا عم قبل ما تبيع :)
ويا ترى كانت حالتها ايه؟ وعملت كام في البيع عشان مايتضحكش عليا .. أوعموما رنجها كام؟؟
وبرده معلش هل فيه ريجاتا 88 عادية و88 نوفا؟؟

[amro1965]

اعمل بحث فى المنتدى عن ريجاتا عادية او اكتب ريجاتا نوفا سوف ياتيك كل شىء باستفاده كاملة

[abadawy]

حالتها كانت كويسه كنت شاددها قبل البيع بسنه عمره وبويا
عمات 23500

[HeeemaZ]

حالتها كانت كويسه كنت شاددها قبل البيع بسنه عمره وبويا
عمات 23500

أنا مش عارف أقولك ايه .. متشكر فعلا لردك عليا وبسرعة كمان
بس سؤال أخير هل كان فيها أي كماليات: تكييف .. جنوط .. زجاج كهربا.. سنتر.. انذار
ول حضرتك تعرف تكاليف الحاجات دي يبقى فعلا كدة خدمتني جامد
وألف شكر حتى لو ما رديتش

[HeeemaZ]

معلش دلوقتي أنا لقيت واحدة موديل 85 حالة نضيفة ومشدودة كويس
بس مافيهاش كماليات ومعروضة على 21 آخر كلام
رأيكم ايه؟
بس فسه حاجة وصاحبها بأمانة قالنا عليها وهي ان في بارومة بسيطة جدا جدا تتحت الشنطة والصنايعي اللي معانا قالنا دي صغيرة وتتعالج والعربية كدة كويسة؟؟
رأيكم ايه؟

[abadawy]

فى اقل وحاله جيده
النوفا مكيفه وزجاج كهربا امامي وسنتر لوك

[HeeemaZ]

فى اقل وحاله جيده
النوفا مكيفه وزجاج كهربا امامي وسنتر لوك

فين بس أنا دورت كتير ومش لاقي؟ :(

[HeeemaZ]

معلش انا نسيت أقول ان العربية مرفوعة 14 سنة وعاملة 112000 كم فقط

[mtageldeen]

انا عايز اسأل عن ريجاتا نوفا 88 وهل هي تفرق عن الريجاتا العادية وأحسن ولا لأ وقطع غيارها موجودة ولا لأ ...

الريجاتا النوفا أفضل من العادية وتختلف في:
1-الكماليات:
تكييف وزجاج أمامي كهرباء وكمبيوتر أعطال

2-الشكل الخارجي:
إختلاف بسيط وي شكل المقابض والنيكل علي وجاج الباب من الخارج وشكل المرايات الجانبية والفوانيس الخلفية والإكصدامات ومزراب علي طرفي السقف وكلها فروق بسيطة جداً.

3-الموديل:
النوفا موديل أعلي من العادية.

لا إختلاف في الماتور ولا الأداء ولا العفشة وحتي قطع الغيار الخارجية يمكن تركيب أحدهما علي الأخر.

ولا مشاكل إطلاقاً في قطع غيارها.

وفي النهاية النوفا أفضل ولكن في المستعمل يحكمك الحالة خاصة أن كلاهما ريجاتا





.