تانك الدوجان كام لتر

[ابوهاشم]

السلام عليكم
انا معايا دوجان موديل 1995 وعندى حاجه محيرانى
لما مؤشر البنزين بيكون فى النصف بروح افول يعمل تقريبا 17 لتر
ولما اللمبه بتاعت البنزين تنور والمؤشر على الصفر
بتعمل تفويل 34 لتر وناس كتير بتقوللى ان التانك المفروض 44 لتر
هل معنى كده ان فى مشكله عندى فى العوامه ولا هو التانك فعلا 34 لتر بس
ياريت اصحاب الدوجان يفيدونى فى الحوار ده
وخوصصا اللى معاه موديل 95

[ahmedzizo131]

علما اعتقد و مش متاكد انة فى حدود 40 لتر

[Sherifmt]

تانك الدوجان 50 لتر منهم 7.5 لتر احتياطي لما توصلهم اللمبة بتنور موضوع المؤشر ممكن تكون بالونة العوامة بايظة ودي بخمسة جنية جديدة الكهربائي بتاعك يغيرهالك أو تغير العوامة كلها ب 60 جنية ....... تحياتي

[ابوهاشم]

شكرا للردود وانا مافيش قدامى غير انى اشيل معايا جركل بنزين
صغير وامشى بالعربيه لغايه ماتبطل بنزين
وساعتها استعمل الجركل ده واروح افول واعرف مونت كام لتر

[michohat]

تانك الدوجان 50 لتر منهم 7.5 لتر احتياطي لما توصلهم اللمبة بتنور موضوع المؤشر ممكن تكون بالونة العوامة بايظة ودي بخمسة جنية جديدة الكهربائي بتاعك يغيرهالك أو تغير العوامة كلها ب 60 جنية ....... تحياتي

نص ساعه عند الكهربائي يفك العوامه و يشوف البالونه ( ساعات بيلحمها) لو كانت بتغش وده افضل بكتير
العوامه غيرتها لفيات 131 من شهرين ب 3 جنيه والكهربائي خد 5 جنيه واتعلمت منه الطريقة والايام دى رجعت تغش تانى معايا فان شاء الله ناوى احاول فيها قريب قبل ما استعين بالكهربائي

[damasry]

تانك الدوجان 50 لتر

+11111

[ابوهاشم]

نص ساعه عند الكهربائي يفك العوامه و يشوف البالونه ( ساعات بيلحمها) لو كانت بتغش وده افضل بكتير
العوامه غيرتها لفيات 131 من شهرين ب 3 جنيه والكهربائي خد 5 جنيه واتعلمت منه الطريقة والايام دى رجعت تغش تانى معايا فان شاء الله ناوى احاول فيها قريب قبل ما استعين بالكهربائي

حضرتك تقصد غيرت البالونه بس ولا العوامه كلها

[michohat]

العوامه عندي سليمه اللى كان فيه العيب كان البالونه كانت بتملا بنزين و بتتقل و بتدى قراءات غلط
واظن ان تغيير العوامه زى تغير البالونه لان فى الحالتين العوامه كلها بتطلع بره ويا اما بتغير البالونه وتركب لاما تركب عوامه جديده
البالونه الجديده فى حدود 3 - 5 جنيه اما العوامه معنديش عنها فكره

[ابوهاشم]

شكرا على التوضيح
وان شاء الله هجرب تغيير العوامه

[ابوهاشم]

انا فكيت العوامه بنفسى النهارده ولقيت البالونه مليانه بنزين
وادركت طبعا انها كانت بتدى قرايه غلط
واشتريت بالونه جديده ب3 جنيه وركبتها
وشكرا جزيلا للردود اللى استفدت منها

[michohat]

انا فكيت العوامه بنفسى النهارده ولقيت البالونه مليانه بنزين
وادركت طبعا انها كانت بتدى قرايه غلط
واشتريت بالونه جديده ب3 جنيه وركبتها
وشكرا جزيلا للردود اللى استفدت منها

تمام كده
انا برضه عملت الحكاية دي امبارح و كانت البالونه فيها بنزين وغيرتها بواحده تانيه بس العوامه لسه مش شغاله فكده هروح للكهربائي علشان يشوف في ايه
فعلا مفيش احساس افضل من انك تعمل حاجتك بايدك حتى لو مش اتصلحت

[michohat]

سؤال معلش هوا انت فكيت العوامه بسهولة
لانى كان لازم افك السماعه اللى فوق التنك علشان اعرف افك العوامه والمفروض ان عربيتنا متشابهه فى التصميم

[ابوهاشم]

انا فعلا رفعت الرف اللى عليه السماعات