برافو عليكم يابتوع الفيات و الالفاروميو والماساراتي ( اوبشن حلو اوي في اللينيا )

[macdiv]

ياريت تطولوا بالكم شويه معايه عشان انا بشرح بالعربي و بالعاميه كان ،،، انا مش بعمل دعايه و لا حاجه بس حبيت اوضح ان العراقه و الخبره لها تمن برده ،،، حد يعرف ان النظام الجديد اللي عاملاه فيات في عربياته المانيوال بدبرياج هو أذكي نظام الي لتحكم كومبوتر السياره في الموتور و الجير بوكس في آن واحد ،،، اذاي هقولكم - طبعا اللي معاهم لينا و البونتو الجديده هيتاكدوا من كلامي ده ،،، و اليكم الدليل ،، كلنا طبعا - لللي راكبيين مانيوال - عارفين ان اي تخطيط لتغير مستوى النقله من اول ال تاني او من تالت الي رابع او من رابع الي تالث او حتى ثاني ،، لازم يصاحبه دوس على الدبرياج و كذلك في الملفات و كذلك عند تهدئه سرعه السياره و بين الاشارات ،،الخ و ده طبعا لان عدد لفات الموتور يجب ان يتناسب مع رقم النقله و مع سرعه العربيه الحاليه ،، و لو محصلشي ده هتكون النتيجه ان العربيه هتبطل ،،، حتي لو العربيه علي اول غيار و حني مشين بالراحه لو مدسناش بنزين هتبطل العربيه ،،عشان كده كل شويه بندوس دبرياج ،،،، فيات بقه عملت ايه عشان تحل المشكله ده ،، فيات ركبت مجموعه سنسورز في اجزاد مختلفه في العربيه بحيث انها تعوض ده بعدد لفات للموتور زياده لوحدها حتي و لو مش ديسين بنزين ،،،، طبعا الي فاهم تكنيكال شويه هيقولي قديمه ماهوده الايديال سنسور و ده موجود في كل عربيه ،،، هقولهم لا عشان الجزء الي جاي ده مش موجود في اي عربيه و ذلك بالتجربه العمليه ،،،،
١- دور العربيه و خليها تسخن و يوصل الايدال ار بي ام الي ٨٥٠٠لفه تقريبا
٢- دوس دبرياج و عشق الاول و دوس بنزين و اطلع بالعربيه
٣- اوصل بالعربيه لسرعه ٢٠كم تقريبا
٤- ارفع رجلك من علي دواس البنزين من غير مادوس دبرياج
٥- لاحظ ان سرعه العربيه بتقل شويه نتيجه شيله رجلك من على دواسه البنزين بس لسه ماشيه مظبوط و بدون ترددد و الار بي ام تقريبا من ٩٠٠٠-١٠٠٠٠لفه
الي بيحصل ان الكومبيوتر بيعوض شيله رجلك من علي دواسه البنزين عشان يحافظ علي سرعه العربيه و متبطلشي من غير ما تفضل دايس او تفضل تدوس كل شويه علي البنزين و ده لو عايز تمشي بالراحه -زي بين الاشارات - و الاهم ن كده انه ريحك من دوسه الديبرياج كل شويه و ريح الاسطوانه و الديبرياج و حافظلك عليهم
٦- يعني بدل ما الي راكب الاوتوماتيك في الاشاره بينقل رجله ما بين الفرامل و البنزين ،، احنا يا إما نسيبها ماشيه لوحدها او ندوس فرامل ..... شكرا فيات

[Moe86]

شكرا, بس تعليقى ماهو أغلب العربيات الجديدة كدة
و بعدين لما بكون جايب الأول و سايبها ماشيه لوحدها على سرعة 10 كيلو تقريبا , ساعات بيبقى كتير برده و بتضطر أدوس على الدبرياج مع الفرامل علشان ماتبطلش

[yoko]

انا فاهمك بس عشان توضح للناس قصدك إيه
أنا العربيه بسبها على الخامس بدون ما أدوس بنزين والعربيه بتفضل ماشيه على سرعة ٤٠كم\س ومبتبطلش ولو مطلع بتزود بنزين خفيف وتطلع
عملت مره كده من نزلة المحور لحد كارفور ٦ إكتوبر من غير ما ألمس البنزين ومعشق خامس
وصاحب الموضوع قصده إن في الإشارة مش هتحتاج غير الفرامل والدبرياج مش محتاج تدوس بنزين

