الى خبراء التمبرا

[adelco]

متشكر يا استاذ Bonanza
بالنسبه للتكييف هو شغال
اما السقف فانا شفت العربيه وهيا بتتمعجن والقوائم لم تمس بالمعجون فابريكه هو فقط كان فى زى ما تقول مكان ما اسف فى اللفظ الكلاب بتتنطط على السياره او حد رمى حاجه عاى العلربيه عملت انبعاج بسيط وكمان اتدارى بالمعجون ما اتسمكرش فقط تظبيط والتقفيل الداخلى لم يمس
اما بالنسبه للثمن فانت اول واحد يتوقع الثمن وانا فى انتظار اخوانى يقولولى رايهم فى السعر اللى حضرتك وضعته
وانا فى الاخر هقول الثمن
وجازاك الله عنى خيرا

[abdelmessih67]

الاخوة الافاضل جميعا شكرا لمشاركاتكم الغنية

الاخ الفاضل brave666 أنت كنت فين يا بطل من سنة لما دفعت ال 500 جنيه في خرطوم الباور , أنت كبست فين خرطوم الباور و بعدين كلفك 65 جنيه فقط يا بلاش ياترى حالته ايه و بقالك معاك أده ايه أحب اعرف و ربنا يستر لا أحتاج لتغييره مرة أخرى .

الاخ الفاضل أديلكو أنا هأقولك عربيتي جبتها بكام , انا جبتها من سنة بحوالي
36.500 الف جنيه و هي موديل 98 فابريكة دواخل و سقف و كابوت دهان فابريكة لم ترش سوى الابواب و الرفارف و هي أول يد و كانت عاملة حوالي 130 الف كيلو الا قليلا لهذا يهيئ لي لو عربيتك مش عاملة كيلوات كثيرة ممكن تخلص على 35 الف أو 34 زي ما الاخ بونانزا قال .

بالمناسبة برضه حكاية التكييف شغال و عايز شحن فقط كلام غير صحيح لانه عادة لو مش شغال يبقى في تسريب منه أو من السربنتينة و اصلاح الكمبرسور يبكلف من 350 الى 400 جنيه و لو استيراد ب 350 جنيه أما السربنتيينة فلو خارجية بتتلحم أما السربنتينة الداخلية فلا يتم تصليحها و انما بتتغير و سعر الاستيراد 400 جنيه اما الكمبرسور الجديد ف 2000 جنيه هاريسون أمريكي اصلي عند محمد يوسف و زيه تقريبا ب 2500 جنيه عند الكيلاني .

بالمناسبة انت ساكن فين ممكن أقوللك على ورشة كويسة تفحص فيها التكييف كاملا قبل الشراء ؟؟؟؟؟

[Ahmed_Farouk]

الاخوة الافاضل جميعا شكرا لمشاركاتكم الغنية

الاخ الفاضل brave666 أنت كنت فين يا بطل من سنة لما دفعت ال 500 جنيه في خرطوم الباور , أنت كبست فين خرطوم الباور و بعدين كلفك 65 جنيه فقط يا بلاش ياترى حالته ايه و بقالك معاك أده ايه أحب اعرف و ربنا يستر لا أحتاج لتغييره مرة أخرى .

الاخ الفاضل أديلكو أنا هأقولك عربيتي جبتها بكام , انا جبتها من سنة بحوالي
36.500 الف جنيه و هي موديل 98 فابريكة دواخل و سقف و كابوت دهان فابريكة لم ترش سوى الابواب و الرفارف و هي أول يد و كانت عاملة حوالي 130 الف كيلو الا قليلا لهذا يهيئ لي لو عربيتك مش عاملة كيلوات كثيرة ممكن تخلص على 35 الف أو 34 زي ما الاخ بونانزا قال .

بالمناسبة برضه حكاية التكييف شغال و عايز شحن فقط كلام غير صحيح لانه عادة لو مش شغال يبقى في تسريب منه أو من السربنتينة و اصلاح الكمبرسور يبكلف من 350 الى 400 جنيه و لو استيراد ب 350 جنيه أما السربنتيينة فلو خارجية بتتلحم أما السربنتينة الداخلية فلا يتم تصليحها و انما بتتغير و سعر الاستيراد 400 جنيه اما الكمبرسور الجديد ف 2000 جنيه هاريسون أمريكي اصلي عند محمد يوسف و زيه تقريبا ب 2500 جنيه عند الكيلاني .

