حاجة غريبة حصلتلى فى البرافو

[ahmedelnahal]

و انا ماشى بالعربية سمعت صفارة العربية فركزت شوية لقيت العربية بتصفر كل ما بدووس بنزين و بتكتب على الشاشة clutch ...... و ملحقتش اقرأ الكلمة التانية ...
الصراحة انا خفت و ركنت على جمب و وقفت شوية و فتحت الكبووت شوية كده و بعدين ركبت تانى و مشييت عادى و مصفرتش و مش فاهم ايه ده !!!!!!!!!!!!!!!!!!!!؟؟؟؟
اناا كنت ماشى براحة على فكرة على نظام ال ايكونومى
عاوز رد بعد اذنكو عاوز افهم فى ايه !!!!!!!!!؟...

[damasry]

ياريت فى اقرب فرصة تروح للتوكيل وتكشف على العربية عشان معنى الايرور ده ان فيه حاجة فى الديسك والاسطوانة.

[ahmad--ezzat]

الله اعلم...اعمل سيرش على جوجل وجرب يمكن تلاقى حاجه....
والمره الجايه قول للتوكيل

[damasry]

حضرتك مش لاقى رسالة تحذير فى المانيوال بخصوص الclutch غير انه مشكلة فى الحرارة

[ahmedelnahal]

معتقدش انه بخصوص الحرارة .. الجو كان برد و مطر ...

[damasry]

معتقدش انه بخصوص الحرارة .. الجو كان برد و مطر ...

حرارة الClutch مش حرارة العربية

[amrbakly]

انا متوقع أنها حتطلع مشكلة في الفرامل بسبب المية بس مش اكتر و حتروح بمجرد ما التيل ينضف و الدنيا تتظبط

[ahmedelnahal]

رحت التوكيل النهارده و سألت على الموضوع ده المهندس شريف
و حكتلو قالى انه بسس ان الشارع واقف و انا كنت جايبها على ال D فالاسطوانة كانت بتلف على الفاضى فسخنت
و اللى فهمتوا انه فى الاشارات أحاول اجيب العربية على ال N
و الصراحة انا مش مقتنع بالكلام ده ...
معنى كده انه كل ما الشارع يقف اجيبها على ال N و بعدين لما يمشى ارجع اجيبها على Drive ... ؟!!!

[yoko]

ايوه المفروض تمور العربيه (متنساش إنها مانيوال ودبرياج كهربى يعني طول ما إنت واقف على الd والعربيه مبتتحركش كإنك دايس دبرياج للأخر)

[kmhbravo]

أعتقد كلام المهندس مظبوط لأن العربيه مانيوال مش أتوماتيك تخيل لو هي مانيوال عادى وإنت فضلت جايب الأول ودايس دبرياج وواقف لمده 10 دقايق رجلك هاتوقف والكلتش هايسخن لأنك كده رابط الكلتش بالموتور وأما بتسيب الدبرياج بيفك منه

[KHALED AYMAN]

كلام المهندس مظبوط ...
الاوبل عندى فى ظروف خاصه (بعملها بمزاجى)لما الدبرياج بيسخن ...
بتتقل اوى فى الطلعه و صوتها بيعلى و مش بتجمع سرعه ...
لحد ما تعدى ال 20 ...

[damasry]

ما قولنا كده من الاول

ياريت يا باشا تشوف الكتيب بتاع الفتيس والتعليمات اللى فيه.

[ahmedelnahal]

ازاى عادى يا جماعة !!؟ :s
انا الصراحة شايف ان ده عييب فى البرافو ...
انا سقت عربيات اوتوماتيك كتير عمر ما فى عربية عملت معايا كده و لا اضطريت انى كل ما اقف فى اشارة امور ولا حاجة ..

[kmhbravo]

ازاى عادى يا جماعة !!؟ :s
انا الصراحة شايف ان ده عييب فى البرافو ...
انا سقت عربيات اوتوماتيك كتير عمر ما فى عربية عملت معايا كده و لا اضطريت انى كل ما اقف فى اشارة امور ولا حاجة ..

زى ما كتبت قبل كده أعتقد كلام المهندس مظبوط لأن العربيه مانيوال مش أتوماتيك تخيل لو هي مانيوال عادى وإنت فضلت جايب الأول ودايس دبرياج وواقف لمده 10 دقايق رجلك هاتوقف والكلتش هايسخن لأنك كده رابط الكلتش بالموتور وأما بتسيب الدبرياج بيفك منه .

العربية مانيوال وبتشتغل بنفس لوجيك المانيوال يبقى كل المانيوال فيه عيبب لا طبعاً وانا شايف إن ديه ميزة مش عيب بالنسبالى لأنى بحب المانيوال عن الأتوماتيك

[damasry]

ازاى عادى يا جماعة !!؟ :s
انا الصراحة شايف ان ده عييب فى البرافو ...
انا سقت عربيات اوتوماتيك كتير عمر ما فى عربية عملت معايا كده و لا اضطريت انى كل ما اقف فى اشارة امور ولا حاجة ..

مش كل اشارة ولا حاجة بس الاشارات الطويلة اللى ها تقف فيها مدة طويلة.

بنفس المبدأ الشركة بتطالبك انك وانت واقف على مطلع مش توقف العربية بانك تدوس بنزين عشان تفضل واقفة فى مكانها، لأ عشان ده فيه حمل على الديسك والاسطوانة، والحل الامثل انك تدوس فرامل او ترفع الهاند بريك.