المثلث العاكس

[ayman2]

طبعا موضوع المثلث العاكس ده قديم وهو احد صور التخبط فى القوانين المتعلقه بالحياه اليوميه للمواطن المصرى المغلوب على امره . لكن حتى الأن لا احد يعرف متى يصحو رجال المرور ويتم التفتيش عليه فجاه وانا اشتريت واحد تعبان ب 30 جنيه وقت الأزمه مع ان ثمنه الحقيقى لا يتعده 5 جنيه وقد فوجئت انه مازالت فى محافظات بتسلمه وانت بتجدد الرخصه وبعض رجال المرور بيسألوا عليه وما حدش عارف ايه الحقيقه المهم انا كنت فى عمر افندى - مكرم عبيد ووجدت هناك مثلث عاكس محترم جدا وفى علبه حمراء وهو قابل للطى وله ارجل وقلت فى نفسى اكيد ده تمنه معدى 50 جنيه مثلا ولكنى فوجئت ان ثمنه 18,95 جنيه فقط فطبعا اشتريت واحد ولا اعرف ان كان يباع فى التوفيقيه بسعر أرخص ام لا لكن انا حبيت اقول لكم المعلومه دى لأن لا احد يعرف القانون ده ايه أخباره ومتى يصحو فجأه . هذا لعموم الفائده والله أعلم

[د.محمود صلاح]

القانون هيتم تفعيله من مايو القادم على حد علمي ,, وشكراً للمعلومة والمشكلة في الشنطة أكبر من مشكلة المثلث

[ayman2]

الشنطه فى اختلاف عليها بين وزاره الصحه والداخليه على حد علمى

[aymansaad]

لنا الله
وحسبنا الله ونعم الوكيل

[mada_mada81]

يا جماعة انا كنت بجدد الرخصة امبارح (مرور السلام)والمهندس مرديش يختم ورق الفحص الا بعد ما اشتريت شنطة الاسعافات والثلث وهما عملين كشك جوه الفحص بيبعهم ب 70 جنيه واضطريت طبعا اشتريهم عشان اخلص وحسبنا الله ونعم الوكيل

[yoko]

أنا مش ماشي غير بالطفايه وربنا يستر

[ayman2]

الحق اشترى المثلث علشان ممكن تجد لجنه مرور فجأه بتفتش عليه لأنه بمزاج الضابط حتى الأن وانا عندما كنت برخص قالولى مافيش ولا شنطه ولا مثلث وماكنش حد عارف حاجه ولو عاوزنى اشترى لك واحد قولى لأنه جنبى

[mtageldeen]

يا جماعة انا كنت بجدد الرخصة امبارح (مرور السلام)والمهندس مرديش يختم ورق الفحص الا بعد ما اشتريت شنطة الاسعافات والثلث وهما عملين كشك جوه الفحص بيبعهم ب 70 جنيه واضطريت طبعا اشتريهم عشان اخلص وحسبنا الله ونعم الوكيل

نفس الكلام حصل في مرور الشيخ زايد