علي كل ملاك التمبرا الدخول؟

[islammmm]

انا بدور علي فيات تمبرا من موديل90 الي 96 بس عاوزها مواصفات خاصه يعني يكون فيها الاتي:
1-فتحة سقف.
2-عدادات ديجتال.
3-تكييف تاتش.
4-زجاج كهرباء.
ياريت اللي ادامه واحده يعرفني وياريت لو حد يعرف الرينج بتاع سعرها
وشكرا

[Bonanza]

رينج السعر للـ 1600 بين 30 و 38 الف حسب الحالة
و في الغالب الحالة النضيفة جدا مش هاتلاقيها ولو لقيتها هي دي اللي تدفع فيها و انت مغمض

الباقي بقي انت و شطارتك في الفصال و علي حسب الشغل اللي محتاجاه

كام حاجة تركز عليها في الشراء غير اساسيات العربية ( مكلفين و لازم تخصم تمنها لو مش شغالة )

1- بما انك عاوزعداد ديجيتال فا اتأكد ان كلة حاجة فيه شغالة لان مش كتير بيفهموا في تصليحة
2- التكييف .. غالبا هايقولك انه محتاج شحن بس اوعي تصدقة لو محتاج شحن كان صاحب العربية شحنة و التكييف اصلاحة مكلف
3- كاوتش الابواب

حاجة مهمة جدا جدا بقي هي علبة الدركسيون لانها اكثر شيء مكلف في العربية ( جديدة بـ 4 الاف جنيه )

ربنا يوفقك يا باشا

[visitegypt]

بص يا باشا
انا من عشاق التمبرا والحمد لله لسه مشترى عربية من حوالى شهرين
( موديل 90 ) معاقين برضه ةولسه فاكه الحظر شهر 11 اللى فات
بالنسبة لفتحة السقف على حد علمى مش حتلاقى غير فى الإستيراد ( معاقين يعنى )
ومش كل السيارات فيها فتحة سقف، على العموم حتلاقيها كهرباء و درجتين ( درجة تفتح لفوق ودرجة تفتح كلها داخل السقف )
بالنسبة للعدادات الديجيتال حتلاقيها بداية من موديل 1991 هيه طبعا شكلها حلو اوى، انا لما كنت بأدور على تمبرا كان شرط اساسى عندى انها تكون ديجيتال لاكن بكل اسف لم الاقى سيارة ديجيتال وحالتها كويسة المهم اشتريت عدادات عادية
المهم فى الديجيتال انها كلها تكون شغالة
التكييف التتش حتلاقيه فى الموديلات العالية شوية يعنى تقريبا بداية من 95 وانت طالع
الزجاج الكهرباء عادة بيكون امامى فقط وليس ال 4 ابواب
وعلى العموم ربنا يوفقك وتلاقى عربية كويسة

[islammmm]

العربيه انا شوفتها مع واحد صاحبي هو معاق وجايبها من بورسعيد تبع المعاقين وهي موديل 90 وفيها كل حاجه فتحة سقف وعدادات ديجتال وتكييف تاتش واربع ابواب كهرباء بس للاسف مدمرها ومطلع عنيها كل يوم سفر من طنطا للقاهره
ياريت يا باشا تقولي هي بكام في بورسعيد للمعاقين وبكم فك حظرها ولك جزيل الشكر .
وياريت كمان تحكيلي نظام البيع هناك هل فيه فصال وكده ولا لا؟
وهل التمبرا المعروضه هناك كتيره ولا نادره؟