الى كل ملاك الريجاتا افيدونى بسرعه

[amidoo9999]

ان مقبل على شراء الريجاتا بعد اللى انا قرأته عنها هنا فى المنتدى واللى قدامى دلوقتى عربيه موديل 85 وهى 1300 سى سى وهى 85 اس و تقريبا ريجاتا العاديه وليس بها تكيف والزجاج الامامى كهرباء وبها فتحه سقف وجنوط نازله بيها وليس بها بارومه وحالتها كويسه بس العربيه من الخلف واطيه شويه بس المكانيكى بيقول دى ورقه السوسته عايزه تتقنطر فتعلى العريبه وفى صوت فى الدريكسيون المكانيكى بيقول ده عمود ايه مش عارف بظبط بس بيقولى العربيه كويسه ومطلوب فيها 22 الف نهائى انتوا ايه رايكم فيها وايه اللى لازم يتغير اول ما اشتريها علشان العربيه تبقى فايقا معايا معلش انا طولت عليكوا بس معلش اصل انا معرفش حاجه عن العربيه دى خالص غير انها ايطالى وبس

[amro1965]

السلام عليكم ورحمه الله وبركاته
انا لا انصحك بتلك السيارة للاسباب الاتية
سعرها غالى بالنسبه للموديل
وباين من كلام خضرتك انها محتاجه شغل وذلك باين من اهمال صاحبها سواء فى السوست والدريكسيون وماخفى كان اعظم
لعلم حضرتك انا اكرمنى الله عز وجل بسيارة اشتريتها من اكتوبر السنه الماضية موديل 90 مش محتاجه شى اشتريتها ب 25000 جنيه

[D.Tarek]

السلام عليكم ورحمة الله
كل سنه وانتم طيبين بمناسبة يوم مولد سيد الخلق صلى الله عليه وسلم
ردا على سؤالك :
اولا : انا اعرف ان الريجاتا85 1500 cc مش 1300
ثانيا : الصوت ده ممكن يكون علبة دركسيون او اسكاتره بايظه زدي ثمنها ايطالى ب 550 جنيه غير مصنعية التركيب .
ثالثا : لو هتوضب فيها شوية يبقى تعمل حسابك على 1500 _ 2000 جنيه لان قطع غيارها اغلى من معظم الفيات القديم .
عربية ممتازه وناعمة وسريعة واقتصادية في البنزين ولو مفيهاش مشاكل هتحبها جدا.
بس نصيحة اتأكد من الآتي : ( البارومة_اتزان العربية على السرعة االعالية 80 واكثر _ العفشة _ وطبعا الميكانيكا ) لو دول تمام يبقى ممكن تاخدها على 21 الف لو هي فبريكه جوه
على فكره كلامي ده كله عن تجربه شخصية لأن انا اتخميت في عربيتي الريجاتا اشتريتها الشهر اللي فات ولقيت فيها مشاكل كبيرة وعايزه تصرف على الاقل 3 الاف جنيه عشان تبقى كويسه (حسبي الله ونعم الوكيل) وانا بانصحك لوجه الله عشان متقعش في نفس غلطتي
وربنا يعملك اللى فيه الخير

[HeeemaZ]

أخي الكريم انا لسة شاري ريجاتا 85 ودي موتورها 1500 وووريتها لكذا واحد وقالوا ان العفشة والموتور تمام . بس البارومة تحت الدواسات وقالو دي مش مشكلة جامدة .. المهم خلص على 20500 مع ان الناس قالوا غالية شوية بس انا شفت ان طالما الحالة كويسة مش خسارة فيها و ايدة حاجة بسيطة .. أعتقد انها غالي والمفروض تنزل ل 21000 على الاقل وتأكد من موضوع المووتور ده
وبالتوفيق

[amidoo9999]

شكرااااااااااااااا يا شباب بس هى طلعت 1500 سى سى

[mtageldeen]

الريجاتا عربية محترمة جداً خاصة لو أساسياتها سليمة مثل التي تتحدث عنها

العيوب الموجودة بالسيارة التي تتحدث عنها إخصم تكلفتها من 22 ألف يبقي هذا سعر عادل لأنك لن تجد ريجاتا أساسياتها سليمة بسهولة.

تأكد من عدم وجود بارومة حول فتحة السقف أو تحت السيور الخاصة بها.

مقاس كوتش العربية r13/165/70 تأكد من أنه هو المقاس اللي راكب ولو سليم تأكد من أن عتب العربية موازي للأرض تماماً ولو هذا صحيح تبقي العربية غالباً ليست واطية من الخلف.

لأن معظم الريجاتا بتركب مقاس كوتش خطأ مما يعطيك إنطباع بأنها أعلي.


لو إشتريت العربية أول شيء تغير زيت وسير الكاتينة وسير الدينامو
ثم فلتر الهواء وفلتر البنزين
ثم تأكد من سلامة المساعدين الأماميين وربط العفشة.


وربنا ييسرلك الخير




.

[amidoo9999]

شكراااااااااااا على هذه المعلومات الرائعه بس هناك سوال صاحب العربيه بيقول ان فتحه السقف والجنوط بتوع الفبريكه يعى بتوع المصنع وبيقول ان العربيه تقفيل ايطالى وليس مصرى فهل ده صحيح وهل نزل من الريجاتا بفتحه سقف وجنوط كمان ولا لا

[mtageldeen]

شكراااااااااااا على هذه المعلومات الرائعه بس هناك سوال صاحب العربيه بيقول ان فتحه السقف والجنوط بتوع الفبريكه يعى بتوع المصنع وبيقول ان العربيه تقفيل ايطالى وليس مصرى فهل ده صحيح وهل نزل من الريجاتا بفتحه سقف وجنوط كمان ولا لا

الحقيقة أنا أشك في هذا الأمر

أنا من بورسعيد والعربيات هناك كلها مستوردة وليست مصري ولهذا تجد الريجاتا 1300 سي سي كثيراً ولا أذكر أني رأيت منها بفتحة سقف

والمشكلة ليست في الجنوط لو مقاس العجل سليم

ولو إفترضنا أن فتحة السقف بتاع الفابريكة فلن تفرق كثيراً نظراً لعمر العربية المديد في شوارع المحروسة والذي يختفي معه طابع العربية الإيطالي




..

[Colin Chapman]

شكرااااااااااااااا يا شباب بس هى طلعت 1500 سى سى