مساعده فيات برافا 2002

[ahmed1_com]

كنت عايزاستفتسر عن العربيه البراف 2002 من حيث

1-العربيه ماتور وعافشه وكعربيه عامله ايه

2- قطع الغيار اسعارها ايه ومتوفره ولا لا اهم حاجه

3- العربيه موديل 2002 حالتها كويسه رشه بره ما عدا السقف وهى نضيفه جدا تعملها كام وكامله وحالتها كويسه

4- استهلاك البنزين وحالة الموتور مستنى الرد ومشكورين جدا

[ahmed1_com]

ياريت حد يرد على ضرورى

[abdelhady83]

كنت عايزاستفتسر عن العربيه البراف 2002 من حيث

1-العربيه ماتور وعافشه وكعربيه عامله ايه

2- قطع الغيار اسعارها ايه ومتوفره ولا لا اهم حاجه

3- العربيه موديل 2002 حالتها كويسه رشه بره ما عدا السقف وهى نضيفه جدا تعملها كام وكامله وحالتها كويسه

4- استهلاك البنزين وحالة الموتور مستنى الرد ومشكورين جدا

بص يا سيدى انا معايا برافا 97

1-موتور العربيه ممتاز جداً و عفشتها قوبه بس فراملها تعتبر ضعيفه شويه مقارنه باللى زيها بس السيفتى بتاع العربيه عالى

2 قطع غيارها مش منتشره اوى بس موجوده شوف الموضوع ده

http://www.nilemotors.net/Nile/129462-a.html

3- مش حقدر افيدك فيها
4-تعتبر اقتصاديه فى البنزين الى حد كبير


متنساش لازم تكشف على العربيه و الموتور و العفشه قبل لما تشترى لان كل حاله عربيه مختلفه عن التانيه


و انا معاك لو ليك اى استفسار

[ahmed1_com]

مشكور جدا ياريت تفدنى اخلص فى العربيه ولا لا

كمان كنت عايز عرف منك مثلا بعض اسعار قطع الغيار الى انت غيرتها ياريت ضرورى وشكرا ليك جدا على الاهتمام

[ahmed1_com]

انا الحمدلله اشتريت العربيه بس يريت اعرف بعض اسعار قطع الغيار

[abdelhady83]

مشعارف المنتدى مهيس ليه انا رديت عليك بس الرد مظهرش

ما علينا

اولاً مبروك عليك ربنا يبارك لك فيها و يبعد عنك شرورها

من الحاجات اللى انا غيرتها

جوز مساعدين خلفى جديد 300 جنيه
مساعد امامى مستعمل 140 جنيه
ديسك و اسطوانه حوالى 700 جنيه
فلتر البنزين ( اللاونس يركب عليها ) 30 جنيه
اسكاترا 300 جنيه
فانوس خلفى 100 جنيه
استوب الشنطه 250 جنيه بالعافيه
طقم اكر مستعمل من 300 الى 500 جنيه حسب حالته
عملت مفتاح مشفر 100 جنيه

دا اللى انا فاكره دلوقتى

طبعاً الحاجات دى على مر كذا سنه فممكن الاسعار دى تتغير بس فى نطاق بسيط

و انا معاك لو فيه حاجه

[meerothe1st]

معلش بقى سؤال سؤال للأستاذ أحمد حضرت جبتها بكام
ومعلش سؤال للأستاذ عبد الهادى أسعار قطع غيار السرفيس الدورية (البوجيهات، فلتر هواء، بنزين، تكيف، تيل فرامل سيور)
ولك جزيل الشكر

[abdelhady83]

معلش بقى سؤال سؤال للأستاذ أحمد حضرت جبتها بكام
ومعلش سؤال للأستاذ عبد الهادى أسعار قطع غيار السرفيس الدورية (البوجيهات، فلتر هواء، بنزين، تكيف، تيل فرامل سيور)
ولك جزيل الشكر

و الله يا باشا طقم البوجيهات النضيف 2 شعله عامل 65 جنيه فيه صينى عامل 15 اوعى تجيبه

فلتر الهواء بيتنضف بس بصراحه مغيرتوش خالص

فلتر البنزين 30 جنيه
شحن تكيف 100 جنيه
تيل فرامل من 85 الى 120 جنيه
سير الكاتينا حوالى 120 جنيه

[ahmed1_com]

معلش اتاخرت على حضرتك انا جبتها 42 الف موديل 2002 بس كنت عايز اسال استاذ عبد الهادى على حاجه انا مونت العربيه ببنزين 80 فا يا ترى ايه تاثيره عليها وشكرا

[Bonanza]

نصيحة بلاش بنزين 80 في عربيات فيات الحديثه لو عاوزتحافظ علي موتورك و كفائته

[ahmed1_com]

مشكور جدا ياريت حضرتك لو تقدر تقلى هو البنزين بياثر على الموتور ازاى

[Bonanza]

الاسئلة التالية هاتجاوب علي سؤالك

السؤال الأول: ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك
وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)
4- التصفيق الكتير يقصر عمر المحرك على المدى الطويل
5- زيادة في إستهلاك النزين لأن التصفيق والموجات الناتجة تزيد من فواقد القدرة داخل المحرك


السؤال الثاني: ماذا يحدث لو وضعت بنزين ذو رقم أوكتاني أعلى من الموصى به لسيارتي أو أعلى من المناسب لنسبة إنضغاط محرك سيارتي ؟؟
الجواب:
أما في حالة أن تضع بنزين أعلى من الموصى به:
قد يكون السيارة موصى لها بنزين 92 ولكن عندما تضع بنزين 95 فإن السيارة تعطيك أداء أفضل
وفي هذه الحالة فإن جيبك هو الذي سيحكم لأن بنزين ال 95 سيعطيك إحساس قوي بفلوس كثير والبنزين ال 92 سيعطيك القدرة القياسية من المحرك وسيوفر لك فلوسك بدون ضرر نهائي على المحرك
في هذه الحالة لك مطلق الحرية

ولكن لو وضعت بنزين 95 ولم تحس بفرق فاتركه فوراً وارجع لبنزين 92 الموصى به لسيارتك

الجواب منقول للامانة

[abdelhady83]

اظن العضو بونوزا استوفا الرد تمام

بس بما انك سالت فانا بستعمل بنزين 92 و لو ملقتش بحط 90 و ده قليل جداً مع العلم انا عربيتى برافا 97 يعنى اقدم من عربيتك بس عمرى محطيت 80 خالص لانى عارف انى كده ببهددل العربيه

[Bonanza]

بعيدا عن الموضوع ده بعد اذن صاحب الموضوع

انا بفكراغير التمبرا و اجيب برافا ... هل الفرق يستاهل .. طبعا من حيث الشكل يستاهل

لكن انا بتكلم عن مجمل العربية .. موتور و عفشة و وسع داخلي و اظن قطع الغيار التمبرا منتشرة اكتر

[abdelhady83]

بالمناسبه بما انك كنت بتسال على اسعار قطع الغيار

انا من كام يوم غيرت المارش

عمل الاستيراد 180 جنيه بالمصنعيه 210