بالمناسبة انت ساكن فين ممكن أقوللك على ورشة كويسة تفحص فيها التكييف كاملا قبل الشراء ؟؟؟؟؟

كبسته عند و احد بتاع كبس خراطيم في السيوف (الاسكندرية). و الحمد لله عدت عليه سنة من غير مشاكل . و السعر ده كان ممكن ينزل عن كده لو كان فيا حيل للفصال ساعتها (ساعة و نص بلف على رجلي عشان الاقي المحل ده )

[adelco]

شكر وتقدير

السلام عليكم
انا والحمد لله استلمت السياره وهذا بفضل الله وكنتم السبب فى تثبيتى
الحمد لله كل شىء تمام رحت غيرت الزيت والفلتر
ورفعت العربيه واطمنت تمام
وساقوم بعمليه فحص خلال الايام القادمه وشويه حاجات كده زى ما اصدقائى نصحونى
يعنى هبص على العفشه
وهغير السيور
ياريت لو حد عنده نصيحه يقولهالى
اه وكمان يا جماعه العربيه ماشاء الله جميله جدا انا كنت سعيد بيها على الاخر والحمد لله
بس حصل مشكله مش عارف سببها طبعا الجو كان حر جدا وانا كنت مشغل التكييف وكان مخلى العربيه ثلاجه وبعدين اخر النهار نزلت رحت مشوار واحول اشغل التكييف مش عاوز يشتغل حتى المروحه مش شغاله بس انا باحس ان الكباس اشتغل لكن ما فيش هوا يبيطلع خالص
ارجو النصيحه
كمان فى حاجه تانيه العربيه فيها سنتين ونصف رخصه وعندما ذهبنا لعمل التوكيل افاد الموظف بانه لا توجد توكيلات فى هذا الفرع روحوا فرع الدقى ولما كان المشوار طويل صاحب العربيه اقترح انه يبيع لى بعقد بيع على ان لا اوقع انا فى خانه المشترى بحيث استفيد م سنوات الفرق وبالفعل عندما سئلت فى الشهر العقارى قالوا لو ما وقعتش تقدر تمشى بالعقد زى ما انت عاوز حتى ميعاد التجديد لكن لما رجعت بالسيارة بعض اصدقائى قالوا لى اسئل ثانى لان الموضوع ده مش صح ارجو الافاده يا جماعه
ويا استاذ عبد المسيح من فضلك قولى الراجل اللى انت بتشكر فيه ده بتاع التكييفات فين
وعلى فكره انا مش هضحك عليكم سعلر السيارة والحمد لله 30000 جنيه
وده لا صاحبها راجل مسافر دائما ولا يستخدمها الا قليلا والفضل كله لله
واخيرا اكرر الشكر لكل من ساهم فى دعمى وارجو ان نستمر فى التواصل

[Bonanza]

الف مبروك يا استاذ adelco علي العربية ربنا يباركلك فيها و يهنيك بيها و يديك خيرها و يكفيك شرها

السعر كويس جدا ماشاء الله

بالنسبة للتكييف انا مقدرش افيدك فيه لان اللي انا اتعاملت معاه غالي اوي اوي و شغلة عادي يعني فلوس كتير علي الفاضي ( ال سعيد في الهرم ) استني باقي الاعضاء يفيدوك اكتر مني.

بالمناسبة قول انت ساكن فين عشان الناس اللي قريبة ليك تفيدك اكتر

[adelco]

الله يبارك فيك يا استاذ Bonanza وانا منتظر معاك يمكن حد يفيدنى فى موضوع التكييف وموضوع عقد البيع
وجزاكم الله خيرا

[ZALABANY]

ألف مبروك على العربية يا باشا وربنا يباركلك فيها ويكفيك شرها
أسف ما شوفتش الموضوع الا متأخر
ان شاء الله هاتتبسط منها وهي عربيه جميله جدا واحسن من عربيات جديده كتير
بالنسبه لموضوع التكييف
لو انت بتشغل التكييف وسامع الكباس بيقوم لكن المراوح جوه مش بتشتغل كده تبقى بسيطه ان شاء الله
هايبقى فيوز مروحة التكييف الداخليه هو اللي ضرب لما تفتح الكبوت هاتلاق على يمينك فيوز عمومي برتقالي كبير جنب منه في فيوز تاني 40 امبير غالبا هاتلاقيه ضارب او القاعده سايحه لو القاعده سليمه هاتجيب فيوز تاني 40 امبير لو القاعده سايحه هاتجيب قاعده وفيوز وتروح لكهربائي يعملهالك وان شاء الله تطلع بسيطه

بونانازا أسامه باشا
انت رحت لأل سعيد
دول حراميه ونصابين اخدوا مني اكتر من 500 جنيه منهم 300 مصنعيات و 230شحن واكسبينشن
وفي الاخر باظ تاني فعلا لا انصح اي حد بالتعامل معاهم جزارين جدا وشغلهم اخر عك

[Bonanza]

بونانازا أسامه باشا
انت رحت لأل سعيد
دول حراميه ونصابين اخدوا مني اكتر من 500 جنيه منهم 300 مصنعيات و 230شحن واكسبينشن
وفي الاخر باظ تاني فعلا لا انصح اي حد بالتعامل معاهم جزارين جدا وشغلهم اخر عك

اه يا زلباني روحتلهم .. كنت فين قبل ما اروحلهم كنت تنصحني .. بس معلش ربنا يجعلنا عبرة عشان غيرنا مايتخمش

