صيانة ال 70.000 في التوكيل ... شوية اسئلة ؟

[CryptonX]

السلام عليكم ,

الحمد الله عملت بالعربية 73.000 كم الى الان ( من 2006 ) و حتم 4 سنين في ابريل الي جاي :)

دلوقتي انا عايز اعمل صيانة ال70.000 في التوكيل علما باني مزورتش التوكيل تقريبا من صيانة ال 30.000 , بقيت اتصل اسال حنعمل ايه و اغير انا .

بس في حاجات كتير عايز اظبطها فقلت اجي على نفسي واروح المرة دي ( سبب امتناعي مادي مش اكتر ) .

اتصلت من شوية استفسر .. قالي زي صيانة ال 10,000 , فرحت ! علشان صيانة ال 10,000 مكانش فيها غير تغيير زيت و فلتر زيت و فلتر هواء و شيك عام على السيارة .

قلت برده اعرف تتكلف كام , كالي 700 جنيه تقريبا ! و اضاف انه لو مغيرتش زيت الفتيس في صيناة ال 60.000 لازم اغيره الان .

على كلامه الصيانة حيتم فيها الاتي :

- تغيير زيت المحرك
- تغيير فلتر زيت المحرك
- تغيير زيت الفتيس
- تغيير فلتر الهواء
-تغيير فلتر البنزين
- شيك كامل على السيارة ( محرك - كهرباء - عفشة )

اجمالي السعر 700 جنيه .

انا مش مستغلي الرقم اوي .. بس حاسس ان معظم الحاجات دي انا مش محتاج اروح التوكيل فيها .

يعني تغيير زيت المحرك و فلتر الزيت و فلتر البنزين ... انا عارف نوعهم و بغيرهم بانتظام من صيانة ال 30.000

فلتر الهواء .. مش محتاج . انا مركب فلتر سبورت K&N اصلا .

الحاجة الوحيدة الي معملتهاش قبل كدة هي زيت الفتيس .

ببفكر اعمل كل الحجات دي .. و اسيبلهم زيت الفتيس و الCheck up بس , لو اني حاسس ان العربية محتاجاه فعلا علشان ابتديت اشك في اسطوانية الدبرياج .

ايه رايكم ؟

[mohamed_selim]

اخبار السيور اية؟
عندى فى السيينا مطلوب تتغير كل 40000 بس انا بستنا 45000 او 50000
عمرهم ما قالولى على زيت الفتيس ده (انا عامل 150000 لحد دلوقتى و بروح التوكيل كل 30000 تقريبا)
ممكن تعمل الحاجات برة و تروحلوهم عشان زيت الفتيس و التشك اب
بس والحق يقال, هما فى اوماترا جسر السويس محترمين جدا و لحد اخر مره من 4-5 شهور اما بتصل احجز و اروح فى معادى باخد 10% خصم على اجمالى الفاتورة وده بيفرق , اخر مره كان عندى سيور و بلى و شوية الفلاتر فالفاتورة كانت فوق ال 2000 ف 10% مش وحش

[damasry]

حتى زيت الفتيس ممكن تغيره بره عادى.

رأيى لو ها تروح التوكيل يبقى تعمل كل حاجة هناك بس تجيب معاك الزيت وتقولهم انا جايب الزيت.

لو ها تعمل الحاجات دى برة يبقى اعمل كل حاجة بره (الا لو حاسس ان فيه مشكلة وعايزهم يشيكوا على العربية)

[yoko]

معلش كام سؤال كده
١) أخر مره غيرت سيور إمتى
٢) أخر مرة غيرت بوجيهات إمتى
٣) أخر مرة غيرت تيل إمتي

لإن لو معملتش الكلام ده يبقى هتعمل صيانه زي بتاعت ال٤٠ ألف ودي بحوالي ١٥٠٠ أو أقل حاجة بسيطه

على فكرة لما بتروح في معادك الخصم ٥٪ بس مش ١٠٪

[CryptonX]

شكرا لمداخلتكم


السيور غيرتها كلها في ال 60 الف

التيل بغيبروا مع نفسي كل 20 الف

البوجيهات غيرتها في ال 60 الف

خلاص على البركة :) حتصل اسال نوع زيت الفتيس ايه .. و حعمل انا الصيانة برة .. بلا حجز بلا بتاع :)

شكرا .

[CryptonX]

اخبار السيور اية؟
عندى فى السيينا مطلوب تتغير كل 40000 بس انا بستنا 45000 او 50000
عمرهم ما قالولى على زيت الفتيس ده (انا عامل 150000 لحد دلوقتى و بروح التوكيل كل 30000 تقريبا)
ممكن تعمل الحاجات برة و تروحلوهم عشان زيت الفتيس و التشك اب
بس والحق يقال, هما فى اوماترا جسر السويس محترمين جدا و لحد اخر مره من 4-5 شهور اما بتصل احجز و اروح فى معادى باخد 10% خصم على اجمالى الفاتورة :e_braces[1]: وده بيفرق , اخر مره كان عندى سيور و بلى و شوية الفلاتر فالفاتورة كانت فوق ال 2000 ف 10% مش وحش

شكرا لحضرتك , انا غيرتها بالفعل .. ( الكاتينة - الشداد - الدينامو - التكييف ) و بلية الكاتينة كمان كان صوتها عالي غيرتها .

انا عارف انهم محترمين .. بس انا بصراحة بقلق منهم , اخر مرة كنت واقف اتفرج على العربية من فوق .. و لقيتهم بيخلصوا عربيتي ... البيه قفل الكابوت و باعتلي استلم العربية , ببص جنبهالقيت الغطى البلاستيك بتاع الموتور مفكوك و مرمي في الارض !

و الي يغيط بقى !! انه لازم يركب مش منظر بس علشان في جزء من فلتر الهواء ملتحم بيه ! يعني كدة العربية بتشفط من الهواء من غيرفلتر :) طبعا هي غلطة غير مقصودة علشان الزحمة و كدة بس انا معنديش بقى خبرة او نظر اني ادقق في كل حاجة .

الحاجة الوحيدة الي عايز اروح علشانها هي الcheck up بتاع الكومبيوتر علشان ده مش موجود في اي حتة .

حتى زيت الفتيس ممكن تغيره بره عادى.

رأيى لو ها تروح التوكيل يبقى تعمل كل حاجة هناك بس تجيب معاك الزيت وتقولهم انا جايب الزيت.

لو ها تعمل الحاجات دى برة يبقى اعمل كل حاجة بره (الا لو حاسس ان فيه مشكلة وعايزهم يشيكوا على العربية)

منا عارف بس مش عارف نوع زيت الفتيس , عامة انا علطول حاسس ان في مشكلة .. ده طبعي يعني :) و حاليا انا " مفلس " فمش عايز اكتشف حاجات تبوظ عليا يومي :)

فحكتفي بالصيانة بس و شكرا جزيلا .

معلش كام سؤال كده
١) أخر مره غيرت سيور إمتى
٢) أخر مرة غيرت بوجيهات إمتى
٣) أخر مرة غيرت تيل إمتي

لإن لو معملتش الكلام ده يبقى هتعمل صيانه زي بتاعت ال٤٠ ألف ودي بحوالي ١٥٠٠ أو أقل حاجة بسيطه

على فكرة لما بتروح في معادك الخصم ٥٪ بس مش ١٠٪

رديت عليم يا يوكو و شكرا , مش فارق مووضع الخصم ده .. انا كنت ناسي خالص اصلا :)