أستفسار بسيط :- ما سر أنخفاض سعر السيارة الريتمو ؟؟؟

[georock]

هاى شباب
كنت عايز أستفسر عن سر أنخفاض سعر الريتمو
مثلا أتعرضت عليا عربية موديل 79 و 1500 سى سى و جنوط أسبور و دهان خوارج بس و ماتور ألمانى
و سعرها 19000 جنيه بس ؟؟؟؟؟؟!!!!!!!!!!!!
أنا مقدرش أكدب عليكوا و أقول لكم أنى بخبرة فى العربيات
بس كل الريتمو أسعاره فى الأرض
بس هى دى العربية اللى فاكرها
أرجو الرد سريعا
وشكرا

[ahmed_3omda]

georock

تسمحلي ارد علي سؤالك بما اني معايا ريتمو واشتريتها من حوالي خمس سنين كانت ب 10 الف جنيه

جابتلي من حوالي تلات شهور 20 الف جنيه ..


أتاكد ان اي عربيه في مصر لايمكن ترخص :D

الناس بتخاف من الريتمو بيقول علشان الماتور قوي جدا عليها والشاسي بتاعها مش بيستحمل .. انا عايز اقولك ان العربيه بقالها معايا خمس سنين وبضبط زوايه بالسنه وانا بغير الكاوتش بس :D

ولو عايز ريتمو شوف المواصفات دي :-

1983 لونها نبيتي ميتالك وجنط 14 أسبور وفرش جلد وتابلوه جديد وسوند سيستيم كامل كاسيت 4 سماعات بالصب والجي ام وسياره فبريقه حسب كلام صاحبها هوا جاري أصلا مطلوب 25 الف جنيه .. فكر وقولي :D

[ahmedezzat78]

علب شاسيه الريتمو اضعف من 128 شويه و بتشرخ اسرع

[bogyman123]

السلام عليكم
طب هل ممكن اعملها تقوية باى حاجة او اركب حاجة تقويها ؟؟؟؟

[Hossam_Hassan]

19000 جنيه مش قليل على عربية موديل 1979

[hazem_khidr]

الريتموفيات نفسها اعترفت انها النقطه السودا في حياتها علشان موضوع الشاسيه دا.
انما هيا كعربيه كويسه بس مش بتاع اهانه يعني ما تكلش بيها مطبات و تدغدغ فيها

[sohaelkholly]

طيب سعر الريتمو موديل 1988 و حالة السيارة من الخارج جيدة جدا و من الداخل معقولة

[sasoha]

يا جماعة اريد بيع سيارة ريتمو موديل 88 و لا اعرف كم اطلب فيها و هي بحالة جيدة ارجو الافادة

[mmmmgogommmm]

الشاسية طويل وعريض وضعيف

[ahmedzizo131]

19000 الف كتير جدا جدا على ريتمو .