عزل الموتور عن الصالون وبسبوس المساحات

[sherif_84]

أنا عندى فى الشاهين حاسس ان السخونة بتاعت الموتور كلها جاية عندى فى الصالون ده حتى اللى بيركب معايا بيفتكر انى مشغل الدفاية عايز أعرف ازاى أتخلص من المشكلة دى وهل هى مشكلة كبيرة محتاجة شغل جامد عشان لو بسيطة أعملها وأرتاح منها عشان ماتتصوروش كمية الهوا السخن اللى بيدخل للصالون وعلى فكرة معظم الهوا السخن ده بيبقى جاى من تحت الدركسيون جهة السائق
انما جهة الراكب كويسة مافيهاش تسريب للحرارة بتاعت الموتور بس طبعا اللى قاعد جنبى بيحس بيها
وبالنسبة لبسبوس المساحات أنا خلاص زهقت كل ماأركب جديد ألاقى حد بيلعب فيه ويشيلوه من مكانه أنا اشتريت لغاية دلوقتى حوالى 5 كل مرة بيتشال الظاهر فى حد مصتقصدنى ( :
لو حد يعرف ازاى أثبته أو أجبله حاجة تثبته فى مكانه كويس أكون شاكر ليكم جدا

[شريف]

السلام عليكم

اول حاجة شوف الهوايات اللى فى التابلوة مفتوحة و لا لا
وشوف الجزء اللى فية تلاتة ازرع كدة فى التابلوة اللى ممكن يتحكم فى التكييف لو الدراع على وضع فتح الهواء مفتوح

بعد كدة خلى سروجى يشوف الحشو (اللبات) اللى فى صدر العربية

[sab3aawy]

بالنسبة لرشاش المساحات اسهل حاجة انك تلزقه فى صاج العربية بنقطة امير او سوبر جلو

[ahmedezzat78]

لو عندك فتحات من الحوض للصالون اقفلها باسبراى فوم هيديك نتيجه رائعة

[رامى خيال]

على فكرة انا كان عندى نفس المشكلة فى الشاهين برده وفوجئت ان الهواية مفتوحة وانا مش واخد بالى ولما قفلتها انتهت

[sherif_84]

شكرا على الردود ياشباب جزاكم الله كل خير

[ahmedezzat78]

العفو على ايه

بس قوللى هيه دى صوره الشاهين بتاعتك و الا انت بتعمل تمويه:p

[sherif_84]

( : لأ دى الشاهين بتاعت ألمانيــــا

[ahmedezzat78]

شوف برضو الناس مقامات :d

[hazem_khidr]

شريف باشا حبيب قلبي
بثص يا سيدي يا تشوف فعلا الهوايات زي ما الناس قالولك يا اما تشوف سروجي يركب ليك لباد حراري.
بالنسبه ارشاش الميه هات بتوع البيجو بيركبو و بيبقو ثابتين اوي انا كنت مركبهم في ال 125 و فضلو قول فوق ال 15 سنه و لا حاجه