[أحمد علاء]

ياريت تطولوا بالكم شويه معايه عشان انا بشرح بالعربي و بالعاميه كان ،،، انا مش بعمل دعايه و لا حاجه بس حبيت اوضح ان العراقه و الخبره لها تمن برده ،،، حد يعرف ان النظام الجديد اللي عاملاه فيات في عربياته المانيوال بدبرياج هو أذكي نظام الي لتحكم كومبوتر السياره في الموتور و الجير بوكس في آن واحد ،،، اذاي هقولكم - طبعا اللي معاهم لينا و البونتو الجديده هيتاكدوا من كلامي ده ،،، و اليكم الدليل ،، كلنا طبعا - لللي راكبيين مانيوال - عارفين ان اي تخطيط لتغير مستوى النقله من اول ال تاني او من تالت الي رابع او من رابع الي تالث او حتى ثاني ،، لازم يصاحبه دوس على الدبرياج و كذلك في الملفات و كذلك عند تهدئه سرعه السياره و بين الاشارات ،،الخ و ده طبعا لان عدد لفات الموتور يجب ان يتناسب مع رقم النقله و مع سرعه العربيه الحاليه ،، و لو محصلشي ده هتكون النتيجه ان العربيه هتبطل ،،، حتي لو العربيه علي اول غيار و حني مشين بالراحه لو مدسناش بنزين هتبطل العربيه ،،عشان كده كل شويه بندوس دبرياج ،،،، فيات بقه عملت ايه عشان تحل المشكله ده ،، فيات ركبت مجموعه سنسورز في اجزاد مختلفه في العربيه بحيث انها تعوض ده بعدد لفات للموتور زياده لوحدها حتي و لو مش ديسين بنزين ،،،، طبعا الي فاهم تكنيكال شويه هيقولي قديمه ماهوده الايديال سنسور و ده موجود في كل عربيه ،،، هقولهم لا عشان الجزء الي جاي ده مش موجود في اي عربيه و ذلك بالتجربه العمليه ،،،،
1- دور العربيه و خليها تسخن و يوصل الايدال ار بي ام الي 8500لفه تقريبا
2- دوس دبرياج و عشق الاول و دوس بنزين و اطلع بالعربيه
3- اوصل بالعربيه لسرعه 20كم تقريبا
4- ارفع رجلك من علي دواس البنزين من غير مادوس دبرياج
5- لاحظ ان سرعه العربيه بتقل شويه نتيجه شيله رجلك من على دواسه البنزين بس لسه ماشيه مظبوط و بدون ترددد و الار بي ام تقريبا من 9000-10000لفه
الي بيحصل ان الكومبيوتر بيعوض شيله رجلك من علي دواسه البنزين عشان يحافظ علي سرعه العربيه و متبطلشي من غير ما تفضل دايس او تفضل تدوس كل شويه علي البنزين و ده لو عايز تمشي بالراحه -زي بين الاشارات - و الاهم ن كده انه ريحك من دوسه الديبرياج كل شويه و ريح الاسطوانه و الديبرياج و حافظلك عليهم
6- يعني بدل ما الي راكب الاوتوماتيك في الاشاره بينقل رجله ما بين الفرامل و البنزين ،، احنا يا إما نسيبها ماشيه لوحدها او ندوس فرامل ..... شكرا فيات

عفوا بس حضرتك كل ارقام ال rpm عندك فيه صفر زائد على اليمين
تنبيه فقط علشان محدش يتلخبط

[aymoz]

كلام مظبوط و هو ده الفرق بين الاوروبي و الكوري بصفة عامة

[NoRmAl]

