الشاهين بتسخن

[ymoniem]

السلام عليكم
السياره شاهين موديل 2005 و بتسخن لحد ما الحراره تصل الي 100درجه ولكن المروحه لا تعمل الا عند وصول الحراره الي 100 ان المروحه سليمه فهل من اقتراحات
1- المياه تملئ الرادياتر باكامل ولا يوجد تسريب
2- تم تغيير الثرموستات اكتر من 3 مرات
3- مروحه المياه جديده

[sh_masry]

فى رأيي و الله اعلم ان الترموستات دى بتاعت عربيه نوع تانى او لو الأصلى و انت متأكد ,,,,, يبقى تجيب ترموستات بتفصل بدرى علشان وقت ما الحراره تيجى 90 تشغل المروحه .
و ارجو مساعده المهندس سبعاوى لك .

a7'ook
Sherif

[sab3aawy]

بص يا سيدى الفاضل، هاتعبك معايا شوية علشان اقدر اقوللك إذا كانت السخونة دى طبيعة وللا مش طبيعية

هل السخونة دى بتحصل والعربية ماشية وللا والعربية وافقة سلانسية وللا فى الحالتين

لو بتحصل والعرببية ماشية فقط فده طبيعى لأن ردياتير العربية حديد ، وحساس الحرارة بتاع مؤشر التابلوه موجود فى أسخن نقطة فى دورة المياه(خروج وش السلندر) ، فى حين ان حساس المروحة موجود فى ابرد نقطة قى دورة التبرد عند نهاية الردياتير السفلى، فاللى بيحصل ان المية بتكون خارجة سخنة جدا من المحرك وانت بتشوف حراراتها امامك على المبين، لكن بتبرد فى الردياتير بشدة قبل ما توصل لحساس الحرارة بتاع المروحة وبالتلى على ما توصل له بتكون بردت ماتشغلش المروحة

لكن لو انت واقفسلانسية بيكون التبردي قليل وبالتالى حرارة المية اللى خارجة من وش السلندر قريبة من حرارتها عند قاع الردياتير فالمروحة بتشتغل فى حين القراية قدامك لسة 90

لذلك ارجو من منك انك تلاحظ امتى المروحة بتشتغل وانت ماشى ، وامتى بشتغل وانت واقف (او الحد الأعلى اللى العربية بتوصلله وانت سايق او واقف، ولو لقيت ان انها بتعلا لحد 100 وانت ماشى وليس وانت واقف يبقى ماتقلقش

لو بتعلا لحد 100 فى الحالتين امام حل من 2، يا تجيبلها حساس مروحة اللى بيشتغل عند 70 (20 جنيه) يا إما تغير سرابانتينة الردياتير بواحدة نحاس (300 جنيه)

[Abonora]

هات ثرموستات 60-80
دي بعد تجربة زي الفل.......بس الايطالي :mrgreen:

[ymoniem]

الله ينور عليك يا بشمهندس سبعاوي
المروحه مع عداد الحراره متناسبه فعلا والسياره و اقفه تقريبا بتعمل عند قرأه 92
اما في حاله السير فالمروحه تعمل عندما تكون قرأه العداد 100
علي فكره الثرموستات الجديد 92-87 زي المانيول مابيقول
المشكله ان موضوع الفرق في حله السير لم يحدث الا حديثا

اذا انت تري ان 100 في حاله المشي شئ طبيعي و لا يؤثر ع كفاءه السياره ام استبدل بثرموستات 60-80
وجزاكم الله خيرا ( الي كل من اجاب الرساله)

[sab3aawy]

طالما كدة يبقى الوضع غير مقلق

فقط إعمل دورة مزيل صدأ للردياتير مرة أو مرتين، وغير المياه الردياتير بالكامل بمية خضراء (اللى بيكون فيها إيثيلين جلايكول)

[ايهاب]

غير الثيرموستات --لانه لما يقدم احيانا يخرف-----نفس اللي حصلك حصللي
غيرت الثرموستات كله بقي تمام------ولا تتجاهل طبعا نصيحة م/سبعاوي وانت كدة كدة هاتفقد المية القديمة
dr/ehababdelhafeez

[MOHAMED ABD EL SHAFY]

عندى سؤال ممكن حد يجاوب عليه؟
لو عندى ريداتيير الومنيوم الو حديد (مش عارف ) المهم انه مش نحاس
وقمت بتغييرة بنحاس زى ما السبعاوى قال هل فعلا هلاقى فرق فى التبريد يعنى الفلوس دى هتجييب نتيجة كويسة رغم ان الريداتيير الحالى مفيهوش مشكلة
الا الما اشغل التكييف العربية بتسخن اوى يعنى بتوصل ل 110 وساعتها اضطر لغلقة واتخنق من الحر رغم ان الميا فى القربة مش ناقصة ولا حاجة
هل غطاء القربية لازم ميكونش مربوط اوى عشان يعادل الضغط ؟؟؟؟
لم هويتة لا حظت ان العربية لما سخنت المياه اتبخرت ودخل هوا فى دورة التبريد!!!! ولو احكمت غلقة بلاقى تسرب بسيط من المياه الخضراء عند وصلات الخراطييم!!!! مش عارف اعمل ايه
ارجوا المساعدة

[Ahmed Hassan]

محمد,,

اتأكد ان مروحة التكييف اللي على الريداتير بتشتغل لما تشغل التكييف.

[bogdady]

السلام عليكم ورحمة الله وبركاته لو سمحتم ياجماعة سيارتى فيات131 وبتسخن هى وماشية وكمان واقفة والرادياتير نظيف والمروحة شغالة هى موديل1977 هل من حل؟