الثلوج وعربيات معرض يوسف عباس

[damasry]

طبعا معظمكم عارفين ان الدنيا كانت بتمطر ثلوج فى 6 اكتوبر والهرم وفيصل ومن شوية وسط البلد وطبعا متجهة على مصر الجديدة، ياترا عربيات فرع يوسف عباس ها يكون مصيرها ايه وهى عربيات ناس وها تتسلم لصحابها؟؟؟؟

[yoko]

محمد متخفش العربيات مش هيحصلها حاجة والمطرة وقفت خلاص

[د.محمود صلاح]

قصد حضرتك العربيات في العراء والثلج هينقرها ؟

[ahmedbasto]

ايه يا رجالة هى العربيات فى العراء

[yasserit]

لأ متخافش التلج ميعملش حاجه للعربيه انا كنت سايب عربيتي في التلج النهارده و مفيش اي حاجه الحمد لله

[damasry]

من الصبح والدنيا بتمطر وبعدين الجو اتعدل بس مرة واحدة برق ورعد واخبار من مراسلى نايل موتورز عن تساقط الثلوج فى انحاء المحروسة وتمنيت وصول الثلج لوسط المدينة والحمد لله دعائى استجاب ودى شوية صور للمنظر اللى اول مرة اشوفه فى حياتى ومش قادر اقول غير سبحان الله.

[mahamedaraby]

بجد صور الرعد تحفه

انت فنان فى الصوره الصراحه

[ahmadmidop]

جاااامدة فنان والله .... وانا بكرة لو مطرت هعملكم تقرير ...كل واحد يعمل تقرير من محافظته .... عاوزين شبكة مراسلين في جميع انحاء الجمهورية

[د.محمود صلاح]

صور احترافية ,, والحمد لله ان الثلج قطع صغيره لأنها لو كبيره كانت دغدغت زجاج العربيات على 100 حتة

[Ghamrawy]

يا سبحان الله على البرق
قال الله تعالى:
{هُوَ الَّذِي يُرِيكُمُ الْبَرْقَ خَوْفاً وَطَمَعاً وَيُنْشِئُ السَّحَابَ الثِّقَالَ * وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَنْ يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ} [الرعد: 12-13]

يا رب عفوك و رضاك علينا

شكرا على الصور و اول لما شفت الكراسى فى البلكونة افتكرت المصيف مش عارف ليه
كراسى المصيف و جنبها الثلج ....صورة جميلة