حد يشترى لينيا

[elysmeen]

بكل صراحة انا مش عارف اعمل اية لحد مفكرت جدديا انى ابيعها
والسبب انها بتجرى لوحدها والله بتجرى لوحدها انا كنت بحب الجرى ايام مكان معايا جولف 2 لحد اول مجبت الاوبترا وحرمت اعدى 120 ودلوقتى بعد ماجبت اللينيا افوجى بأن السرعة 190 وكل مقول خلاص انا مش حجري تانى الاقلاى العربية بتغرينى واقول دى اخر مرة ومش عارف اعمل اية النصيحة ومحدش يقول اضبط الالرم على 100 لانى فعلا ضبطة على كدة

[Mostafa.Mahran]

خلاص بدل معايا و ادفعلى الفرق

[michohat]

معرفش ده ممكن يبقى حل ولا لا بس حاول تحط حاجه فوق دواسة الاقدام بحيث تعلى المستوى و تمنع دواسة البنزين انها تاخد مشوارها للاخر
كنت بسمع ان فى بعض لوارى الجيش بيحطوا مسمار تحت دواسة البنزين بحيث مش تنزل للاخر فدى فكرة مشابهه على اعتبار انك مش هتعرف تحط مسمار تحت دواسه البنزين

[elysmeen]

على فكرة المسمار موجود ورفعة للاخر بس مشوارة قصير

[yoko]

للأسف زي نفسي أبطل أجري بيها بس هي بتغري جامد
وحرام عليك عنوان الموضوع خضني وإستنى موضوعي بكره (ركبت فرش جلد)

[nab!l]

يعنى بتبقى ماشى 100 مثلا
تلاقيهم 190 من غير ماتحس

[aymoz]

ظروف الطريق هيا اللي بتخلي الواحد يجري أو يمشي بالراحة يعني ساعات تبقى عايز تجري والطريق مايديكش فرصة و ساعات تبقى مروح بليل و رايق و تلاقي الطريق بيستفزك علشان تجري

أنا شايف بصراحة الجري الشهوة لازم تتحكم فيها

[macdiv]

لو فعلا نفسك تبطل الجري بجد ..في تكايه بتتحط تحت الدواسه كليميتر ... و فعاله جدا،،،

[semsem_uno]

ايه الكلام الغريب ده
تبيع ايه و بتاع ايه يا استاذ بس بلاش الكلام ده علشان انا مش لاقي رد اقوله
يا اخي خضتني قلت العربية فيها مصيبة مع ان لا يمكن ابدا و بعد اما ادخل الاقي سبب زي ده !!
و بعدين بتجري لوحدها عيب تقولها عاللينيا
تقولها الهيونداي فيرنا و الجيتز و الحاجات ديه ماشي

[elysmeen]

انا لما قولت كدة مكنتش بقلل من قيمة اللينيا ولكن كان قصدى ارفع من قيمة التربو والتجميع الجبار الى موجود بالعربية والاغراء الى بتوصلك لية

[amrbakly]

دة انتوا بتغيظوني بقي

طيب اية رأيك تاخد الأونو بتاعتي تجري بيها لحد 140 بس يا عم و انا موافق و مش حتعبك في الفرق

:dd

[amrbakly]

ايه الكلام الغريب ده
تبيع ايه و بتاع ايه يا استاذ بس بلاش الكلام ده علشان انا مش لاقي رد اقوله
يا اخي خضتني قلت العربية فيها مصيبة مع ان لا يمكن ابدا و بعد اما ادخل الاقي سبب زي ده !!
و بعدين بتجري لوحدها عيب تقولها عاللينيا
تقولها الهيونداي فيرنا و الجيتز و الحاجات ديه ماشي

بس يا سمسم احنا جيتزاوية زي بعض ... متنكرش انك بتحب الجيتز و ان العربية طلقة الصراحة و حرام تبقي هيونداي

[د.محمود صلاح]

ربنا يحفظك من شر السرعة ويحفظهالك من العين ,, وحاول تتحكم في السرعة هي فعلاً مغرية

[NoRmAl]

عارف أنا برضو لما بجرى جامد وأفكر أن ممكن يحصلى حاجه ولا قدر الله مرجعش بيتى
برضو مبيهمنيش وبجرى :))
أنما لما بفكر أنى مش أنا بس الى ممكن يحصلى حاجه لا دا كمان ممكن بتهورى دا أتسبب فى موت حد مالوش ذنب فى تهورى و غبائى
ساعتها بهدا بجد ومبجريش
بحب الجرى أه
لكن معرفش ممكن أقف قدام ربنا و أقوله أيه لما يسألنى عن سبب أهدارى لنفس ملهاش ذنب
ساعتها مش هينفعنى أنا جبت بعربيتى كام و لا طلعت من مين
فكر فيها من الناحيه دى يمكن تفيدك زى مافادتنى