عايز اركب جوان لـ سيينا عند ميكانيكى شاطر غير التوكيل

[cruiss]

عربيتى غالبا جابت وش سيليندر
بصراحة كدة حرام لما يبقى الجوان اصلا سعره 30ج والمفروض تركيبه ماياخدش مصنعية اكتر من 100ج و ييجى التوكيل يطلب منى 600ج

عايز ميكانيكى شاطر غير التوكيل حد يكون جربه ويكون فاهم اوى السيينا يركبلى الجوان ده

وشكرا لأى حد هيرد عليا

[yoko]

بصراحة معرفش بس إستنى حد من ملاك السينا يرد على حضرتك

[motoxp]

شوف مركز روكسان اللى فى المطار بيفهموا اوى فى السيينا

[fadynabil80]

فى ميكانيكى احسن من التوكيل اسمه شوقى جنب الكيلانى بتاع قطع الغيار فى شارع شامبليون ادام كشرى ابوطارق
ده ميكانيكى روعه وامين والكيلانى عنده قطع الغيار الاصليه
انا طبعا مش هعمل دعاية لحد الا اذا كنت مبسوط من شغله
ياريت تطمنا
وابقى سلملى على شوقى قوله مهندس فادى بتاع البونتو البيضا
ربنا معاك

[fadynabil80]

نسيت اقولك ده بيشغل فى البونتو والسيينا والبرافا والماريا
ولو عاوز تليفونه قولى وانا اكتبهولك

[cruiss]

ربنا يخليك يا فادى اه والنبى الحقنى بتليفونه عشان انا محتاس
وربنا يكرمك يا رب

[fadynabil80]

اسمه شوقى 0101469680
ومتنساش تسلملى عليه