انا كمان اخدوا مني فوق ال 500 جنيه و مش غايظني اكتر من الاكسبينشن ده تقريبا دي سبوبة ولا ايه يعني ممكن مايبقاش بايظ و يقولك ده بايظ .. بقي حتة بلاستكة يقولي عليها ب 120 جنيه و اروح اسأل عليبها في الحرفيين الاقي الراجل بيقولي ماتزيدش عن 50 جنيه .. ولا الشحن اللي بـ 180 جنيه ده .... حسبي الله و نعم الوكيل

سيبك انت
انت واحشني والله يا محمد انت و جاليليو اللي مختفي ده

مش هانتقابل تاني ولا ايه التمبراوية كترو اهو ... يلا ولا ايه ؟

[ZALABANY]

عايزين نتقابل والله يا أسامه بس المره دي نجمع كل التمبراويه

[adelco]

الحمد لله
والله يا استاذ zalabany انا مبسوط جدا بيك وعلى فكرة ما شاء الله انت نشيط جدا
وربنا يحفظك ويكافئك انت اللى حببتنى فى التمبرا لانك ما شاء الله بتسهل كل حاجه
جازاك الله عنا خيرا
وانا اليوم هافحص الفيوز اللى انت بتقول عليه
وان باعتذر لعدم ردى حيث لم اكن متواجدا اليومين اللى فاتوا
واكرر لك شكرى وتقديرى
اخوك عادل

[ZALABANY]

الحمد لله
والله يا استاذ zalabany انا مبسوط جدا بيك وعلى فكرة ما شاء الله انت نشيط جدا
وربنا يحفظك ويكافئك انت اللى حببتنى فى التمبرا لانك ما شاء الله بتسهل كل حاجه
جازاك الله عنا خيرا
وانا اليوم هافحص الفيوز اللى انت بتقول عليه
وان باعتذر لعدم ردى حيث لم اكن متواجدا اليومين اللى فاتوا
واكرر لك شكرى وتقديرى
اخوك عادل

يا باشا ولا يهمك ولو احتجت حاجه انا موجود في اي وقت

[abdelmessih67]

أهلا بالاخ الفاضل عادل

بس حصل مشكله مش عارف سببها طبعا الجو كان حر جدا وانا كنت مشغل التكييف وكان مخلى العربيه ثلاجه وبعدين اخر النهار نزلت رحت مشوار واحول اشغل التكييف مش عاوز يشتغل حتى المروحه مش شغاله بس انا باحس ان الكباس اشتغل لكن ما فيش هوا يبيطلع خالص

ويا استاذ عبد المسيح من فضلك قولى الراجل اللى انت بتشكر فيه ده بتاع التكييفات فين
وعلى فكره انا مش هضحك عليكم سعلر السيارة والحمد لله 30000 جنيه
وده لا صاحبها راجل مسافر دائما ولا يستخدمها الا قليلا والفضل كله لله
واخيرا اكرر الشكر لكل من ساهم فى دعمى وارجو ان نستمر فى التواصل

أولا الف مبروك يا أخ عادل موضوع المروحة ما بتشتغلش ممكن يكون فيوز عاوز يتغير او بريزة المروحة عايزة تتنظف أو تتغير و عمل معايا كده و غيرت الفيوز ب 3 جنيه .

بتاع التكييف قالي عليه الاخ زلباني ربنا يخليه في شارع كمال الهويدي المتفرع من شارع خاتم المرسلين وواصل بينه و بين شارع الثلاثيني أمام بنزينة الريان اللي في شارع خاتم المرسلين بعد الطالبية ( شارع عثمان محرم ) بمحطة .

على فكرة السعر ممتاز جدا لكن هي عاملة كام كيلو لان يهيئ لي أني عاينتها أيام ما كنت باشتري , هي عاملة 170 الف و الا أقل ؟؟؟؟؟؟؟

[adelco]

متشكرين يا اخى الكريم عبد المسيح
انا والحمد لله فعلا بفضل الله وبسبب ارائكم المفيدة انت وكل الاخوه الزملاء
لاقيت انه فى فيوز وبالفعل غيرته والتكييف اشتغل والحمد لله
والعربيه عامله 145 الف كيلو تقريبا

[adelco]

يا باشا ولا يهمك ولو احتجت حاجه انا موجود في اي وقت

متشكرين جدا جدا جدااااااااااااااااااااااااااااااا
الحمد لله غيرت الفيوز والتكييف اشتغل
بس انا حطيت 30 امبير
هل انت متاكد ان الفيوز اللى المفروض يركب 40
ياريت لو حد يعرف فى الفيوزات يقولى الفيوز بتاع التكييف كام 30 ولا 40

[ZALABANY]

هو عامة بيبقى مكتوب عليه هابصلك في العربية وابعتلك النهارده ومبروك تشغيل التكييف