نقطه بس علشان سمعتها كذا مره
كل العربيات المانيوال بلا أستثناء أى كان نوعها
لما بتديها غيار وتشيل رجلك سنه بسيطه من على الدبرياج بدون متلمس البنزين لازم تطلع
كذلك الامر على النقلات الكبيره زى الرابع أو الخامس بس العربيه تكون واخده سرعه علشان الرابع مثلا مش هيقومك من الثبات
وفعلا فى الزحمه والاشارات السواق الفاهم ميلمسش البنزين ,,يدى غيار أول بس ويرفع رجله سنه من على الدبرياج
بس كده
فحابب أوضح أن دى ملهاش علاقه لا أوروبى ولا كورى ولا هندى ولا مريخى حتى :))
كل العربيات كده

[Moe86]

فعلا كل المانيوال كدة , حتى الفيات 128 من التمانينات
بس الراجل يشكر انه نقلنا تجربته

[yoko]

الفكره في حاجة تانيه يا على إن العربيه الrpm مبيبقاش في السلانسيه ﻷ ده بيطلع ويوصل ل١ وربع ولو الطريق مطلع بتزود أكتر وكمان على الرابع والخامس بشيل رجلي خالص من على الدبرياج مش بفضل معلقة عشان متفصلش ولو ولعت التكيف العربيه بتدوس أكتر
أنا الكورولا مكنتش بتعمل معايا كده بس يمكن عشان متورها ضعيف ١٣٠٠ سي سي

[Ralliart]

ممكن حد يفهمني اكتر؟؟؟
اصل انا كنت بعمل كده بالـ128

[aymoz]

نقطه بس علشان سمعتها كذا مره
كل العربيات المانيوال بلا أستثناء أى كان نوعها
لما بتديها غيار وتشيل رجلك سنه بسيطه من على الدبرياج بدون متلمس البنزين لازم تطلع
كذلك الامر على النقلات الكبيره زى الرابع أو الخامس بس العربيه تكون واخده سرعه علشان الرابع مثلا مش هيقومك من الثبات
وفعلا فى الزحمه والاشارات السواق الفاهم ميلمسش البنزين ,,يدى غيار أول بس ويرفع رجله سنه من على الدبرياج
بس كده
فحابب أوضح أن دى ملهاش علاقه لا أوروبى ولا كورى ولا هندى ولا مريخى حتى :))
كل العربيات كده

على فكرة أنا قصدي عالسينسورز مش موضوع الطلعة ده

[ahmedbasto]

هى دى فيات لازم تنفرد وتجى شركات اسيوية دون ذكر اسماء تاخد الأفكار وتوفر خامات فيحصل عندها عيوب فى الفيتس

[macdiv]

شكرا يا شباب على مشاركتكم و معلشي عدى عليه موضوع الصفر ... و بل تحيز انا جربت الالنترا النهاره و السوناتا المانيوال و مفهومشي الموضوع ده و بعدين لازم تلاحظو الفرق بين الار بي ام العالي علاطول او اللينتو بتعلوه في ٢٧ و ٢٨ و اللي بيعلى مع ظروف التشغيل -زي التكيف مثلا - و اللي بيعلى و يوطى مع التعشيق و دوسه الدبرياج ،،، و شكرا لكم

[mohie777]

شكرا على المعلومة

[تامر.محمد]

انا كمان مش فاهم الفرق بين كده و كل العربيات الانجيكشن (اللهم الا اللي قاله يوكو )
عندي في اللانوس برده لو انا واقف و عشقت غيار و شلت رجلي من على الدبرياج العربية بتطلع و تمشي على سرعة الآيدل
الكلام ده على الأول و التاني , ما جربتوش في غيارات اعلى من كده عشان عزمهم اكيد اضعف

[yoko]

انا كمان مش فاهم الفرق بين كده و كل العربيات الانجيكشن (اللهم الا اللي قاله يوكو )
عندي في اللانوس برده لو انا واقف و عشقت غيار و شلت رجلي من على الدبرياج العربية بتطلع و تمشي على سرعة الآيدل
الكلام ده على الأول و التاني , ما جربتوش في غيارات اعلى من كده عشان عزمهم اكيد اضعف

جرب على الخامس وشوف هيحصل إيه بس متجربهاش كتير وإنت هتجيب أول تاني تالت رابع خامس تكون وصلت لل٥ على سرعة ٤٠ أو ٤٥ بالكتير وشيل رجلك من على كل حاجة وسيب العربيه تهدي هتلاقي العربيه بطلت لكن اللينيا مبتبطلش بتفضل ماشيه